10 ਸਾਲ ਪਹਿਲਾਂ ਪਾਕਿਸਤਾਨ ‘ਚ ਸ਼੍ਰੀਲੰਕਾਂ ਟੀਮ ‘ਤੇ ਹੋਇਆ ਸੀ ਅਤਿਵਾਦੀ ਹਮਲਾ...
ਕੋਲੰਬੋ: ਪਾਕਿਸਤਾਨ ਅਤੇ ਸ਼੍ਰੀਲੰਕਾ ਦੇ ਵਿੱਚ 27 ਸਤੰਬਰ ਤੋਂ ਵਨ-ਡੇ ਸੀਰੀਜ਼ ਹੋਣੀ ਹੈ। ਸ਼੍ਰੀਲੰਕਾ ਵਲੋਂ ਪਾਕਿਸਤਾਨ ਵਿਚ ਜਾ ਕੇ ਖੇਡਣ ਤੋਂ ਉਨ੍ਹਾਂ ਕੋਰੀ ਨਾ ਕਰ ਦਿੱਤੀ ਹੈ। ਪਾਕਿਸਤਾਨ ਨੇ ਸ਼੍ਰੀਲੰਕਾ ਨਾਲ ਹੋਣ ਵਾਲੀ ਇਸ ਘਰੇਲੂ ਸੀਰੀਜ਼ ਲਈ ਤਰੀਕਾਂ ਦਾ ਵੀ ਐਲਾਨ ਕਰ ਦਿੱਤਾ ਹੈ। ਪਾਕਿਸਤਾਨ ਅਤੇ ਸ਼੍ਰੀਲੰਕਾ ਨੂੰ ਕਰਾਚੀ ਦੇ ਨੈਸ਼ਨਲ ਸਟੇਡੀਅਮ ‘ਚ 27 ਸਤੰਬਰ, 29 ਸਤੰਬਰ ਅਤੇ 2 ਅਕਤੂਬਰ ਨੂੰ ਤਿੰਨ ਮੈਚਾਂ ਦੀ ਵਨ-ਡੇ ਸੀਰੀਜ ਖੇਡਣੀ ਹੈ।
Sri Lanka Team
ਇਸ ਤੋਂ ਬਾਅਦ ਦੋਨੇਂ ਟੀਮਾਂ ਲਾਹੌਰ ਦੇ ਗੱਦਾਫੀ ਸਟੇਡੀਅਮ ਵਿੱਚ 5, 7 ਅਤੇ 9 ਅਕਤੂਬਰ ਨੂੰ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ ਖੇਡਣ ਵਾਲੀਆਂ ਹਨ। ਸ਼੍ਰੀਲੰਕਾ ਦੇ 10 ਸੀਨੀਅਰ ਖਿਡਾਰੀਆਂ ਨੇ ਪਾਕਿਸਤਾਨ ਦੌਰੇ ‘ਤੇ ਜਾਣ ਤੋਂ ਮਨਾ ਕਰ ਦਿੱਤਾ ਹੈ ਅਤੇ ਇਸਦੀ ਵਜ੍ਹਾ ਹੈ। 10 ਸਾਲ ਪਹਿਲਾਂ ਪਾਕਿਸਤਾਨ ‘ਚ ਸ਼੍ਰੀਲੰਕਾਂ ਟੀਮ ‘ਤੇ ਹੋਇਆ ਅਤਿਵਾਦੀ ਹਮਲਾ। ਦਰਅਸਲ 10 ਸਾਲ ਪਹਿਲਾਂ ਸ਼੍ਰੀਲੰਕਾਈ ਟੀਮ ਪਾਕਿਸਤਾਨ ਗਈ ਸੀ। ਪਾਕਿਸਤਾਨ ਦੇ ਲਾਹੌਰ ‘ਚ ਦੂਜਾ ਟੈਸਟ ਮੈਚ ਖੇਡਿਆ ਜਾਣਾ ਸੀ। ਸ਼੍ਰੀਲੰਕਾ ਖਿਡਾਰੀ ਪ੍ਰੈਕਟਿਸ ਲਈ ਗੱਦਾਫੀ ਸਟੇਡੀਅਮ ਜਾ ਰਹੇ ਸਨ, ਇਸ ਦੌਰਾਨ ਟੀਮ ਦੀ ਬੱਸ ‘ਤੇ ਅਤਿਵਾਦੀ ਹਮਲਾ ਹੋ ਗਿਆ ਸੀ।
PCB
ਅਤਿਵਾਦੀਆਂ ਨੇ ਬੱਸ ਦੇ ਟਾਇਰ ‘ਤੇ ਫਾਇਰਿੰਗ ਕੀਤੀ, ਇਸ ਤੋਂ ਬਾਅਦ ਬੱਸ ‘ਤੇ ਫਾਇਰਿੰਗ ਕੀਤੀ ਸੀ। ਇਸ ਹਮਲੇ ‘ਚ ਸ਼੍ਰੀਲੰਕਾ ਦੇ 6 ਖਿਡਾਰੀ ਜਖ਼ਮੀ ਹੋ ਗਏ ਸਨ, ਜਦੋਂ ਕਿ 7 ਸੁਰੱਖਿਆ ਕਰਮਚਾਰੀ ਮਾਰੇ ਗਏ ਸਨ। ਸ਼੍ਰੀਲੰਕਾ ਨੇ ਹਮਲੇ ਤੋਂ ਤੁਰੰਤ ਬਾਅਦ ਦੌਰਾ ਰੱਦ ਕਰ ਦਿੱਤਾ ਸੀ। ਟੀਮ ਦੇ ਨਾਲ ਗਏ ਕੁਮਾਰ ਸੰਗਕਾਰਾ, ਅਜੰਤਾ ਮੇਂਡਿਸ, ਤੀਲਨ ਸਮਰਵੀਰਾ ਸਮੇਤ 6 ਖਿਡਾਰੀ ਜਖ਼ਮੀ ਹੋਏ ਸਨ। ਸਮਰਵੀਰਾ ਦੇ ਪੈਰ ‘ਚ ਗੋਲੀ ਲੱਗੀ ਸੀ।
Sri Lanka Cricket
ਸ਼੍ਰੀਲੰਕਾ ਦੇ ਖੇਡ ਮੰਤਰੀ ਹੇਰਿਨ ਫਰਨਾਡੋ ਨੇ ਕਿਹਾ ਕਿ ਜਿਆਦਾਤਰ ਖਿਡਾਰੀਆਂ ਦੇ ਪਰਵਾਰਾਂ ਨੇ ਸੁਰੱਖਿਆ ਹਾਲਾਤ ਨੂੰ ਲੈ ਕੇ ਆਪਣੀ ਚਿੰਤਾ ਸਾਫ਼ ਕੀਤੀ ਹੈ। ਟੀਮ ਦੇ ਅਧਿਕਾਰੀ ਖਿਡਾਰੀਆਂ ਨਾਲ ਮੁਲਾਕਾਤ ਕਰਨਗੇ ਅਤੇ ਪਾਕਿਸਤਾਨ ਦੌਰੇ ਲਈ ਉਨ੍ਹਾਂ ਨੂੰ ਸਮਝਾਉਣਗੇ ਕਿ ਉਨ੍ਹਾਂ ਨੂੰ ਉੱਥੇ ਉੱਤੇ ਪੂਰੀ ਸੁਰੱਖਿਆ ਦਿੱਤੀ ਜਾਵੇਗੀ। ਜਿਨ੍ਹਾਂ 10 ਖਿਡਾਰੀਆਂ ਨੇ ਆਪਣਾ ਨਾਮ ਇਸ ਟੂਰ ਤੋਂ ਵਾਪਸ ਲਿਆ ਹੈ ਉਹ ਹੈ ਨਿਰੋਸ਼ਨ ਡਿਕਵੇਲਾ, ਕੁਸਲ ਜੇਨਿਥ ਪਰੇਰਿਆ, ਧਨੰਜੈ ਡੀ ਸਿਲਵਾ, ਥਿਸ਼ਾਰਾ ਪਰੇਰਿਆ, ਅਕਿਲਾ ਧਨੰਜੈ, ਲਸਿਥ ਮਲਿੰਗਾ, ਏੰਜੇਲੋ ਮੈਥਿਊਜ, ਸੁਰੰਗਾ ਲਕਮਲ, ਦਿਨੇਸ਼ ਚੰਡੀਮਲ, ਦਿਮੁਥ ਕਰੁਣਾਰਤਨੇ।
Sri Lanka cricket team
ਪਾਕਿਸਤਾਨ ਕ੍ਰਿਕੇਟ ਬੋਰਡ ਪੂਰੀ ਕੋਸ਼ਿਸ਼ ਕਰ ਰਿਹਾ ਹੈ ਕਿ ਸ਼੍ਰੀਲੰਕਾ ਟੀਮ ਇਸ ਦੌਰੇ ਉੱਤੇ ਤੈਅ ਪ੍ਰੋਗਰਾਮ ਦੇ ਹਿਸਾਬ ਨਾਲ ਆਵੇ। ਸ਼੍ਰੀਲੰਕਾ ਕ੍ਰਿਕੇਟ ਬੋਰਡ ਆਪਣੇ ਖਿਡਾਰੀਆਂ ਨੂੰ ਮਨਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ।
