41 ਹਜ਼ਾਰ ਡਾਲਰ ਤੋਂ ਘੱਟ ਕਮਾਈ ਵਾਲੇ, ਮਾਪਿਆਂ ਨੂੰ ਅਮਰੀਕਾ ਨਹੀਂ ਬੁਲਾ ਸਕਣਗੇ
ਸਾਨ ਫਰਾਂਸਿਸਕੋ : ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਰਾਸ਼ਟਰਪਤੀ ਦੇ ਦਿਤੇ ਨਾਹਰੇ 'ਅਮਰੀਕਾ, ਅਮਰੀਕੀਆਂ ਲਈ ਅਧਾਰ 'ਤੇ ਜਿੱਤੀ ਸੀ, ਉਸ ਤੋਂ ਲੱਗਣ ਲੱਗ ਪਿਆ ਸੀ ਕਿ ਰਾਸ਼ਟਰਪਤੀ ਟਰੰਪ ਦੀਆਂ ਨੀਤੀਆਂ ਪ੍ਰਵਾਸੀਆਂ ਦੇ ਵਿਰੁਧ ਜਾਣਗੀਆਂ ਜੋ ਪੁਰੀਆਂ ਸੱਚ ਸਾਬਤ ਹੋ ਰਹੀਆਂ ਹਨ।
Photo
ਅਮਰੀਕਾ ਸਰਕਾਰ ਇਕ ਨਵਾਂ ਫ਼ੈਸਲਾ ਲਿਆ ਹੈ ਕਿ ਕੋਈ ਵੀ ਦੋ ਮੈਂਬਰਾਂ ਵਾਲੇ ਪ੍ਰਵਾਸੀ ਜਿਨ੍ਹਾਂ ਦੀ ਸਾਲਾਨਾ ਆਮਦਨ ਸਾਲਾਨਾ 41 ਹਜ਼ਾਰ ਡਾਲਰ ਤੋਂ ਘੱਟ ਹੋਵੇਗੀ, ਉਹ ਅਪਣੇ ਇਮੀਗਰੇਸ਼ਨ ਲਾਭ ਲੈ ਕੇ ਅਪਣੇ ਮਾਤਾ-ਪਿਤਾ ਨੂੰ ਅਮਰੀਕਾ ਨਹੀਂ ਬੁਲਾ ਸਕਣਗੇ। ਇਸ ਸਬੰਧੀ ਅਮਰੀਕਾ ਦੀ ਸੁਪਰੀਮ ਕੋਰਟ ਵਲੋਂ 9 ਜੱਜਾਂ ਦੇ ਬੈਂਚ ਨੇ 5-4 ਨਾਲ ਇਸ ਫ਼ੈਸਲੇ ਨੂੰ ਸੁਣਾਇਆ ਹੈ।
Photo
ਇਸ ਫ਼ੈਸਲੇ ਮੁਤਾਬਕ ਇਲੀਨੋਇਸ ਨੂੰ ਛੱਡ ਕੇ ਸਾਰੇ ਅਮਰੀਕਾ ਵਿਚ ਇਹ ਨਿਯਮ ਲਾਗੂ ਹੋ ਗਿਆ ਹੈ। ਇਸ ਸਬੰਧੀ ਅਮਰੀਕਾ ਤੋਂ ਛਪਦੇ ਇਕ ਪੰਜਾਬੀ ਅਖ਼ਬਾਰ ਦੇ ਸੰਪਾਦਕ ਸ. ਗੁਰਜਤਿੰਦਰ ਸਿੰਘ ਰੰਧਾਵਾ ਨੇ ਲੰਮਾ-ਚੌੜਾ ਲੇਖ ਲਿਖ ਕੇ ਇਸ ਫ਼ੈਸਲੇ ਨੂੰ ਪ੍ਰਵਾਸੀਆਂ, ਵਿਸ਼ੇਸ਼ ਕਰ ਕੇ ਭਾਰਤੀ ਮੂਲ ਵਾਲਿਆਂ ਲਈ ਚਿੰਤਾਜਨਕ ਦਸਿਆ ਹੈ।
Photo
ਅਮਰੀਕਾ ਪ੍ਰਸ਼ਾਸਨ ਨੇ ਜੋ ਅੰਕੜੇ ਦਿਤੇ ਹਨ ਉਸ ਮੁਤਾਬਕ 7% ਭਾਰਤੀ ਅਮਰੀਕੀ ਪੱਧਰ ਦੀ ਗ਼ਰੀਬੀ ਤੋਂ ਹੇਠਲੇ ਪੱਧਰ ਦਾ ਜੀਵਨ ਬਸਰ ਕਰ ਰਹੇ ਹਨ।
ਇਸ ਨਿਯਮ ਦਾ ਅਸਰ ਸਿੱਧੇ ਭਾਰਤੀ ਪ੍ਰਵਾਸੀਆਂ 'ਤੇ ਪਵੇਗਾ। ਇਸ ਨਿਯਮ ਮੁਤਾਬਕ ਜਦੋਂ ਇਹ ਲਾਗੂ ਹੋ ਜਾਏਗਾ ਤਾਂ ਘੱਟ ਆਮਦਨੀ ਵਾਲੇ ਪ੍ਰਵਾਸੀ ਜੋ ਆਰਥਕ ਮੰਦਹਾਲੀ ਵਿਚ ਜੀਵਨ ਬਤੀਤ ਕਰ ਰਹੇ ਹਨ, ਦੀਆਂ ਸਿਹਤ ਅਤੇ ਵਿੱਦਿਅਕ ਸਹੁਲਤਾਂ ਖ਼ਤਮ ਹੋ ਜਾਣਗੀਆਂ ਤਾਂ ਇਨ੍ਹਾਂ ਦੀ ਹਾਲਤ ਹੋਰ ਵੀ ਨਿੱਘਰ ਜਾਵੇਗੀ।
Photo
ਇਸ ਫ਼ੈਸਲੇ ਨਾਲ ਜੋ ਹੋਰ ਮਾਰੂ ਅਸਰ ਪੈਣ ਵਾਲਾ ਹੈ ਕਿ ਲੱਖਾਂ ਦੀ ਗਿਣਤੀ ਵਿਚ ਅਜਿਹੇ ਬਜ਼ੁਰਗਾਂ ਦਾ ਅਪਣੇ ਅਮਰੀਕਾ ਵਸਦੇ ਬੱਚਿਆਂ ਕੋਲ ਜਾ ਕੇ ਜੀਵਨ ਗੁਜ਼ਾਰਨ ਦਾ ਲਿਆ ਸੁਪਨਾ ਵੀ ਚਕਨਾਚੂਰ ਹੋ ਜਾਵੇਗਾ। ਘੱਟ ਆਮਦਨ ਵਾਲੇ ਪ੍ਰਵਾਸੀ ਕਦੇ ਵੀ ਅਪਣੇ ਬਜ਼ੁਰਗ ਮਾਤਾ-ਪਿਤਾ ਨੂੰ ਹੁਣ ਅਮਰੀਕਾ ਨਹੀਂ ਬੁਲਾ ਸਕਣਗੇ। ਟਰੰਪ ਸਰਕਾਰ ਨੇ ਇਕ ਹੋਰ ਫ਼ੈਸਲੇ ਤਹਿਤ ਜਿਹੜੀਆਂ ਗਰਭਵਤੀ ਔਰਤਾਂ ਅਮਰੀਕਾ ਆਉਂਦੀਆਂ ਸਨ ਉਨ੍ਹਾਂ ਦੇ ਅਮਰੀਕਾ ਆਉਣ 'ਤੇ ਵੀ ਪਾਬੰਧੀ ਲਾ ਦਿਤੀ ਹੈ।
Photo
ਪਹਿਲਾਂ ਜਦੋਂ ਕਿਸੇ ਗਰਭਵਤੀ ਔਰਤ ਦਾ ਬੱਚਾ ਅਮਰੀਕਾ ਵਿਚ ਜਨਮ ਲੈਂਦਾ ਸੀ ਉਹ ਅਮਰੀਕਾ ਦਾ ਨਾਗਰਿਕ ਗਿਣਿਆ ਜਾਂਦਾ ਸੀ ਭਾਵੇਂ ਉਹ ਕਿਸੇ ਹੋਰ ਮੁਲਕ ਦੀਆਂ ਔਰਤਾਂ ਕਿਉਂ ਨਾ ਹੋਣ। ਰਾਸ਼ਟਰਪਤੀ ਟਰੰਪ ਟੈਕਸ ਦੇਣ ਵਾਲਿਆਂ ਦੀਆਂ ਭਾਵਨਾਵਾਂ ਨੂੰ ਫੈਲਾ ਕੇ ਸਮਾਜਕ ਵੰਡ ਵਾਲੀ ਯੋਜਨਾ ਨੂੰ ਅੱਗੇ ਵਧਾਉਣ ਦਾ ਯਤਨ ਕਰ ਰਿਹਾ ਹੈ।
Photo
ਚਿੰਤਕਾਂ ਦਾ ਕਹਿਣਾ ਹੈ ਕਿ ਜਰੂਰਤ ਤਾਂ ਇਸ ਦੀ ਸੀ ਕਿ ਅਮਰੀਕਾ ਜਿਹੇ ਵਿਕਸਿਤ ਦੇਸ਼ ਵਿਚ ਆਰਥਕ ਨਾਬਰਾਬਰੀ ਦੂਰ ਕੀਤੀ ਜਾਵੇ ਤੇ ਕਮਜੋਰਾਂ ਨੂੰ ਹੋਰ ਮਦਦ ਦੇ ਕੇ ਆਰਥਿਕ ਤੌਰਤੇ ਉਚੇ ਚੁਕਣ ਦੀ, ਪਰ ਦੇਸ਼ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਅਮਰੀਕਾ ਪ੍ਰਸ਼ਾਸ਼ਨ ਇਨਸਾਨੀ ਸ਼ਾਨ ਤੇ ਇਕਸਾਰਤਾ ਦੀ ਭਾਵਨਾ ਦੇ ਉੱਲਟ ਹੈ ਅਤੇ ਉਹ ਜਮਹੂਰੀ ਕਦਰਾਂ ਦੀ ਉਲੰਘਣਾ ਕਰਨ ਵਾਲਾ ਸਮਝਿਆ ਜਾਵੇਗਾ ।
