ਅਮਰੀਕਾ ਅਤੇ ਬਰਤਾਨੀਆ ਨੇ ਅਰਬ ਦੇਸ਼ਾਂ ਨੂੰ ਪਿੱਛੇ ਛੱਡਿਆ
ਅਮਰੀਕਾ - ਅਮਰੀਕਾ ਅਤੇ ਬ੍ਰਿਟੇਨ 'ਚ ਰਹਿ ਰਹੇ ਭਾਰਤੀ ਪੈਸੇ ਘਰ ਭੇਜਣ 'ਚ ਸਭ ਤੋਂ ਅੱਗੇ ਹਨ। ਪਿਛਲੇ ਸਾਲ ਦੌਰਾਨ ਇਨ੍ਹਾਂ ਦੋਵਾਂ ਦੇਸ਼ਾਂ ਦੇ ਭਾਰਤੀਆਂ ਨੇ 2.74 ਲੱਖ ਕਰੋੜ ਰੁਪਏ ਭਾਰਤ ਭੇਜੇ। ਇਨ੍ਹਾਂ 'ਚੋਂ 1.91 ਲੱਖ ਕਰੋੜ ਰੁਪਏ ਅਮਰੀਕਾ ਤੋਂ ਭੇਜੇ ਗਏ ਜਦਕਿ 83 ਹਜ਼ਾਰ ਕਰੋੜ ਰੁਪਏ ਬ੍ਰਿਟੇਨ ਤੋਂ ਭੇਜੇ ਗਏ।
1. 13 ਪ੍ਰਤੀਸ਼ਤ ਗੋਰੇ ਅਮਰੀਕੀਆਂ ਦੇ ਮੁਕਾਬਲੇ ਇੱਥੇ ਪੈਦਾ ਹੋਏ 43 ਪ੍ਰਤੀਸ਼ਤ ਭਾਰਤੀਆਂ ਕੋਲ ਗ੍ਰੈਜੂਏਟ, ਪੋਸਟ-ਗ੍ਰੈਜੂਏਟ ਜਾਂ ਹੋਰ ਉੱਚ-ਹੁਨਰਮੰਦ ਪੇਸ਼ੇਵਰ ਡਿਗਰੀ ਹੈ।
2. ਅਮਰੀਕਾ ਵਿਚ ਰਹਿਣ ਵਾਲੇ ਭਾਰਤੀ ਪਰਿਵਾਰਾਂ ਦੀ ਔਸਤ ਆਮਦਨ ਲਗਭਗ 1 ਕਰੋੜ ਰੁਪਏ ਹੈ ਜਦੋਂ ਕਿ ਇੱਕ ਆਮ ਅਮਰੀਕੀ ਪਰਿਵਾਰ ਦੀ ਔਸਤ ਆਮਦਨ 58 ਲੱਖ ਰੁਪਏ ਹੈ।
3. ਪਿਊ ਰਿਸਰਚ ਦੇ ਅਨੁਸਾਰ, ਬ੍ਰਿਟੇਨ ਵਿਚ ਰਹਿਣ ਵਾਲੇ 85% ਭਾਰਤੀ ਅੰਗਰੇਜ਼ੀ ਭਾਸ਼ਾ ਵਿਚ ਬਹੁਤ ਨਿਪੁੰਨ ਹਨ, ਜਦੋਂ ਕਿ ਦੂਜੇ ਏਸ਼ੀਆਈ ਸਮੂਹਾਂ ਦੇ ਸਿਰਫ਼ 72% ਲੋਕ ਅੰਗਰੇਜ਼ੀ ਵਿੱਚ ਨਿਪੁੰਨ ਹਨ।
4. ਬਰਤਾਨੀਆ ਵਿਚ ਰਹਿਣ ਵਾਲੇ ਇੱਕ ਔਸਤ ਭਾਰਤੀ ਪਰਿਵਾਰ ਦੀ ਔਸਤ ਆਮਦਨ ਲਗਭਗ 50 ਲੱਖ ਰੁਪਏ ਹੈ, ਜਦੋਂ ਕਿ ਇੱਕ ਅੰਗਰੇਜ਼ ਪਰਿਵਾਰ ਦੀ ਔਸਤ ਆਮਦਨ ਸਿਰਫ਼ 48 ਲੱਖ ਰੁਪਏ ਹੈ।
• ਪਿਛਲੇ ਪੰਜ ਸਾਲਾਂ ਵਿਚ ਅਰਬ ਦੇਸ਼ਾਂ ਯੂ.ਏ.ਈ., ਸੰਯੁਕਤ ਅਰਬ ਅਮੀਰਾਤ, ਕੁਵੈਤ, ਓਮਾਨ ਅਤੇ ਕਤਰ ਤੋਂ ਭਾਰਤ ਆਉਣ ਵਾਲੇ ਪੈਸੇ ਵਿੱਚ 26% ਦੀ ਗਿਰਾਵਟ ਆਈ ਹੈ।ਪਿਛਲੇ ਪੰਜ ਸਾਲਾਂ ਵਿਚ ਅਰਬ ਦੇਸ਼ਾਂ ਯੂ.ਏ.ਈ., ਸੰਯੁਕਤ ਅਰਬ ਅਮੀਰਾਤ, ਕੁਵੈਤ ਤੋਂ ਭਾਰਤ ਆਉਣ ਵਾਲੇ ਰੈਮੀਟੈਂਸ, ਓਮਾਨ ਅਤੇ ਕਤਰ 26% ਤੋਂ 28% ਤੱਕ ਘਟੇ ਹਨ। ਜਦੋਂ ਕਿ ਅਮਰੀਕਾ ਬਰਤਾਨੀਆ ਤੋਂ 10% ਵਧ ਕੇ 36% ਹੋ ਗਿਆ।
