ਕਾਸ਼ਵੀ ਨੇ ਆਪਣਾ ਆਧਾਰ ਮੁੱਲ 10 ਲੱਖ ਰੁਪਏ ਰੱਖਿਆ ਸੀ ਪਰ ਗੁਜਰਾਤ ਨੇ ਉਸ ਨੂੰ ਕਈ ਗੁਣਾ ਕੀਮਤ 'ਤੇ ਖਰੀਦਿਆ
WPL Auction 2024: ਮਹਿਲਾ ਪ੍ਰੀਮੀਅਰ ਲੀਗ (WPL) 2024 ਨਿਲਾਮੀ ਵਿਚ ਇੱਕ ਨਵਾਂ ਰਿਕਾਰਡ ਬਣਾਇਆ ਗਿਆ ਹੈ। ਸ਼ਨੀਵਾਰ, 9 ਦਸੰਬਰ ਨੂੰ ਗੁਜਰਾਤ ਜਾਇੰਟਸ ਨੇ ਅਨਕੈਪਡ ਆਲਰਾਊਂਡਰ ਕਾਸ਼ਵੀ ਗੌਤਮ ਲਈ 2 ਕਰੋੜ ਰੁਪਏ ਦੀ ਵੱਡੀ ਬੋਲੀ ਲਗਾਈ। ਕਾਸ਼ਵੀ 2 ਕਰੋੜ ਰੁਪਏ ਦੀ ਬੋਲੀ ਨਾਲ ਸਭ ਤੋਂ ਮਹਿੰਗੀ ਅਨਕੈਪਡ ਭਾਰਤੀ ਖਿਡਾਰੀ ਬਣ ਗਈ ਹੈ।
ਕਾਸ਼ਵੀ ਨੇ ਆਪਣਾ ਆਧਾਰ ਮੁੱਲ 10 ਲੱਖ ਰੁਪਏ ਰੱਖਿਆ ਸੀ ਪਰ ਗੁਜਰਾਤ ਨੇ ਉਸ ਨੂੰ ਕਈ ਗੁਣਾ ਕੀਮਤ 'ਤੇ ਖਰੀਦਿਆ। ਕਾਸ਼ਵੀ , ਜਿਸ ਨੇ 14 ਸਾਲ ਦੀ ਉਮਰ ਵਿਚ ਕ੍ਰਿਕਟ ਖੇਡੀ ਸੀ, ਉਦੋਂ ਚਰਚਾ ਵਿਚ ਆਈ ਸੀ ਜਦੋਂ ਉਸ ਨੇ ਫਰਵਰੀ 2020 ਵਿੱਚ ਇੱਕ ਘਰੇਲੂ ਅੰਡਰ-19 ਵਨਡੇ ਮੈਚ ਵਿੱਚ ਸਾਰੀਆਂ ਦਸ ਵਿਕਟਾਂ ਲਈਆਂ ਸਨ।
ਉਸ ਨੇ ਆਪਣੀ ਮਾਸੀ ਦੇ ਕਹਿਣ 'ਤੇ ਕ੍ਰਿਕਟ ਖੇਡਣਾ ਸ਼ੁਰੂ ਕੀਤਾ ਸੀ। ਇਸ ਤੋਂ ਬਾਅਦ ਕਾਸ਼ਵੀ ਨੇ ਇਸ ਅਹੁਦੇ 'ਤੇ ਪਹੁੰਚਣ ਲਈ ਕੋਈ ਕਸਰ ਬਾਕੀ ਨਹੀਂ ਛੱਡੀ। ਭਾਰਤੀ ਟੀਮ ਦੇ ਸਾਬਕਾ ਕ੍ਰਿਕਟਰ ਅਨਿਲ ਕੁੰਬਲੇ ਦੀ ਤਰ੍ਹਾਂ ਉਸ ਨੇ 10 ਵਿਕਟਾਂ ਲੈਣ ਦਾ ਕਾਰਨਾਮਾ ਹਾਸਲ ਕੀਤਾ ਹੈ। ਚੰਡੀਗੜ੍ਹ ਟੀਮ ਦੀ ਕਪਤਾਨ ਰਹਿ ਚੁੱਕੀ ਕਾਸ਼ਵੀ ਨੇ ਹਰ ਛੋਟੀ ਤੋਂ ਵੱਡੀ ਪ੍ਰਾਪਤੀ ਨੂੰ ਵੱਡਾ ਕਰਨ ਲਈ ਦਿਨ-ਰਾਤ ਅਭਿਆਸ ਕੀਤਾ ਹੈ। ਉਹ ਪੰਜਾਬ ਦੇ ਜ਼ੀਰਕਪੁਰ ਦੀ ਰਹਿਣ ਵਾਲੀ ਹੈ।
ਨਵੰਬਰ ਵਿਚ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਨੂੰ ਏ ਗਰੁੱਪ ਵਿਚ ਸ਼ਾਮਲ ਕੀਤੇ ਜਾਣ ਤੋਂ ਬਾਅਦ ਤੋਂ ਹੀ ਕਾਸ਼ਵੀ ਲਗਾਤਾਰ ਚੰਗਾ ਪ੍ਰਦਰਸ਼ਨ ਕਰ ਰਹੀ ਹੈ। ਇਹੀ ਕਾਰਨ ਹੈ ਕਿ ਉਹ ਦਸੰਬਰ 'ਚ ਟੀ-20 ਫਾਰਮੈਟ 'ਚ ਲਗਾਤਾਰ ਖੇਡ ਰਹੀ ਹੈ। ਦਸੰਬਰ 'ਚ ਹੀ ਉਸ ਨੇ ਇੰਗਲੈਂਡ, ਬੰਗਲਾਦੇਸ਼ ਅਤੇ ਹਾਂਗਕਾਂਗ ਦੇ ਖਿਲਾਫ਼ ਮੈਚਾਂ 'ਚ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਇਸ ਤੋਂ ਇਲਾਵਾ ਉਸ ਨੇ ਮਹਾਰਾਸ਼ਟਰ, ਰਾਜਸਥਾਨ, ਆਂਧਰਾ ਪ੍ਰਦੇਸ਼, ਉੱਤਰ ਪ੍ਰਦੇਸ਼ ਆਦਿ ਸੂਬਿਆਂ ਦੀਆਂ ਟੀਮਾਂ ਵਿਰੁੱਧ ਆਪਣਾ ਬਿਹਤਰ ਪ੍ਰਦਰਸ਼ਨ ਦਿਖਾਇਆ।
(For more news apart from WPL Auction 2024, stay tuned to Rozana Spokesman)
