ਏਸੀਸੀ ਦੇ ਮੁੱਖ ਦਫ਼ਤਰ ਚ ਰੱਖੀ ਗਈ ਟਰਾਫ਼ੀ
Asia Cup Trophy should not be given to India without my permission Mohsin Naqvi: ਏਸ਼ੀਆ ਕੱਪ ਟਰਾਫ਼ੀ ਜੋ ਕਿ ਏਸ਼ੀਅਨ ਕ੍ਰਿਕਟ ਕੌਂਸਲ ਦੇ ਮੁਖੀ ਮੋਹਸਿਨ ਨਕਵੀ ਵਲੋਂ ਇਸ ਨੂੰ ਸਵੀਕਾਰ ਕਰਨ ਤੋਂ ਇਨਕਾਰ ਕਰਨ ਤੋਂ ਬਾਅਦ ਜੇਤੂ ਭਾਰਤੀ ਟੀਮ ਨੂੰ ਨਹੀਂ ਦਿਤੀ ਗਈ ਸੀ, ਨੂੰ ਏਸੀਸੀ ਦੇ ਦੁਬਈ ਹੈੱਡਕੁਆਰਟਰ ਵਿਚ ਬੰਦ ਕਰ ਦਿਤਾ ਗਿਆ ਹੈ। ਅਜਿਹਾ ਇਸ ਲਈ ਕੀਤਾ ਗਿਆ ਕਿ ਇਸ ਨੂੰ ਚੇਅਰਮੈਨ ਦੀ ਮਨਜ਼ੂਰੀ ਤੋਂ ਬਿਨਾਂ ਨਹੀਂ ਲਿਜਾਇਆ ਜਾਂ ਸੌਂਪਿਆ ਨਹੀਂ ਜਾਣਾ ਚਾਹੀਦਾ।
ਭਾਰਤੀ ਟੀਮ ਵਲੋਂ ਇਸ ਨੂੰ ਸਵੀਕਾਰ ਕਰਨ ਤੋਂ ਇਨਕਾਰ ਕਰਨ ਤੋਂ ਬਾਅਦ ਨਕਵੀ ਦੁਆਰਾ ਸਮਾਰੋਹ ਤੋਂ ਟਰਾਫ਼ੀ ਲੈ ਕੇ ਚਲੇ ਜਾਣ ਤੋਂ ਬਾਅਦ ਏਸੀਸੀ ਦਫ਼ਤਰ ਵਿਚ ਇਹ ਟਰਾਫੀ ਰੱਖੀ ਗਈ ਹੈ। ਦਸਣਯੋਗ ਹੈ ਕਿ ਭਾਰਤ ਨੇ 28 ਸਤੰਬਰ ਨੂੰ ਦੁਬਈ ਵਿਚ ਏਸ਼ੀਆ ਕੱਪ ਫਾਈਨਲ ਵਿਚ ਪਾਕਿਸਤਾਨ ਨੂੰ ਹਰਾਇਆ ਸੀ।
ਪਾਕਿਸਤਾਨ ਕਿ੍ਰਕਟ ਬੋਰਡ (ਪੀਸੀਬੀ) ਦੇ ਚੇਅਰਮੈਨ ਮੋਹਸਿਨ ਨਕਵੀ ਨੇ ਸਪਸ਼ਟ ਨਿਰਦੇਸ਼ ਦਿਤੇ ਹਨ ਕਿ ਸਿਰਫ਼ ਉਹ ਹੀ ਭਾਰਤੀ ਟੀਮ ਜਾਂ ਬੀਸੀਸੀਆਈ ਨੂੰ ਨਿੱਜੀ ਤੌਰ ’ਤੇ ਟਰਾਫ਼ੀ ਸੌਂਪਣਗੇ (ਜਦੋਂ ਵੀ ਅਜਿਹਾ ਹੋਵੇਗਾ)। ਭਾਰਤੀਆਂ ਨੇ ਪੂਰੇ ਟੂਰਨਾਮੈਂਟ ਦੌਰਾਨ ਅਪਣੇ ਕੱਟੜ ਦੁਸ਼ਮਣਾਂ ਨਾਲ ਹੱਥ ਮਿਲਾਉਣ ਤੋਂ ਇਨਕਾਰ ਕਰ ਦਿਤਾ।
ਦੂਜੇ ਪਾਸੇ ਬੀਸੀਸੀਆਈ ਨੇ ਨਕਵੀ ਵਲੋਂ ਟਰਾਫ਼ੀ ਲੈ ਕੇ ਚਲੇ ਜਾਣ ਦੇ ਉਸ ਦੇ ਕੰਮ ਦਾ ਸਖ਼ਤ ਵਿਰੋਧ ਕੀਤਾ ਅਤੇ ਅਗਲੇ ਮਹੀਨੇ ਹੋਣ ਵਾਲੀ ਆਈਸੀਸੀ ਦੀ ਮੀਟਿੰਗ ਵਿਚ ਇਸ ਮਾਮਲੇ ਨੂੰ ਉਠਾਉਣ ਦੀ ਗੱਲ ਆਖੀ। (ਏਜੰਸੀ)
