ਉਲੰਪਿਕ ਕਾਂਸੀ ਤਮਗ਼ਾ ਜੇਤੂ ਅਤੇ ਪੰਜ ਵਾਰ ਦੀ ਵਿਸ਼ਵ ਚੈਂਪੀਅਨ ਐਮ ਸੀ ਮੈਰੀਕਾਮ ਨੇ ਅੱਜ ਇਨ੍ਹਾਂ ਖ਼ਬਰਾਂ ਨੂੰ ਖਾਰਜ ਕੀਤਾ ਕਿ ਇਥੇ ਰਾਸ਼ਟਰੀ ਨਿਗਰਾਨਾਂ ਦੀ ਮੀਟਿੰਗ ਵਿਚ....
ਨਵੀਂ ਦਿੱਲੀ, 23 ਜੁਲਾਈ: ਉਲੰਪਿਕ ਕਾਂਸੀ ਤਮਗ਼ਾ ਜੇਤੂ ਅਤੇ ਪੰਜ ਵਾਰ ਦੀ ਵਿਸ਼ਵ ਚੈਂਪੀਅਨ ਐਮ ਸੀ ਮੈਰੀਕਾਮ ਨੇ ਅੱਜ ਇਨ੍ਹਾਂ ਖ਼ਬਰਾਂ ਨੂੰ ਖਾਰਜ ਕੀਤਾ ਕਿ ਇਥੇ ਰਾਸ਼ਟਰੀ ਨਿਗਰਾਨਾਂ ਦੀ ਮੀਟਿੰਗ ਵਿਚ ਉੁਨ੍ਹਾਂ ਨੇ ਸਿਖਰਲੇ ਪੁਰਸ਼ ਮੁੱਕੇਬਾਜ਼ ਸ਼ਿਵ ਥਾਪਾ ਨੂੰ ਟਾਰਗੇਟ ਉਲੰਪਿਕ ਪੋਡੀਅਮ (ਟਾਪ) ਤੋਂ ਹਟਾਉਣ ਦੀ ਮੰਗ ਕੀਤੀ ਸੀ।
ਮੈਰੀਕਾਮ ਨੇ ਬਿਆਨਜਾਰੀ ਕਰ ਕੇ ਸ਼ੁਕਰਵਾਰ ਨੂੰ ਹੋਈ ਮੀਟਿੰਗ ਵਿਚ ਅਜਿਹੀ ਕੋਈ ਵੀ ਟਿਪਣੀ ਕਰਨ ਤੋਂ ਇਨਕਾਰ ਕੀਤਾ। ਮੈਰੀਕਾਮ ਨੇ ਬਿਆਨ ਵਿਚ ਕਿਹਾ, ''ਖ਼ਬਰਾਂ ਵਿਚ ਕਿਹਾ ਗਿਆ ਹੈ ਕਿ ਮੈਂ ਕਿਹਾ ਹੈ ਕਿ ਸ਼ਿਵ ਥਾਪਾ ਦਾ ਕਰੀਅਰ ਖ਼ਤਮ ਹੋ ਗਿਆ ਹੈ ਅਤੇ ਉਹ ਟੋਕੀਉ 2020 ਉਲੰਪਿਕ ਵਿਚ ਕੁੱਝ ਨਹੀਂ ਕਰ ਸਕੇਗਾ। ਇਹ ਪੂਰੀ ਤਰ੍ਹਾਂ ਨਾਲ ਮਨਘੜ੍ਹਤ ਹੈ।
ਉਨ੍ਹਾਂ ਕਿਹਾ, ''ਮੈਂ ਦਸ ਦੇਵਾ ਕਿ ਮੈਂ ਅਜਿਹਾ ਕੁੱਝ ਨਹੀਂ ਕਿਹਾ ਕਿ ਸ਼ਿਵ ਦਾ ਕਰੀਅਰ ਖ਼ਤਮ ਹੋ ਗਿਆ ਹੈ ਅਤੇ ਉਸ ਨੂੰ ਟਾਮ ਯੋਜਨਾ ਤੋਂ ਬਾਹਰ ਕਰ ਦੇਣਾ ਚਾਹੀਦਾ ਹੈ। ਗ਼ਲਤ ਬਿਆਨਾਂ ਦਾ ਇਸਤੇਮਾਲ ਕਰ ਕੇ ਸਖ਼ਤ ਮਿਹਨਤ ਕਰਨ ਵਾਲੇ ਮੁੱਕੇਬਾਜ਼ ਦੇ ਵੱਕਾਰ ਨਾਲ ਖਿਲਵਾੜ ਮੈਨੂੰ ਮਨਜ਼ੂਰ ਨਹੀਂ ਹੈ।
ਵਿਸ਼ਵ ਚੈਂਪੀਅਨਸ਼ਿਪ ਦੀ ਤਿਆਰੀ ਕਰ ਰਹੇ 23 ਸਾਲ ਦੇ ਥਾਪਾ ਅਜੇ ਫ਼ਰਾਂਸ ਵਿਚ ਟ੍ਰੇਨਿੰਗ ਲਈ ਗਏ ਹਨ। ਉਨ੍ਹਾਂ ਨੇ ਹਾਲ ਵਿਚ ਤਾਸ਼ਕੰਦ ਵਿਚ ਏਸ਼ੀਆਈ ਚੈਂਪੀਅਨ²ਿਸ਼ਪ ਵਿਚ ਸਿਲਵਰ ਤਮਗ਼ਾ ਜਿੱਤਿਆ ਸੀ। (ਪੀਟੀਆਈ)
