ਰਾਜਸਥਾਨ ਅਤੇ ਤੇਲੰਗਾਨਾ ਵਿਚ ਅੱਜ ਮਤਦਾਨ.....
ਤੇਲੰਗਾਨਾ (ਭਾਸ਼ਾ): ਰਾਜਸਥਾਨ ਅਤੇ ਤੇਲੰਗਾਨਾ ਵਿਚ ਅੱਜ ਮਤਦਾਨ ਹੋ ਰਿਹਾ ਹੈ। ਆਮ ਆਦਮੀ ਤੋਂ ਲੈ ਕੇ ਵੱਡੇ ਸਟਾਰ ਤੱਕ ਪੋਲਿੰਗ ਬੂਥ ਉਤੇ ਵੋਟ ਪਾਉਣ ਪਹੁੰਚ ਰਹੇ ਹਨ। ਪਰ ਦੇਸ਼ ਦੀ ਵੱਡੀ ਬੈਡਮਿੰਟਨ ਸਟਾਰ ਜਵਾਲਾ ਗੁੱਟਾ ਅੱਜ ਮਤਦਾਨ ਨਹੀਂ ਕਰ ਸਕੀ। ਜਵਾਲਾ ਨੇ ਟਵੀਟ ਕਰਕੇ ਇਸ ਗੱਲ ਦੀ ਸ਼ਿਕਾਇਤ ਵੀ ਕੀਤੀ। ਜਵਾਲਾ ਗੁੱਟਾ ਨੇ ਪਹਿਲਾਂ ਟਵੀਟ ਕੀਤਾ ਕਿ ਉਨ੍ਹਾਂ ਦਾ ਨਾਮ ਵੋਟਰ ਸੂਚੀ ਵਿਚ ਨਹੀਂ ਹੈ, ਜਿਸ ਦੇ ਨਾਲ ਉਹ ਹੈਰਾਨ ਹੈ।
How’s the election fair...when names r mysteriously disappearing from the list!! ??
— Gutta Jwala (@Guttajwala) December 7, 2018
ਇਸ ਤੋਂ ਬਾਅਦ ਉਨ੍ਹਾਂ ਨੇ ਦੂਜਾ ਟਵੀਟ ਕੀਤਾ ਕਿ ਚੋਣ ਕਿਸ ਤਰ੍ਹਾਂ ਠੀਕ ਹੋ ਸਕਦਾ ਹੈ ਜਦੋਂ ਮੇਰਾ ਨਾਮ ਹੀ ਵੋਟਿੰਗ ਸੂਚੀ ਤੋਂ ਗਾਇਬ ਹੈ। ਜਵਾਲਾ ਗੁੱਟਾ ਦੀ ਇਸ ਸ਼ਿਕਾਇਤ ਤੋਂ ਬਾਅਦ ਟਵੀਟਰ ਉਤੇ ਕਈ ਤਰ੍ਹਾਂ ਦੀਆਂ ਪ੍ਰਕਿਰਿਆਵਾਂ ਆ ਰਹੀਆਂ ਹਨ। ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ, ਉਪ ਮੁੱਖ ਮੰਤਰੀ ਮਨੀਸ਼ ਸਿਸੋਦਿਆ ਨੇ ਟਵੀਟ ਕਰਕੇ ਲਿਖਿਆ ਕਿ ਅਜਿਹਾ ਪੂਰੇ ਦੇਸ਼ ਵਿਚ ਕੀਤਾ ਜਾ ਰਿਹਾ ਹੈ।
This happening all over the country... https://t.co/BfERIZFW8r
— Arvind Kejriwal (@ArvindKejriwal) December 7, 2018
ਮਨੀਸ਼ ਸਿਸੋਦਿਆ ਨੇ ਟਵੀਟ ਕੀਤਾ ਕਿ ਅਰਜੁਨ ਅਵਾਰਡੀ ਖਿਡਾਰੀ ਵੀ ਅਪਣੇ ਵੋਟ ਪਾਉਣ ਦੇ ਹੱਕ ਦੇ ਬਾਰੇ ਵਿਚ ਸਵਾਲ ਕਰ ਰਹੇ ਹਨ। ਦੱਸ ਦਈਏ ਕਿ ਰਾਜਸਥਾਨ ਅਤੇ ਤੇਲੰਗਾਨਾ ਵਿਚ ਸਵੇਰੇ ਤੋਂ ਹੀ ਮਤਦਾਨ ਜਾਰੀ ਹੈ। ਤੇਲੰਗਾਨਾ ਵਿਚ ਸਵੇਰੇ 7 ਵਜੇ ਮਤਦਾਨ ਸ਼ੁਰੂ ਹੋਇਆ। ਹੁਣ ਤੱਕ ਕਈ ਵੱਡੇ ਸਟਾਰ ਮਤਦਾਨ ਕਰ ਚੁੱਕੇ ਹਨ। ਸਾਉਥ ਇੰਡਸਟਰੀ ਦੇ ਸਟਾਰ ਨਾਗਅਰਜੁਨ, ਅਰਜੁਨ ਅਤੇ ਚਿੰਰਜੀਵੀ ਨੇ ਸਵੇਰੇ-ਸਵੇਰੇ ਮਤਦਾਨ ਕੀਤਾ।
Badminton Champion, Arjuna awardee, 2 times Olympian @guttajwala asks - #whereismyvote
— Manish Sisodia (@msisodia) December 7, 2018
Any answer Election Commission of India? A pride player has lost her voting right!
Oh ECI! You must be busy with strategies being instructed from BJP war room. https://t.co/226EdH6qUk
ਸਵੇਰੇ ਨੌਂ ਵਜੇ ਤੱਕ ਤੇਲੰਗਾਨਾ ਵਿਚ ਕਰੀਬ 9 ਫੀਸਦੀ ਤੱਕ ਮਤਦਾਨ ਹੋਇਆ ਹੈ। ਤੇਲੰਗਾਨਾ ਵਿਚ ਕੁਲ 119 ਸੀਟਾਂ ਹਨ, ਜਿਥੇ ਮਤਦਾਨ ਜਾਰੀ ਹੈ। ਤੇਲੰਗਾਨਾ ਵਿਚ ਕਈ ਜਗ੍ਹਾ ਏਵੀਐਮ ਮਸ਼ੀਨਾਂ ਖ਼ਰਾਬ ਹੋਣ ਦੀਆਂ ਖਬਰਾਂ ਹਨ।
