Canada News : ਹਰੀ ਬੱਤੀ ਹੋਣ 'ਤੇ ਸੜਕ ਪਾਰ ਕਰ ਰਹੀ 21 ਸਾਲਾ ਸਿਮਰਨਪ੍ਰੀਤ ਕੌਰ
21-year-old woman dies after being hit by pickup truck in Edmonton News in Punjabi : ਸ਼ੁਕਰਵਾਰ ਸ਼ਾਮ ਨੂੰ ਦੱਖਣੀ ਐਡਮਿੰਟਨ ਵਿਚ ਇਕ ਡਰਾਈਵਰ ਨੇ ਸੜਕ ਪਾਰ ਕਰ ਰਹੀ ਇਕ 21 ਸਾਲਾ ਕੁੜੀ ਨੂੰ ਟੱਕਰ ਮਾਰ ਦਿਤੀ, ਜਿਸ ਤੋਂ ਬਾਅਦ ਪੁਲਿਸ ਜਾਂਚ ਕਰ ਰਹੀ ਹੈ।
ਐਡਮਿੰਟਨ ਪੁਲਿਸ ਨੇ ਸਨਿਚਰਵਾਰ ਬੀਤੇ ਦਿਨ ਕਿਹਾ ਕਿ 21 ਸਾਲਾ ਸਿਮਰਨਪ੍ਰੀਤ ਕੌਰ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਜਦੋਂ ਉਹ ਹਿਊਜ਼ ਵੇਅ ਅਤੇ 23ਵੇਂ ਐਵੇਨਿਊ 'ਤੇ ਹਰੀ ਬੱਤੀ 'ਤੇ ਸੜਕ ਪਾਰ ਕਰ ਰਹੀ ਸੀ ਤਾਂ ਇਕ ਪਿਕਅੱਪ ਟਰੱਕ ਨੇ ਉਸ ਨੂੰ ਟੱਕਰ ਮਾਰ ਦਿਤੀ। ਪੁਲਿਸ ਨੇ ਕਿਹਾ ਕਿ ਜਦੋਂ ਕੁੜੀ ਸੜਕ ਪਾਰ ਕਰ ਰਹੀ ਸੀ ਤਾਂ ਈਸਟ ਬਾਊਂਡ ਅਤੇ ਵੈਸਟ ਬਾਊਂਡ ਜਾਣ ਵਾਲੀਆਂ ਲਾਈਟਾਂ ਹਰੀਆਂ ਸਨ।
ਇਕ ਦੋਸਤ ਮੋਹਿਤ ਰੇਖੀ ਨੇ ਪੀੜਤਾ ਦੀ ਪਛਾਣ ਸਿਮਰਨਪ੍ਰੀਤ ਕੌਰ ਵਜੋਂ ਕੀਤੀ, ਜੋ ਹਾਲ ਹੀ ਵਿਚ ਪੰਜਾਬੀ ਤੋਂ ਸਕੂਲ ਲਈ ਪੜਨ ਕੈਨੇਡਾ ਆਈ ਸੀ ਅਤੇ ਬੈਂਕਰ ਬਣਨ ਦਾ ਸੁਪਨਾ ਦੇਖ ਰਹੀ ਸੀ।
ਟੱਕਰ ਸ਼ਾਮ 7:08 ਵਜੇ ਦੇ ਕਰੀਬ ਹੋਈ, ਜਦੋਂ ਕੌਰ ਹਿਊਜ਼ ਵੇਅ ਦੇ ਵੈਸਟ ਬਾਊਂਡ ਦੇ ਨਿਸ਼ਾਨਬੱਧ ਕਰਾਸਵਾਕ 'ਤੇ ਸੜਕ ਪਾਰ ਕਰ ਰਹੀ ਸੀ। ਜਦੋਂ ਉਹ ਸੜਕ ਪਾਰ ਕਰ ਰਹੀ ਸੀ, ਤਾਂ 23ਵੇਂ ਐਵੇਨਿਊ ਸਾਊਥ ਬਾਊਂਡ ਤੋਂ ਖੱਬੇ ਮੁੜਨ ਵਾਲੀ 2010 ਡੌਜ ਰੈਮ 2500 ਉਸ ਨਾਲ ਟਕਰਾ ਗਈ। ਐਂਬੂਲੈਂਸ ਕਰਮਚਾਰੀਆਂ ਨੇ ਉਸ ਨੂੰ ਮੌਕੇ 'ਤੇ ਹੀ ਮ੍ਰਿਤਕ ਐਲਾਨ ਦਿਤਾ।
ਕੌਰ ਦੀ ਮੌਤ ਦੀ ਜਾਂਚ ਈਪੀਐਸ ਮੇਜਰ ਕੋਲੀਜ਼ਨ ਇਨਵੈਸਟੀਗੇਸ਼ਨ ਸੈਕਸ਼ਨ ਦੁਆਰਾ ਕੀਤੀ ਜਾ ਰਹੀ ਹੈ। ਟਰੱਕ ਚਲਾ ਰਹੇ 48 ਸਾਲਾ ਵਿਅਕਤੀ ਵਿਰੁਧ ਕਾਰਵਾਈ ਸਬੰਧੀ ਉਨ੍ਹਾਂ ਕੋਈ ਜਾਣਕਾਰੀ ਨਹੀਂ ਦਿਤੀ।
ਪੁਲਿਸ ਨੇ ਕਿਹਾ ਕਿ ਹਾਦਸੇ ਵਿਚ ਤੇਜ਼ ਰਫ਼ਤਾਰ ਅਤੇ ਨਸ਼ਾ ਨੂੰ ਹਾਦਸੇ ਦਾ ਕਾਰਕ ਨਹੀਂ ਮੰਨਿਆ ਜਾ ਰਿਹਾ ਹੈ।
