ਸਾਨੀਆ ਮਿਰਜ਼ਾ ਨੇ ਦੱਸਿਆ, ਕਦੋਂ ਕਰੇਗੀ ਟੈਨਿਸ ਕੋਰਟ ਉਤੇ ਵਾਪਸੀ
Published : Jan 12, 2019, 3:21 pm IST
Updated : Jan 12, 2019, 3:21 pm IST
SHARE ARTICLE
Sania Mirza
Sania Mirza

ਹਾਲ ਹੀ ਵਿਚ ਮਾਂ ਬਨਣ ਦਾ ਸੁਖ ਪ੍ਰਾਪਤ ਕਰਨ ਵਾਲੀ ਭਾਰਤ ਦੀ ਟੈਨਿਸ ਸਨਸਨੀ ਸਾਨੀਆ ਮਿਰਜ਼ਾ ਨੇ ਕਿਹਾ ਹੈ ਕਿ ਹੁਣ ਉਨ੍ਹਾਂ ਦੀ ਕੋਸ਼ਿਸ਼ ਟੈਨਿਸ ਕੋਰਟ ਉਤੇ...

ਨਵੀਂ ਦਿੱਲੀ : ਹਾਲ ਹੀ ਵਿਚ ਮਾਂ ਬਨਣ ਦਾ ਸੁਖ ਪ੍ਰਾਪਤ ਕਰਨ ਵਾਲੀ ਭਾਰਤ ਦੀ ਟੈਨਿਸ ਸਨਸਨੀ ਸਾਨੀਆ ਮਿਰਜ਼ਾ ਨੇ ਕਿਹਾ ਹੈ ਕਿ ਹੁਣ ਉਨ੍ਹਾਂ ਦੀ ਕੋਸ਼ਿਸ਼ ਟੈਨਿਸ ਕੋਰਟ ਉਤੇ ਵਾਪਸੀ ਕਰਨ ਦੀ ਹੈ। ਭਾਰਤੀ ਟੈਨਿਸ ਸਨਸਨੀ ਨੇ ਕਿਹਾ ਕਿ ਉਨ੍ਹਾਂ ਦੀ ਕੋਸ਼ਿਸ਼ ਟੋਕਯੋ ਓਲੰਪਿਕ - 2020 ਖੇਡਣ ਦੀ ਹੈ ਅਤੇ ਇਹ ਉਨ੍ਹਾਂ ਨੂੰ ਹਾਸਲ ਕਰਨ ਵਾਲਾ ਲਕਸ਼ ਲੱਗਦਾ ਹੈ। ਸਾਨੀਆ ਨੇ ਹਾਲਾਂਕਿ ਇਸ ਗੱਲ ਨੂੰ ਮੰਨਿਆ ਹੈ ਕਿ ਉਹ ਵਾਪਸੀ ਨੂੰ ਲੈ ਕੇ ਕਿਸੇ ਤਰ੍ਹਾਂ ਦਾ ਦਬਾਅ ਨਹੀਂ ਲੈਣਾ ਚਾਹੁੰਦੀ।

 ਸਾਨੀਆ ਮਿਰਜ਼ਾ ਨੇ ਇੰਟਰਵਿਊ ਵਿਚ ਕਿਹਾ, “ਗਰਭਵਤੀ ਹੋਣਾ ਅਤੇ ਮਾਂ ਬਨਣਾ ਸ਼ਾਇਦ ਮੇਰੇ ਲਈ ਹੁਣ ਤੱਕ ਦੀ ਸਭ ਤੋਂ ਵੱਡੀ ਖੁਸ਼ੀ ਹੈ, ਪਰ ਹੁਣ ਇਸ ਗੱਲ ਨੂੰ ਦੋ ਮਹੀਨੇ ਹੋ ਚੁੱਕੇ ਹਨ ਅਤੇ ਮੈਂ ਭਾਰ ਘੱਟ ਕਰਨਾ ਸ਼ੁਰੂ ਕਰ ਦਿਤਾ ਹੈ। ”ਸਾਨੀਆ ਨੇ ਕਿਹਾ, “ਮੇਰੇ ਫਿਟਨੈਸ ਟਰੇਨਰ ਫਰਵਰੀ ਵਿਚ ਆ ਰਹੇ ਹਨ ਅਤੇ ਮੇਰਾ ਲਕਸ਼ ਇਸ ਸਾਲ ਦੇ ਅੰਤ ਤੱਕ ਕੋਰਟ ਉਤੇ ਵਾਪਸੀ ਕਰਨਾ ਅਤੇ ਟੈਨਿਸ ਖੇਡਣਾ ਹੈ।”



 

ਸਾਨੀਆ ਮਿਰਜ਼ਾ ਨੇ ਗੁਜ਼ਰੇ ਸਾਲ ਅਕਤੂਬਰ ਵਿਚ ਬੇਟੇ ਨੂੰ ਜਨਮ ਦਿਤਾ ਸੀ। ਸਾਨੀਆ ਅਤੇ ਉਨ੍ਹਾਂ ਦੇ ਪਤੀ ਪਾਕਿਸਤਾਨ ਦੇ ਕ੍ਰਿਕੇਟ ਖਿਡਾਰੀ ਸ਼ੋਏਬ ਮਲਿਕ ਨੇ ਬੇਟੇ ਦਾ ਨਾਮ ਇਜ਼ਹਾਨ ਮਿਰਜਾ ਮਲਿਕ ਰੱਖਿਆ ਹੈ। ਸਾਨੀਆ ਮਿਰਜ਼ਾ ਦੇ ਜੀਵਨ ਵਿੱਚ ਉਨ੍ਹਾਂ ਦਾ ਖੇਲ ਹਮੇਸ਼ਾ ਤੋਂ ਉਨ੍ਹਾਂ ਦੀ ਤਰਜੀਹ ਰਿਹਾ ਹੈ। ਉਹ ਅਪਣੀ ਖੇਡ ਤੋਂ ਅਪਣਾ ਧਿਆਨ ਹਟਾਉਣਾ ਨਹੀਂ ਚਾਹੁੰਦੀ ਹੈ।

 ਉਨ੍ਹਾਂ ਨੇ ਕਿਹਾ, “ਇਕ ਟੈਨਿਸ ਖਿਡਾਰੀ ਦੇ ਤੌਰ ਉਤੇ, ਤੁਹਾਡੀ ਜਿੰਦਗੀ ਕਾਫ਼ੀ ਜਲਦੀ ਬਦਲਦੀ ਹੈ। ਅਸੀ ਨਹੀਂ ਜਾਣਦੇ ਕਿ ਅਸੀ ਅਗਲੇ ਦਿਨ ਕੀ ਕਰਾਂਗੇ ਪਰ ਟੋਕਯੋ ਓਲੰਪਿਕ - 2020 ਵਿਚ ਖੇਡਣਾ ਮੇਰੇ ਦਿਮਾਗ ਵਿਚ ਹੈ। ਈਮਾਨਦਾਰੀ ਨਾਲ ਕਹਾਂ ਤਾਂ ਜੇਕਰ ਤੁਸੀ 2016 ਵਿਚ ਮੇਰੇ ਤੋਂ ਪੁੱਛਦੇ ਕਿ ਕੀ ਮੈਂ ਅਗਲੇ ਓਲੰਪਿਕ ਵਿਚ ਖੇਡ ਸਕਾਂਗੀ ਤਾਂ ਸ਼ਾਇਦ ਮੈਂ ਨਾ ਕਹਿੰਦੀ। ”

ਉਨ੍ਹਾਂ ਨੇ ਕਿਹਾ, “ਪਰ ਜੇਕਰ ਮੈਂ ਇਸ ਸਾਲ ਦੇ ਅੰਤ ਤਕ ਵਾਪਸੀ ਕਰ ਸਕੀ ਤਾਂ ਬਹੁਤ ਸੰਭਾਵਨਾ ਹੈ ਕਿ ਮੈਂ ਓਲੰਪਿਕ ਖੇਡ ਸਕਾਂ। ਮੈਂ ਹਾਲਾਂਕਿ ਅਪਣੇ ਉਤੇ ਜ਼ਿਆਦਾ ਦਬਾਅ ਨਹੀਂ ਲੈਣਾ ਚਾਹੁੰਦੀ। ” ਸਾਨੀਆ ਨੇ ਕਿਹਾ ਕਿ ਉਨ੍ਹਾਂ ਨੂੰ ਹੁਣ ਆਪਣੇ ਜੀਵਨ ਵਿਚ ਚੀਜਾਂ ਦੇ ਵਿਚ ਸੰਤੁਲਨ ਬਣਾਉਣਾ ਹੋਵੇਗਾ। ਉਨ੍ਹਾਂ ਨੇ ਕਿਹਾ, “ਸਾਨੂੰ ਵੇਖਣਾ ਹੋਵੇਗਾ ਕਿ ਕਿਵੇਂ ਕੀ ਹੋਵੇਗਾ। ਮੇਰਾ ਲਕਸ਼ ਇਕ ਵਾਰ ਫਿਰ ਫਿਟ ਹੋਣਾ ਹੈ।



 

ਮੈਂ ਪਹਿਲਾਂ ਹੀ ਕਾਫ਼ੀ ਭਾਰ ਘੱਟ ਕਰ ਲਿਆ ਹੈ ਅਤੇ ਛੇਤੀ ਹੀ ਟ੍ਰੇਨਿੰਗ ਸ਼ੁਰੂ ਕਰਨ ਵਾਲੀ ਹਾਂ। ਮੈਨੂੰ ਹਜੇ ਕਾਫ਼ੀ ਲੰਮਾ ਸਫਰ ਤੈਅ ਕਰਨਾ ਹੈ ਅਤੇ ਇਸ ਲਈ ਮੈਂ ਆਪਣੇ ਆਪ ਨੂੰ ਸਮਾਂ ਦਿਤਾ ਹੈ। ” ਸਾਨੀਆ ਨੇ ਕਿਹਾ ਕਿ ਪਹਿਲਾਂ ਉਹ ਸਿਰਫ ਅਪਣੇ ਬਾਰੇ ਵਿਚ ਸੋਚਦੀ ਸੀ ਕਿਉਂਕਿ ਉਨ੍ਹਾਂ ਦਾ ਪੇਸ਼ਾ ਇਸ ਗੱਲ ਦੀ ਮੰਗ ਕਰਦਾ ਹੈ ਪਰ ਹੁਣ ਉਨ੍ਹਾਂ ਦੀ ਤਰਜੀਹ ਅਪਣੇ ਬੱਚੇ ਨੂੰ ਲੈ ਕੇ ਹੈ। 

ਟੈਨਿਸ ਖਿਡਾਰੀ ਨੇ ਕਿਹਾ, “ਮੈਂ ਹੁਣ ਦੁਨੀਆ ਵਿਚ ਸਭ ਕੁੱਝ ਅਪਣੇ ਬੱਚੇ ਲਈ ਚਾਹੁੰਦੀ ਹਾਂ, ਕਿਸੇ ਹੋਰ ਤੋਂ ਕਿਤੇ ਜ਼ਿਆਦਾ, ਇਸ ਵਿਚ ਮੈਂ ਵੀ ਸ਼ਾਮਿਲ ਹਾਂ। ਮੈਨੂੰ ਲਗਦਾ ਹੈ ਕਿ ਇਹ ਖ਼ੁਦਗਰਜ਼ੀ ਤੁਸੀ ਉਦੋਂ ਮਹਿਸੂਸ ਕਰਦੇ ਹੋ ਜਦੋਂ ਤੁਹਾਡਾ ਬੱਚਾ ਹੁੰਦਾ ਹੈ। ” ਸਾਨੀਆ ਨੇ ਕਿਹਾ ਕਿ ਉਹ ਇਸ ਸਮੇਂ ਅਪਣੇ ਬੇਟੇ ਦੇ ਨਾਲ ਮਾਂ ਬਨਣ ਦਾ ਆਨੰਦ ਉਠਾ ਰਹੀ ਹੈ।

Location: India, Delhi, New Delhi

SHARE ARTICLE

ਏਜੰਸੀ

Advertisement

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM
Advertisement