ਵਿਸ਼ਵ ਕੱਪ 1996 'ਚ ਮੈਨ ਆਫ਼ ਦ ਸੀਰੀਜ਼ ਰਹੇ ਸਨਥ ਜੈਸੂਰੀਆ ਨੂੰ ਮਿਲੀ ਸੀ Audi ਕਾਰ
ਸਨਥ ਜੈਸੂਰੀਆ ਨੇ 27 ਸਾਲ ਬਾਅਦ ਸਾਂਝੀ ਕੀਤੀ ਉਸੇ ਕਾਰ ਨਾਲ ਤਸਵੀਰ
ਸ਼੍ਰੀਲੰਕਾ ਦੇ ਦਿੱਗਜ਼ ਖਿਡਾਰੀ ਸਨਥ ਜੈਸੂਰੀਆ ਨੇ ਫੈਨਜ਼ ਨਾਲ ਆਪਣੀ ਪੁਰਾਣੀ ਯਾਦ ਸਾਂਝੀ ਕੀਤੀ ਹੈ। ਦਰਅਸਲ, ਜੈਸੂਰੀਆ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਤਸਵੀਰ ਸ਼ੇਅਰ ਕੀਤੀ ਹੈ ਜਿਸ ਵਿਚ ਉਹ ਇੱਕ ਔਡੀ ਕਾਰ ਨਾਲ ਨਜ਼ਰ ਆ ਰਹੇ ਹਨ। ਖਿਡਾਰੀ ਨੇ ਤਸਵੀਰ ਸਾਂਝੀ ਕਰਦਿਆਂ ਲਿਖਿਆ, ''ਪੁਰਾਣੀ ਯਾਦ: 27 ਸਾਲ ਬਾਅਦ 1996 ਵਰਲਡ ਕੱਪ ਵਿੱਚ 'ਪਲੇਅਰ ਆਫ ਦ ਸੀਰੀਜ਼' ਬਣਨ ਤੇ ਮਿਲੀ ਕਾਰ ਦੇ ਨਾਲ ''
ਦੱਸ ਦੇਈਏ ਕਿ 1996 ਵਰਲਡ ਕੱਪ 'ਚ ਸਨਥ ਜੈਸੂਰੀਆ ਦੀ ਬੱਲੇਬਾਜ਼ੀ ਨੇ ਵਿਸ਼ਵ ਕ੍ਰਿਕਟ 'ਚ ਤਹਿਲਕਾ ਮਚਾਇਆ ਸੀ। ਖੱਬੇ ਹੱਥ ਦੇ ਬੱਲੇਬਾਜ਼ ਨੂੰ ਟੂਰਨਾਮੈਂਟ ਵਿੱਚ ਉਸ ਦੇ ਸ਼ਾਨਦਾਰ ਆਲਰਾਊਂਡਰ ਪ੍ਰਦਰਸ਼ਨ ਲਈ ਮਾਨਤਾ ਦਿੱਤੀ ਗਈ, ਜਿਸ ਨੇ 221 ਦੌੜਾਂ ਬਣਾਈਆਂ ਅਤੇ 7 ਮਹੱਤਵਪੂਰਨ ਵਿਕਟਾਂ ਲਈਆਂ। ਜੈਸੂਰੀਆ ਦੇ ਕੋਲ ਕਾਰ ਦੀਆਂ ਮਨਮੋਹਕ ਯਾਦਾਂ ਹਨ, ਜੋ ਉਸ ਲਈ ਬਹੁਤ ਮਾਇਨੇ ਰੱਖਦੀਆਂ ਹਨ।
ਇਹ ਵੀ ਪੜ੍ਹੋ: ਜੀਆਂ ਦੇ ਅੰਤਿਮ ਸਸਕਾਰ ਲਈ ਪਰਿਵਾਰ ਨੂੰ ਕੈਨੇਡਾ ਦਾ ਵੀਜ਼ਾ ਦੇਣ ਦੀ ਅਪੀਲ
ਜੈਸੂਰੀਆ ਦਾ ਸ਼ਾਨਦਾਰ ਕਰੀਅਰ ਰਿਹਾ, ਜਿਸ ਨੇ 445 ਵਨਡੇ ਵਿੱਚ 13,430 ਦੌੜਾਂ, 110 ਟੈਸਟਾਂ ਵਿੱਚ 6,973 ਦੌੜਾਂ ਅਤੇ 31 ਟੀ-20 ਵਿੱਚ 629 ਦੌੜਾਂ ਬਣਾਈਆਂ। ਉਸ ਨੇ ਟੈਸਟ ਵਿੱਚ ਤਿੰਨ ਦੋਹਰੇ ਸੈਂਕੜੇ ਸਮੇਤ 42 ਅੰਤਰਰਾਸ਼ਟਰੀ ਸੈਂਕੜੇ ਵੀ ਲਗਾਏ। ਇੱਕ ਸਪਿਨ ਗੇਂਦਬਾਜ਼ੀ ਆਲਰਾਊਂਡਰ ਦੇ ਰੂਪ ਵਿੱਚ, ਉਸ ਨੇ ਵਨਡੇ, ਟੈਸਟ ਅਤੇ ਟੀ-20 ਵਿੱਚ ਕ੍ਰਮਵਾਰ 323, 98 ਅਤੇ 19 ਵਿਕਟਾਂ ਲਈਆਂ। ਜੈਸੂਰੀਆ ਨੇ ਆਈਪੀਐਲ ਵਿੱਚ ਮੁੰਬਈ ਇੰਡੀਅਨਜ਼ ਲਈ ਵੀ ਖੇਡਿਆ, 30 ਮੈਚਾਂ ਵਿੱਚ 768 ਦੌੜਾਂ ਬਣਾਈਆਂ ਅਤੇ 13 ਵਿਕਟਾਂ ਲਈਆਂ।
ਵਿਸ਼ਵ ਕੱਪ ਵਿੱਚ ਆਸਟਰੇਲੀਆ ਖ਼ਿਲਾਫ਼ ਅੱਠ ਮੈਚ ਖੇਡਣ ਦੇ ਬਾਵਜੂਦ ਸ੍ਰੀਲੰਕਾ ਸਿਰਫ਼ ਇੱਕ ਹੀ ਮੈਚ ਜਿੱਤ ਸਕੀ ਹੈ, ਜੋ 1996 ਵਿਸ਼ਵ ਕੱਪ ਫਾਈਨਲ ਸੀ। ਆਸਟਰੇਲੀਆ ਨੇ 1996 ਦੇ ਵਿਸ਼ਵ ਕੱਪ ਫਾਈਨਲ ਨੂੰ ਛੱਡ ਕੇ ਹੁਣ ਤੱਕ ਦੋਵਾਂ ਟੀਮਾਂ ਵਿਚਾਲੇ ਹੋਏ ਸਾਰੇ ਮੈਚ ਜਿੱਤੇ ਹਨ, ਇਹ ਇੱਕੋ ਇੱਕ ਮੈਚ ਹੈ ਜੋ ਸਭ ਤੋਂ ਵੱਧ ਮਾਇਨੇ ਰੱਖਦਾ ਸੀ।
