ਟੋਲ ਨੂੰ ਦਿਤਾ ਗਿਆ ਸੰਦੀਪ ਸਿੰਘ ਧਾਲੀਵਾਲ ਦਾ ਨਾਂ
ਹਿਊਸਟਨ : ਡਿਊਟੀ ਦੌਰਾਨ ਸ਼ਹੀਦ ਹੋਏ ਭਾਰਤੀ ਅਮਰੀਕੀ ਪੁਲਿਸ ਅਫ਼ਸਰ ਸੰਦੀਪ ਸਿੰਘ ਧਾਲੀਵਾਲ ਨੂੰ ਸਨਮਾਨਤ ਕਰਨ ਲਈ ਹਿਊਸਟਨ ਦੇ ਟੋਲ ਦੇ ਇਕ ਸੈਕਸ਼ਨ ਦਾ ਨਾਂ ਬਦਲ ਕੇ ਉਸ ਦੇ ਨਾਂ 'ਤੇ ਰੱਖਣ ਦਾ ਫ਼ੈਸਲਾ ਲਿਆ ਗਿਆ ਹੈ। ਟਰੈਫ਼ਿਕ ਸਟਾਪ 'ਤੇ ਉਨ੍ਹਾਂ ਨੂੰ ਗੋਲੀ ਮਾਰੀ ਗਈ ਸੀ। ਹੈਰਿਸ ਕਾਉਂਟੀ ਵਿਚ 42 ਸਾਲਾ ਸੰਦੀਪ ਪਹਿਲੇ ਸਿੱਖ ਸ਼ੈਰਿਫ਼ ਡਿਪਟੀ ਸਨ।
Sandeep Singh Dhaliwal
ਤਿੰਨ ਬੱਚਿਆਂ ਦੇ ਪਿਤਾ ਧਾਲੀਵਾਲ 10 ਸਾਲ ਤੋਂ ਕੰਮ ਕਰ ਰਹੇ ਸਨ ਅਤੇ ਉਨ੍ਹਾਂ ਨੂੰ ਸੁਪਰਵਾਈਜ਼ਰ ਲਈ ਪ੍ਰਮੋਟ ਕੀਤੇ ਜਾਣਾ ਸੀ। ਉਨ੍ਹਾਂ ਦੇ ਕੰਮ ਨੂੰ ਯਾਦ ਰੱਖਦੇ ਹੋਏ ਸਨਮਾਨਤ ਕੀਤਾ ਗਿਆ ਅਤੇ ਟੈਕਸਾਸ 249 ਅਤੇ ਅਮਰੀਕਾ 290 ਵਿਚਕਾਰ ਬੇਲਟਵੇਅ 8 ਟੋਲਵੇਅ ਦਾ ਇਕ ਸੈਕਸ਼ਨ ਸ਼ਹੀਦ ਅਫ਼ਸਰ ਦੇ ਨਾਂ 'ਤੇ ਕਰ ਦਿਤਾ ਜਾਵੇਗਾ। ਇਸ ਦਾ ਨਾਂ ਹੋਵੇਗਾ 'ਐਚ.ਸੀ.ਐਸ.ਓ. ਡਿਪਟੀ ਸੰਦੀਪ ਸਿੰਘ ਧਾਲੀਵਾਲ ਮੈਮੋਰੀਅਲ ਟੋਲਵੇਅ।'
Sandeep singh dhaliwal
ਇਸ ਮੌਕੇ ਗੁਰਦਵਾਰਾ ਨੈਸ਼ਨਲ ਸੈਂਟਰ ਵਿਚ ਵੀ ਸਮਾਰੋਹ ਦਾ ਆਯੋਜਨ ਕੀਤਾ ਜਾਵੇਗਾ। ਹੈਰਿਸ ਕਾਉਂਟੀ ਦੇ ਸ਼ੈਰਿਫ਼ ਐਂਡ ਗੋਨਜਾਲੇਜ ਨੇ ਕਿਹਾ,''ਸੰਦੀਪ ਸਿੰਘ ਧਾਲੀਵਾਲ ਹੀਰੋ ਅਤੇ ਰੋਲ ਮਾਡਲ ਸਨ। ਚਲੇ ਗਏ ਪਰ ਭੁਲਾਏ ਨਹੀਂ ਗਏ। ਅਸੀ ਅਪਣੇ ਦੋਸਤ ਅਤੇ ਭਰਾ ਨੂੰ ਯਾਦ ਕਰਦੇ ਹਾਂ।''
