Paris Olympics qualification: ਬਜਰੰਗ ਪੂਨੀਆ ਅਤੇ ਰਵੀ ਦਹੀਆ ਪੈਰਿਸ ਓਲੰਪਿਕ ਕੁਆਲੀਫਿਕੇਸ਼ਨ ਦੌੜ ’ਚੋਂ ਬਾਹਰ
Published : Mar 10, 2024, 8:45 pm IST
Updated : Mar 10, 2024, 8:45 pm IST
SHARE ARTICLE
Bajrang Punia, Ravi Dahiya eliminated from Paris Olympics qualification race
Bajrang Punia, Ravi Dahiya eliminated from Paris Olympics qualification race

ਬਜਰੰਗ ਪੂਨੀਆ ਨੂੰ ਰੋਹਿਤ ਕੁਮਾਰ ਅਤੇ ਰਵੀ ਦਹੀਆ ਨੂੰ ਉਦਿਤ ਨੇ ਹਰਾਇਆ

Paris Olympics qualification : ਟੋਕੀਓ ਓਲੰਪਿਕ ਖੇਡਾਂ ਦੇ ਤਮਗ਼ਾ ਜੇਤੂ ਬਜਰੰਗ ਪੂਨੀਆ ਅਤੇ ਰਵੀ ਦਹੀਆ ਐਤਵਾਰ ਨੂੰ ਇਥੇ ਰਾਸ਼ਟਰੀ ਟੀਮ ਲਈ ਚੋਣ ਟਰਾਇਲਾਂ ਵਿਚ ਭਾਰ ਵਰਗ ਵਿਚ ਹਾਰ ਕੇ ਪੈਰਿਸ ਓਲੰਪਿਕ ਕੁਆਲੀਫਾਈ ਕਰਨ ਦੀ ਦੌੜ ਤੋਂ ਬਾਹਰ ਹੋ ਗਏ।

ਭਾਰਤੀ ਕੁਸ਼ਤੀ ਮਹਾਸੰਘ ਦੇ ਸਾਬਕਾ ਪ੍ਰਧਾਨ ਬ੍ਰਿਜ ਭੂਸ਼ਣ ਸ਼ਰਨ ਸਿੰਘ ਵਿਰੁਧ ਪ੍ਰਦਰਸ਼ਨ ਦੀ ਅਗਵਾਈ ਕਰਨ ਵਾਲੇ ਪੂਨੀਆ ਪੁਰਸ਼ਾਂ ਦੇ ਫ੍ਰੀਸਟਾਈਲ 65 ਕਿਲੋਗ੍ਰਾਮ ਸੈਮੀਫਾਈਨਲ 'ਚ ਰੋਹਿਤ ਕੁਮਾਰ ਤੋਂ 1-9 ਨਾਲ ਹਾਰ ਗਏ। ਇਸ ਤੋਂ ਪਹਿਲਾਂ ਉਹ ਰਵਿੰਦਰ (3-3) ਵਿਰੁਧ ਮੁਸ਼ਕਿਲ ਨਾਲ ਜਿੱਤ ਦਰਜ ਕਰ ਸਕੇ ਸੀ।ਉਧਰ 2 ਦਿਨ ਚੱਲੇ ਟਰਾਇਲ 'ਚ ਉਦਿਤ ਨੇ ਫ੍ਰੀ ਸਟਾਈਲ ਦੇ 57 ਕਿਲੋਗ੍ਰਾਮ ਭਾਰ ਵਰਗ ਦੇ ਸੈਮੀਫਾਈਨਲ 'ਚ ਰਵੀ ਦਹੀਆ ਨੂੰ 10-8 ਨਾਲ ਹਰਾਇਆ।

ਸੈਮੀਫਾਈਨਲ 'ਚ ਹਾਰਨ ਤੋਂ ਬਾਅਦ ਪੂਨੀਆ ਤੁਰੰਤ ਗੁੱਸੇ 'ਚ ਸਪੋਰਟਸ ਅਥਾਰਟੀ ਆਫ ਇੰਡੀਆ (ਸਾਈ) ਸੈਂਟਰ ਤੋਂ ਚਲੇ ਗਏ। ਨੈਸ਼ਨਲ ਐਂਟੀ ਡੋਪਿੰਗ ਏਜੰਸੀ (ਨਾਡਾ) ਦੇ ਅਧਿਕਾਰੀਆਂ ਨੇ ਪੂਨੀਆ ਤੋਂ ਡੋਪ ਦੇ ਨਮੂਨੇ ਲੈਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਤੀਜੇ-ਚੌਥੇ ਸਥਾਨ ਦੇ ਮੁਕਾਬਲੇ ਲਈ ਵੀ ਨਹੀਂ ਰੁਕੇ।

ਪੂਨੀਆ ਨੇ ਟਰਾਇਲ ਦੀ ਤਿਆਰੀ ਲਈ ਰੂਸ 'ਚ ਟ੍ਰੇਨਿੰਗ ਲਈ ਸੀ। ਇਹ ਟਰਾਇਲ ਭਾਰਤੀ ਓਲੰਪਿਕ ਸੰਘ (IOA) ਦੇ ਐਡ-ਹਾਕ ਪੈਨਲ ਦੁਆਰਾ ਕਰਵਾਏ ਜਾ ਰਹੇ ਹਨ। ਪੂਨੀਆ ਨੇ ਹਾਲਾਂਕਿ ਦਿੱਲੀ ਹਾਈ ਕੋਰਟ ਵਿਚ ਕੇਸ ਜਿੱਤਿਆ ਸੀ ਕਿ ਮੁਅੱਤਲ WFI ਕੋਲ ਟਰਾਇਲ ਕਰਵਾਉਣ ਦਾ ਕੋਈ ਅਧਿਕਾਰ ਨਹੀਂ ਹੈ।

ਸੁਜੀਤ ਕਾਲਕਲ ਨੇ ਫਾਈਨਲ ਵਿਚ ਰੋਹਿਤ ਨੂੰ ਤਕਨੀਕੀ ਉੱਤਮਤਾ ਨਾਲ ਹਰਾ ਕੇ ਭਾਰਤੀ ਟੀਮ ਵਿਚ ਥਾਂ ਬਣਾਈ ਅਤੇ ਹੁਣ ਉਹ ਪੈਰਿਸ ਓਲੰਪਿਕ ਲਈ 65 ਕਿਲੋ ਵਰਗ ਵਿਚ ਕੋਟਾ ਹਾਸਲ ਕਰਨ ਦੀ ਕੋਸ਼ਿਸ਼ ਕਰੇਗਾ। ਸੁਜੀਤ ਨੇ ਪੂਨੀਆ ਨੂੰ ਹਾਂਗਜ਼ੂ ਏਸ਼ੀਅਨ ਖੇਡਾਂ ਲਈ ਸਿੱਧੀ ਐਂਟਰੀ ਦੇਣ ਵਿਰੁਧ ਚੁਣੌਤੀ ਦਿਤੀ ਸੀ ਪਰ ਉਹ ਕਾਨੂੰਨੀ ਕੇਸ ਹਾਰ ਗਿਆ। ਰੋਹਿਤ ਹੁਣ ਏਸ਼ਿਆਈ ਚੈਂਪੀਅਨਸ਼ਿਪ ਵਿਚ ਭਾਰਤ ਦੀ ਨੁਮਾਇੰਦਗੀ ਕਰੇਗਾ।

ਟਰਾਇਲ ਜੇਤੂਆਂ ਨੂੰ 19 ਤੋਂ 21 ਅਪ੍ਰੈਲ ਤਕ ਬਿਸ਼ਕੇਕ ਅਤੇ 9 ਤੋਂ 12 ਮਈ ਤਕ ਇਸਤਾਂਬੁਲ 'ਚ ਹੋਣ ਵਾਲੇ ਏਸ਼ੀਆਈ ਅਤੇ ਵਿਸ਼ਵ ਓਲੰਪਿਕ ਕੁਆਲੀਫਾਇਰ 'ਚ ਹਿੱਸਾ ਲੈਣ ਦਾ ਮੌਕਾ ਮਿਲੇਗਾ।

 (For more Punjabi news apart from Bajrang Punia, Ravi Dahiya eliminated from Paris Olympics qualification race, stay tuned to Rozana Spokesman)

Location: India, Delhi, New Delhi

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

ਕੁੜੀਆਂ ਨੂੰ ਛੇੜਨ ਵਾਲੇ ਜ਼ਰੂਰ ਵੇਖ ਲੈਣ ਇਹ ਵੀਡੀਓ ਪੁਲਿਸ ਨੇ ਗੰਜੇ, ਮੂੰਹ ਕਾਲਾ ਕਰ ਕੇ ਸਾਰੇ ਬਜ਼ਾਰ 'ਚ ਘੁਮਾਇਆ

29 Nov 2025 1:13 PM

'ਰਾਜਵੀਰ ਜਵੰਦਾ ਦਾ 'ਮਾਂ' ਗਾਣਾ ਸੁਣ ਕੇ ਇੰਝ ਲੱਗਦਾ ਜਿਵੇਂ ਉਸ ਨੂੰ ਅਣਹੋਣੀ ਦਾ ਪਤਾ ਸੀ'

28 Nov 2025 3:02 PM

ਦਿਲਰੋਜ਼ ਦੇ ਪਾਪਾ ਪਹੁੰਚੇ 13 ਸਾਲਾ ਕੁੜੀ ਦੀ ਅੰਤਮ ਅਰਦਾਸ 'ਚ

28 Nov 2025 3:01 PM

13 ਸਾਲਾ ਬੱਚੀ ਦੇ ਕਤਲ ਮਾਮਲੇ 'ਚ ਬੋਲੇ Jathedar Gargaj | Jalandhar Murder Case

27 Nov 2025 3:11 PM

13 ਸਾਲਾ ਕੁੜੀ ਦੇ ਕਾਤਲ ਕੋਲੋਂ ਹੁਣ ਤੁਰਿਆ ਵੀ ਨਹੀਂ ਜਾਂਦਾ, ਦੇਖੋ...

26 Nov 2025 1:59 PM
Advertisement