ਸਿਲਵਰਵੁਡ ਨੇ ਇੰਗਲੈਂਡ (1996-2002) ਲਈ 6 ਟੈਸਟ ਅਤੇ 7 ਇਕ ਰੋਜ਼ਾ ਮੈਚ ਖੇਡੇ ਹਨ।
ਲੰਡਨ : ਇੰਗਲੈਂਡ ਨੇ ਕ੍ਰਿਸ ਸਿਲਵਰਵੁਡ ਨੂੰ ਆਪਣਾ ਨਵਾਂ ਮੁੱਖ ਕ੍ਰਿਕਟ ਕੋਚ ਨਿਯੁਕਤ ਕੀਤਾ ਹੈ। ਸਿਲਵਰਵੁਡ, ਟ੍ਰੇਵਰ ਬੇਲਿਸ ਦੀ ਥਾਂ ਲੈਣਗੇ ਜਿਸ ਦਾ ਕਰਾਰ ਪਿਛਲੇ ਮਹੀਨੇ ਖ਼ਤਮ ਹੋ ਗਿਆ ਸੀ। ਬੇਲਿਸ ਦੀ ਦੇਖਰੇਖ 'ਚ ਇੰਗਲੈਂਡ ਨੇ ਇਸ ਸਾਲ ਜੁਲਾਈ 'ਚ ਪਹਿਲੀ ਵਾਰ ਇਕ ਰੋਜ਼ਾ ਵਿਸ਼ਵ ਕੱਪ ਖਿਤਾਬ ਜਿੱਤਿਆ ਹੈ। ਸਿਲਵਰਵੁਡ ਇਸ ਤੋਂ ਪਹਿਲਾਂ ਟੀਮ ਦੇ ਤੇਜਡ ਗੇਂਦਬਾਜ਼ੀ ਕੋਚ ਸਨ ਅਤੇ ਹੁਣ ਉਨ੍ਹਾਂ ਨੂੰ ਸਾਰੇ ਫਾਰਮੈਟਾਂ ਲਈ ਮੁੱਖ ਕੋਚ ਨਿਯੁਕਤ ਕੀਤਾ ਗਿਆ ਹੈ।
Chris Silverwood has been appointed as head cricket coach England team
ਭਾਰਤ ਅਤੇ ਦੱਖਣ ਅਫ਼ਰੀਕਾ ਦੇ ਸਾਬਕਾ ਕੋਚ ਗੈਰ ਕਰਸਟਨ ਅਤੇ ਸਰੇ ਦੇ ਕ੍ਰਿਕਟ ਨਿਦੇਸ਼ਕ ਏਲੇਕ ਸਟੀਵਰਟ ਆਸਟ੍ਰੇਲੀਆ ਦੇ ਬੇਲਿਸ ਦੀ ਥਾਂ ਲੈਣ ਦੇ ਦਾਅਵੇਦਾਰ ਸਨ। ਇੰਗਲੈਂਡ ਤੇ ਵੇਲਜ਼ ਕ੍ਰਿਕਟ ਬੋਰਡ ਦੇ ਤਿੰਨ ਮੈਂਬਰੀ ਪੈਨਲ ਨੇ ਹਾਲਾਂਕਿ ਸਿਲਵਰਵੁਡ ਦੀ ਚੋਣ ਕੀਤੀ।
Chris Silverwood has been appointed as head cricket coach England team
ਇੰਗਲੈਂਡ ਦੇ ਪੁਰਸ਼ ਕ੍ਰਿਕਟ ਦੇ ਮੈਨੇਜਿੰਗ ਡਾਈਰੈਕਟਰ ਐਸ਼ਲੇ ਜਾਈਲਸ ਨੇ ਹਾਲਾਂਕਿ ਸਿਲਵਰਵੁੱਡ ਨੂੰ 'ਆਮ ਉਮੀਦਵਾਰ' ਕਰਾਰ ਦਿੱਤਾ। ਜਾਈਲਸ ਨੇ ਕਿਹਾ, "ਮੇਰਾ ਮੰਨਣਾ ਹੈ ਕਿ ਉਹ ਅਜਿਹਾ ਵਿਅਕਤੀ ਹੈ ਕਿ ਜਿਸ ਦੀ ਸਾਨੂੰ ਸਾਡੀ ਕੌਮਾਂਤਰੀ ਟੀਮ ਨੂੰ ਅੱਗੇ ਲਿਜਾਣ ਲਈ ਜ਼ਰੂਰਤ ਹੈ। ਉਹ ਅਜਿਹਾ ਵਿਅਕਤੀ ਹੈ ਜਿਸ ਨੂੰ ਅਸੀਂ ਚੰਗੀ ਤਰ੍ਹਾਂ ਜਾਣਦੇ ਹਾਂ ਪਰ ਇਹ ਉਸਦੀ ਸਾਡੇ ਢਾਂਚੇ ਅਤੇ ਪ੍ਰਣਾਲੀ ਗਹਿਰੀ ਸਮਝ, ਟੈਸਟ ਕਪਤਾਨ ਜੋ ਰੂਟ ਅਤੇ ਸੀਮਤ ਓਵਰਾਂ ਦੇ ਕਪਤਾਨ ਇਓਨ ਮੋਰਗਨ ਨਾਲ ਕਰੀਬੀ ਰਿਸ਼ਤੇ ਹਨ ਜਿਸ ਨਾਲ ਅਗਲੇ ਕੁਝ ਸਾਲਾਂ ਵਿਚ ਸਾਨੂੰ ਆਪਣੀ ਯੋਜਨਾ ਤਿਆਰ ਕਰਨ 'ਚ ਮਦਦ ਮਿਲੇਗੀ।"
Chris Silverwood has been appointed as head cricket coach England team
ਜ਼ਿਕਰਯੋਗ ਹੈ ਕਿ ਸਿਲਵਰਵੁਡ ਨੇ ਇੰਗਲੈਂਡ (1996-2002) ਲਈ 6 ਟੈਸਟ ਅਤੇ 7 ਇਕ ਰੋਜ਼ਾ ਮੈਚ ਖੇਡੇ ਹਨ। ਉਨ੍ਹਾਂ ਦੇ ਕੋਚ ਰਹਿੰਦਿਆਂ ਏਸੇਕਸ ਨੇ ਸਾਲ 2017 'ਚ ਕਾਉਂਟੀ ਚੈਂਪੀਅਨਸ਼ਿਪ ਦਾ ਖ਼ਿਤਾਬ ਜਿੱਤਿਆ ਸੀ।
