Sachin Tendulkar ਵੀ ਹੋ ਗਏ ਮੁਰੀਦ
ਨਵੀਂ ਦਿੱਲੀ: ਭਾਰਤ ਦੀ ਮਹਿਲਾ ਕ੍ਰਿਕਟ ਟੀਮ ਨੇ ਇਕ ਵਾਰ ਚਰਚਾਵਾਂ ਵਿਚ ਆ ਗਈ ਹੈ। ਬੇਸ਼ੱਕ ਮੀਂਹ ਕਾਰਣ ਉਹ ਮੈਚ ਹਾਰ ਗਈ ਹੋਵੇ ਪਰ ਮੈਚ ਵਿਚ ਇਸ 23 ਸਾਲ ਦੀ ਪੰਜਾਬ ਦੀ ਧੀ ਨੇ ਉਹ ਕਰ ਦਿਖਾਇਆ ਜਿਸ ਨੂੰ ਤੁਸੀਂ ਵਿਰਾਟ ਕੋਹਲੀ ਅਤੇ ਸੁਰੇਸ਼ ਰੈਣਾ ਵਰਗੇ ਖਿਡਾਰੀ ਨੂੰ ਕਰਦੇ ਹੋਏ ਵੇਖਿਆ ਹੋਵੇਗਾ।
Harleen Deol
ਪੰਜਾਬ ਦੀ ਇਹ ਧੀ ਮੈਚ ਵਿਚ ਉਸ ਵੇਲੇ ਜਾਨ ਪਾ ਦਿੱਤੀ ਜਿਸ ਵੇਲੇ ਉਹ ਇਕ ਸ਼ਾਨਦਾਰ ਕੈਚ ਫੜਦੀ ਹੈ। ਗੱਲ ਕਰ ਰਹੇ ਮਹਿਲਾ ਕ੍ਰਿਕਟ ਟੀਮ ਦੀ ਖਿਡਾਰਨ ਹਰਲੀਨ ਦਿਓਲ ਦੀ। ਜਿਸ ਦੇ ਕੈਚ ਫੜਨ ਦੇ ਵੱਖਰੇ ਹੀ ਸਟਾਈਲ ਦੇ ਵੱਡੇ-ਵੱਡੇ ਕ੍ਰਿਕਟਰ ਵੀ ਫੈਨ ਹੋ ਗਏ।
Harleen Deol
ਦੱਸ ਦਈਏ ਕਿ ਇਹ ਹਰਲੀਨ ਦੀ ਇਹ ਵੀਡੀਓ ਉਸ ਵੇਲੇ ਵਾਇਰਲ ਹੋ ਜਾਂਦੀ ਹੈ ਜਦ ਉਹ ਇੰਗਲੈਂਡ ਦੀ ਇਕ ਖਿਡਾਰਨ ਦੀ ਕੈਚ ਨੂੰ ਵੱਖਰੇ ਹੀ ਸਟਾਈਲ ਨਾਲ ਫੜਦੀ ਹੈ। ਜਿਹੜੀ ਕਿ ਵੇਖਦੇ ਹੀ ਵੇਖਦੇ ਵਾਇਰਲ ਹੋ ਜਾਂਦੀ ਹੈ।
Harleen Deol
ਤੁਸੀਂ ਵੇਖ ਸਕਦੇ ਹੋ ਕਿਵੇਂ ਆਪਣੀ ਐਥਲੈਟਿਕਸ ਸਕਿੱਲ ਦੀ ਵਰਤੋਂ ਕਰਦੇ ਹੋਏ ਹਰਲੀਨ ਕੈਚ ਫੜਦੀ ਹੈ। ਪਹਿਲਾਂ ਤਾਂ ਉਹ ਛਾਲ ਮਾਰ ਕੈਚ ਫੜਦੀ ਹੈ ਤੇ ਆਪਣਾ ਸੰਤੁਲਨ ਬਣਾਉਣ ਲਈ ਬਾਓਡਰੀ ਤੋਂ ਪਾਰ ਡਿੱਗਦੀ ਹੈ ਅਤੇ ਫਿਰ ਸੰਤੋਲਨ ਬਣਾਉਂਦੇ ਹੋਏ ਦੁਬਾਰਾ ਕੈਚ ਨੂੰ ਫੜਦੀ ਹੈ।
Harleen Deo
ਚੰਡੀਗੜ੍ਹ ਦੀ ਰਹਿਣ ਵਾਲੀ ਹਰਲੀਨ ਕੌਰ ਦਿਓਲ ਵੱਲੋਂ ਫੜ੍ਹੀ ਇਸ ਕੈਚ ਨੇ ਉਸ ਨੂੰ ਹੀਰੋ ਤੋਂ ਸੁਪਰ ਖਿਡਾਰਨ ਬਣਾ ਦਿੱਤਾ ਹੈ। ਹਰਲੀਨ ਵੱਲੋਂ ਇਹ ਕੈਚ ਉਸ ਵੇਲੇ ਫੜਿਆ ਜਾਂਦਾ ਹੈ ਜਦ ਇੰਗਲੈਂਡ ਦੀ Amy Ellen Jones ਚੰਗੀ ਸ਼ਾਟ ਖੇਡਦੀ ਹੈ ਅਤੇ ਉਸ ਦੀ ਕੈਚ ਸਿੱਧਾ ਹਰਲੀਨ ਦੇ ਹੱਥਾਂ ਵਿਚ ਪਹੁੰਚਦੀ ਹੈ।
Harleen Deol
ਮੈਚ ਦੀ ਸ਼ੁਰੂਆਤ ਇੰਗਲੈਂਡ ਪਹਿਲਾਂ ਬੈਟਿੰਗ ਲੈ ਕੇ ਕਰਦੀ ਹੈ ਅਤੇ 20 ਓਵਰਾਂ ਵਿਚ 7 ਵਿਕਟਾਂ ਗੁਆ ਕੇ 177 ਰਨ ਬਣਾਉਂਦੀ ਹੈ। ਇਸ ਟੀਚੇ ਦਾ ਪਿੱਛਾ ਕਰਨ ਉਤਰੀ ਭਾਰਤ ਦੀ ਟੀਮ 4 ਓਵਰਾਂ ਸਿਰਫ 22 ਰਨ ਹੀ ਬਣਾ ਪਾਉਂਦੀ ਹੈ ਅਤੇ ਡਕਵਰਥ ਲੁਇਸ ਦੇ ਨਿਯਮ ਤਹਿਤ ਹਾਰ ਜਾਂਦੀ ਹੈ।
Harleen Deol
ਹਰਲੀਨ ਦੀ ਕੈਚ ਫੜਣ ਵਾਲੀ ਵੀਡੀਓ ਇਸ ਕਦਰ ਵਾਇਰਲ ਹੋ ਰਹੀ ਹੈ ਕਿ ਵੱਡੇ-ਵੱਡੇ ਖਿਡਾਰੀ ਵੀ ਉਸ ਦੇ ਮੁਰੀਦ ਹੋ ਗਏ। ਕ੍ਰਿਕਟ ਦੇ ਗਾਡਫਾਦਰ ਵਜੋਂ ਜਾਣੇ ਜਾਣ ਵਾਲੇ ਸਚਿਨ ਤੇਂਦੁਲਕਰ ਟਵੀਟ ਕਰ ਹਰਲੀਨ ਦਿਓਲ ਬਾਰੇ ਲਿੱਖਦੇ ਨੇ ਕਿ ਇਹ ਇਕ ਸ਼ਾਨਦਾਰ ਕੈਚ ਸੀ ਹਰਲੀਨ ਦਿਓਲ। ਮੇਰੇ ਲਈ ਇਹ ਸਾਲ ਦੀ ਸਭ ਤੋਂ ਸ਼ਾਨਦਾਰ ਕੈਚ ਹੈ। ਇਸ ਤੋਂ ਇਲਾਵਾ ਸਾਬਕਾ ਖਿਡਾਰੀ ਵੀ. ਵੀ. ਐੱਸ. ਲਕਸ਼ਮਣ, ਹਰਭਜਨ ਸਿੰਘ ਅਤੇ ਆਨੰਦ ਮਹਿੰਦਰਾ ਵਰਗੇ ਹਸਤੀਆਂ ਨੇ ਵੀ ਤਰੀਫਾਂ ਦੇ ਪੁੱਲ ਬੰਨ੍ਹ ਦਿੱਤੇ ਹਨ।
That was a brilliant catch @imharleenDeol. Definitely the catch of the year for me!pic.twitter.com/pDUcVeOVN8
— Sachin Tendulkar (@sachin_rt) July 10, 2021
ਜਿਸ ਤੋਂ ਬਾਅਦ ਲੋਕਾਂ ਵੱਲੋਂ ਖੁਸ਼ੀ ਭਰੇ ਮੈਸੇਜਾਂ ਦੀ ਲੈਨ ਹੀ ਲੱਗ ਗਈ। ਉਥੇ ਹੀ ਕਈ ਲੋਕ ਹਰਲੀਨ ਦੀ ਇਸ ਵੀਡੀਓ ਨੂੰ ਰੀ-ਟਵੀਟ ਕਰਨ ਲੱਗੇ। ਹਾਲਾਂਕਿ ਅਜਿਹੀਆਂ ਕੈਚ ਤੁਸੀਂ ਵਿਰਾਟ ਕੋਹਲੀ, ਸੁਰੇਸ਼ ਰੈਨਾ ਨੂੰ ਕਰਦੇ ਹੋਏ ਵੇਖਿਆ ਹੋਵੇਗਾ ਪਰ ਹਰਲੀਨ ਦੀ ਇਕ ਕੈਚ ਨੇ ਉਸ ਨੂੰ ਵੀ ਸ਼ਾਨਦਾਰ ਕੈਚ ਫੜਣ ਵਾਲੇ ਖਿਡਾਰੀਆਂ ਦੀ ਲਿਸਟ ਵਿਚ ਸ਼ਾਮਲ ਕਰਾ ਦਿੱਤਾ ਹੈ।
