ਭਾਰਤੀ ਹਾਕੀ ਟੀਮ ਨੇ ਮਲੇਸ਼ੀਆ ਨੂੰ ਮਾਤ ਦੇ ਕੇ ਸੈਮੀਫ਼ਾਈਨਲ 'ਚ ਜਗ੍ਹਾ ਬਣਾ ਲਈ ਹੈ।
ਭਾਰਤੀ ਹਾਕੀ ਟੀਮ ਨੇ ਮਲੇਸ਼ੀਆ ਨੂੰ ਮਾਤ ਦੇ ਕੇ ਸੈਮੀਫ਼ਾਈਨਲ 'ਚ ਜਗ੍ਹਾ ਬਣਾ ਲਈ ਹੈ। ਭਾਰਤ ਨੇ ਗੋਲਡ ਕੋਸਟ ਹਾਕੀ ਸਟੇਡੀਅਮ ਵਿਚ ਖੇਡੇ ਗਏ ਇਕ ਅਹਿਮ ਮੁਕਾਬਲੇ ਵਿਚ ਮਲੇਸ਼ੀਆ ਨੂੰ 2-1 ਨਾਲ ਹਰਾ ਦਿਤਾ। ਹਰਮਨਪ੍ਰੀਤ ਨੇ ਤੀਜੇ ਅਤੇ 44ਵੇਂ ਮਿੰਟ 'ਚ ਗੋਲ ਕੀਤੇ। ਮਲੇਸ਼ੀਆ ਵਲੋਂ ਇਕ ਮਾਤਰ ਗੋਲ ਫੈਜ਼ਲ ਨੇ 16ਵੇਂ ਮਿੰਟ 'ਚ ਕੀਤਾ। ਭਾਰਤ ਨੂੰ ਮੈਚ 'ਚ 9 ਪੈਨਲਟੀ ਕਾਰਨਰ ਮਿਲੇ ਜਿਨ੍ਹਾਂ 'ਚੋਂ ਪਹਿਲਾ ਦੂਜੇ ਹੀ ਮਿੰਟ 'ਚ ਮਿਲਿਆ। ਇਸ ਨੂੰ ਗੋਲ 'ਚ ਬਦਲ ਕੇ ਹਰਮਨਪ੍ਰੀਤ ਨੇ ਭਾਰਤ ਨੂੰ ਅੱਗੇ ਕਰ ਦਿਤਾ। 
Hockeyਮਲੇਸ਼ੀਆ ਨੂੰ ਜਵਾਬੀ ਹਮਲੇ 'ਚ ਛੇਵੇਂ ਮਿੰਟ 'ਚ ਪੈਨਲਟੀ ਕਾਰਨਰ ਮਿਲਿਆ ਪਰ ਰਜੀ ਰਹੀਮ ਗੋਲ ਨਾ ਕਰ ਸਕੇ। ਇਸ ਦੇ 10 ਮਿੰਟਾਂ ਬਾਅਦ ਫੈਜ਼ਲ ਨੇ ਮੈਦਾਨੀ ਗੋਲ ਕਰ ਕੇ ਟੀਮ ਨੂੰ ਬਰਾਬਰੀ 'ਤੇ ਲਿਆਇਆ। ਹਾਫ਼ ਟਾਈਮ ਤਕ ਸਕੋਰ 1-1 ਨਾਲ ਬਰਾਬਰ ਸੀ। ਭਾਰਤ ਨੂੰ ਬੜ੍ਹਤ ਬਣਾਉਣ ਦਾ ਮੌਕਾ 18ਵੇਂ ਮਿੰਟ 'ਚ ਮਿਲਿਆ ਸੀ ਪਰ ਵਰੁਣ ਕੁਮਾਰ ਪੈਨਲਟੀ ਕਾਰਨਰ ਤਬਦੀਲ ਨਹੀਂ ਕਰ ਸਕੇ। 
India win 2-1 against Malaysia, qualify for semisਇਸ ਤੋਂ ਚਾਰ ਮਿੰਟ ਬਾਅਦ ਮਨਦੀਪ ਸਿੰਘ ਦੀ ਕੋਸ਼ਿਸ਼ ਨੂੰ ਮਲੇਸ਼ੀਆਈ ਗੋਲਕੀਪਰ ਹੈਰੀ ਅਬਦੁਲ ਨੇ ਅਸਫ਼ਲ ਕਰ ਦਿਤਾ। ਭਾਰਤੀ ਗੋਲਕੀਪਰ ਪੀ. ਆਰ. ਸ਼੍ਰੀਜੇਸ਼ ਨੇ ਦੂਜੇ ਹਾਫ਼ 'ਚ ਮਲੇਸ਼ੀਆ ਦੇ ਦੋ ਪੈਨਲਟੀ ਕਾਰਨਰ ਬਚਾਏ। ਹਰਮਨਪ੍ਰੀਤ ਨੇ 44ਵੇਂ ਮਿੰਟ 'ਚ ਪੈਨਲਟੀ ਕਾਰਨਰ ਤਬਦੀਲ ਕਰ ਕੇ ਭਾਰਤ ਨੂੰ ਬੜ੍ਹਤ ਦਿਵਾਈ। ਉਹ 58ਵੇਂ ਮਿੰਟ 'ਚ ਹੈਟ੍ਰਿਕ ਬਣਾ ਲੈਂਦੇ ਪਰ ਰਹਿਮਾਨ ਨੇ ਉਨ੍ਹਾਂ ਦੀ ਕੋਸ਼ਿਸ਼ ਨੂੰ ਸਫ਼ਲ ਨਹੀਂ ਹੋਣ ਦਿਤਾ।
