ਅਮਰੀਕਾ ਵਿਚ ਭਾਰਤ ਦੇ ਰਾਜਦੂਤ ਨਵਤੇਜ ਸਿੰਘ ਸਰਨਾ ਨੇ ਭਾਰਤ ਦਾ ‘ਨਕਾਰਾਤਮਕ ਅਕਸ ਪੇਸ਼ ਕਰਨ’ ਲਈ ਅਮਰੀਕੀ ਮੀਡੀਆ ਦੀ ਆਲੋਚਨਾ ਕੀਤੀ...
ਵਾਸ਼ਿੰਗਟਨ : ਅਮਰੀਕਾ ਵਿਚ ਭਾਰਤ ਦੇ ਰਾਜਦੂਤ ਨਵਤੇਜ ਸਿੰਘ ਸਰਨਾ ਨੇ ਭਾਰਤ ਦਾ ‘ਨਕਾਰਾਤਮਕ ਅਕਸ ਪੇਸ਼ ਕਰਨ’ ਲਈ ਅਮਰੀਕੀ ਮੀਡੀਆ ਦੀ ਆਲੋਚਨਾ ਕੀਤੀ। ਸਰਨਾ ਨੇ ਇਲਜ਼ਾਮ ਲਗਾਇਆ ਕਿ ਭਾਰਤ ਵਿਚ ਮੌਜੂਦ ਵਿਦੇਸ਼ੀ ਪੱਤਰਕਾਰਾਂ ਵਿਚ ਕੁੱਝ ਚੁਣਵੀਆਂ ਖ਼ਬਰਾਂ ਨੂੰ ਦਿਖਾਉਣ ਅਤੇ ਵਿਕਾਸ ਨਾਲ ਜੁੜੀਆਂ ਖ਼ਬਰਾਂ ਨੂੰ ਨਜ਼ਰਅੰਦਾਜ ਕਰਨ ਦਾ ਰੁਝਾਨ ਹੋ ਗਿਆ ਹੈ। ਅਮਰੀਕਾ ਦੇ ਇਕ ਸਿਖਰ ਥਿੰਕ ਟੈਂਕ ‘ਸੈਂਟਰ ਫਾਰ ਸਟ੍ਰੈਟਿਜਕ ਐਂਡ ਇੰਟਰਨੈਸ਼ਨਲ ਸਟਡੀਜ’ ਵਿਚ ਅਪਣੇ ਸੰਬੋਧਨ ਦੌਰਾਨ ਸਰਨਾ ਨੇ ਇਹ ਗੱਲ ਕਹੀ।
Navtej Sarna
ਪ੍ਰੋਗਰਾਮ ਵਿਚ ਸਰਨਾ ਤੋਂ ਅਮਰੀਕਾ ਦੇ ਮੁੱਖਧਾਰਾ ਦੇ ਮੀਡੀਆ ਵਿਚ ਭਾਰਤ ਦੇ ਅਕਸ ਦੇ ਬਾਰੇ ਵਿਚ ਪੁਛਿਆ ਗਿਆ ਸੀ। ਇਸ 'ਤੇ ਸਰਨਾ ਬੋਲੇ, ‘ਇਹ ਮੁੱਦਾ ਚਿੰਤਾ ਦਾ ਨਹੀਂ ਸਗੋਂ ਤਰਸ ਖਾਣ ਦਾ ਹੈ। ਭਾਰਤ ਅੱਗੇ ਵਧ ਚੁਕਿਆ ਹੈ ਪਰ ਤੁਸੀ ਨਹੀਂ। ਸਰਨਾ ਨੇ ਕਿਹਾ ਕਿ ਅਮਰੀਕੀ ਮੀਡੀਆ ‘ਚੁਣਵੀਆਂ’ ਖ਼ਬਰਾਂ ਨੂੰ ਦਿਖਾਉਂਦਾ ਹੈ ਜਦੋਂ ਕਿ ਵਿਕਾਸ ਨਾਲ ਜੁੜੀਆਂ ਖ਼ਬਰਾਂ ਨੂੰ ਨਜ਼ਰਅੰਦਾਜ ਕਰ ਦਿੰਦਾ ਹੈ। ਭਾਰਤੀ ਸਫ਼ਾਰਤੀ ਨੇ ਕਿਹਾ ਕਿ ਭਾਰਤ ਦੀ ‘ਨਕਾਰਾਤਮਕ’ ਅਕਸ ਪੇਸ਼ ਕਰ ਅਮਰੀਕੀ ਮੀਡੀਆ ਅਪਣੇ ਲੋਕਾਂ ਨਾਲ ‘ਬੇਇੰਨਸਾਫ਼ੀ’ ਕਰ ਰਿਹਾ ਹੈ।
Navtej Sarna
ਇਸ ਤੋਂ ਪਹਿਲਾ ਸਰਨਾ ਭਾਰਤੀ ਦੂਤਾਵਾਸ ਵਿਚ ਚਾਰ ਸਾਲ ਤਕ ਬੁਲਾਰਾ ਰਹੇ ਸਨ। ਉਸ ਕਾਰਜਕਾਲ ਬਾਰੇ ਜਦੋਂ ਸਵਾਲ ਪੁਛਿਆ ਗਿਆ ਤਾਂ ਸਰਨਾ ਬੋਲੇ, ਮੈਂ ਉਸ ਸਮੇਂ ਵੀ ਅਮਰੀਕਾ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਸੀ, ਪਰ ਅਸਫ਼ਲ ਰਿਹਾ। ਸਰਨਾ ਬੋਲੇ ਕਿ ਭਾਰਤ ਦੇ ਅਕਸ ਨੂੰ ਸਹੀ ਦਿਖਾਉਣਾ ਅਮਰੀਕਾ ਲਈ ਵੀ ਜਰੂਰੀ ਹੈ।
