ਭਾਰਤੀ ਬੈਡਮਿੰਟਨ ਖਿਡਾਰੀਆਂ ਨੇ 21ਵੇਂ ਰਾਸ਼ਟਰਮੰਡਲ ਖੇਡਾਂ ਦੇ ਪਹਿਲੇ ਦਿਨ ਮਿਸ਼ਰਤ ਟੀਮ ਮੁਕਾਬਲੇ ਦੇ ਸ਼ੁਰੂਆਤੀ ਦੌਰ ਦੇ ਇਕਪਾਸੜ ਮੁਕਾਬਲੇ ਵਿਚ ਸ਼੍ਰੀਲੰਕਾ...
ਨਵੀਂ ਦਿੱਲੀ : ਭਾਰਤੀ ਬੈਡਮਿੰਟਨ ਖਿਡਾਰੀਆਂ ਨੇ 21ਵੇਂ ਰਾਸ਼ਟਰਮੰਡਲ ਖੇਡਾਂ ਦੇ ਪਹਿਲੇ ਦਿਨ ਮਿਸ਼ਰਤ ਟੀਮ ਮੁਕਾਬਲੇ ਦੇ ਸ਼ੁਰੂਆਤੀ ਦੌਰ ਦੇ ਇਕਪਾਸੜ ਮੁਕਾਬਲੇ ਵਿਚ ਸ਼੍ਰੀਲੰਕਾ ਨੂੰ 5-0 ਨਾਲ ਹਾਰ ਦਿਤੀ। ਭਾਰਤ ਲਈ ਸਿੰਗਲ ਮੁਕਾਬਲੇ ਵਿਚ ਸਾਇਨਾ ਨੇਹਵਾਲ ਅਤੇ ਕਿਦਾਂਬੀ ਸ਼੍ਰੀਕਾਂਤ ਨੇ ਆਸਾਨੀ ਨਾਲ ਜਿੱਤ ਦਰਜ ਕੀਤੀ ਤਾਂ ਉਥੇ ਹੀ ਡਬਲਜ਼ ਵਿਚ ਪ੍ਰਣਵ ਚੋਪੜਾ ਅਤੇ ਰੂਥਵਿਕਾ ਗਾਡੇ ਦੀ ਜੋੜੀ ਨੂੰ ਜਿੱਤ ਦਾ ਸਵਾਦ ਚੱਖਣ ਲਈ ਸੰਘਰਸ਼ ਕਰਨਾ ਪਿਆ।
ਪ੍ਰਣਵ ਅਤੇ ਰੂਥਵਿਕਾ ਨੇ ਸਚਿਨ ਡਿਆਜ ਅਤੇ ਤੀਲਿਨੀ ਪ੍ਰਮੋਦਿਕਾ ਦੀ ਸ਼੍ਰੀਲੰਕਾਈ ਜੋੜੀ ਨੂੰ ਲਗਭਗ ਇਕ ਘੰਟੇ ਚਲੇ ਮੁਕਾਬਲੇ ਵਿਚ 21-15, 19-21, 22-20 ਨਾਲ ਹਰਾਇਆ। ਪੁਰਸ਼ ਸਿੰਗਲ ਵਿਚ ਸਿਖਰ ਦਰਜਾ ਪ੍ਰਾਪਤ ਸ਼੍ਰੀਕਾਂਤ ਨੇ ਨਿਲੁਕਾ ਕਰੁਣਾਰਤਨੇ ਨੂੰ ਸਿੱਧੇ ਗੇਮ ਵਿਚ 21-16, 21-10 ਨਾਲ ਹਰਾਇਆ ਕੀਤਾ।
ਪੁਰਸ਼ ਡਬਲਜ਼ ਵਿਚ ਸਾਤਵਿਕ ਰੰਕਿਰੇਡੀ ਅਤੇ ਚਿਰਾਗ ਸ਼ੈੱਟੀ ਦੀ ਜੋੜੀ ਨੇ ਜਿੱਤ ਨਾਲ ਆਗਾਜ ਕਰਦੇ ਹੋਏ ਦਿਨੁਕਾ ਕਰੁਣਾਰਤਨੇ ਅਤੇ ਬੁਵਾਨੇਕਾ ਗੂਣਥਿਲਕਾ ਨੂੰ 21-17, 21-14 ਨਾਲ ਹਾਰ ਦਿਤੀ। ਇਸ ਦੇ ਬਾਅਦ ਕੋਰਟ ਵਿਚ ਉਤਰੀ ਸਾਇਨਾ ਨੂੰ ਵੀ ਜਿੱਤ ਲਈ ਜ਼ਿਆਦਾ ਪਸੀਨਾ ਨਹੀਂ ਬਹਾਉਣਾ ਪਿਆ। ਉਨ੍ਹਾਂ ਨੇ ਮਧੁਸ਼ਿਕਾ ਬੇਰੂਇਲਾਗੇ ਨੂੰ 22 ਮਿੰਟ ਚਲੇ ਮੁਕਾਬਲੇ ਵਿਚ 21-8, 21-14 ਨਾਲ ਮਾਤ ਦਿਤੀ।