ਅਫ਼ਗਾਨਿਸਤਾਨ ਦੇ ਫਿਰਕੀ ਗੇਂਦਬਾਜ਼ ਰਾਸ਼ਿਦ ਖਾਨ ਦੀ ਸ਼ਾਨਦਾਰ ਗੇਂਦਬਾਜ਼ੀ ਸਦਕਾ ਹੈਦਰਾਬਾਦ ਨੇ ਮੁੰਬਈ ਨੂੰ ਇਕ ਵਿਕਟ ਨਾਲ ਮਾਤ ਦੇ ਦਿਤੀ, ਬੀਤੇ ਦਿਨ ਖੇਡੇ...
ਨਵੀਂ ਦਿੱਲੀ : ਅਫ਼ਗਾਨਿਸਤਾਨ ਦੇ ਫਿਰਕੀ ਗੇਂਦਬਾਜ਼ ਰਾਸ਼ਿਦ ਖਾਨ ਦੀ ਸ਼ਾਨਦਾਰ ਗੇਂਦਬਾਜ਼ੀ ਸਦਕਾ ਹੈਦਰਾਬਾਦ ਨੇ ਮੁੰਬਈ ਨੂੰ ਇਕ ਵਿਕਟ ਨਾਲ ਮਾਤ ਦੇ ਦਿਤੀ, ਬੀਤੇ ਦਿਨ ਖੇਡੇ ਗਏ ਇਸ ਮੈਚ ਵਿਚ ਕਾਫ਼ੀ ਉਤਾਅ-ਚੜਾਅ ਦੇਖਣ ਨੂੰ ਮਿਲਿਆ। ਮੁੰਬਈ ਵਲੋਂ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਅੱਠ ਵਿਕਟਾਂ ਦੇ ਨੁਕਸਾਨ 'ਤੇ 147 ਦੋੜਾਂ ਬਣਾਈਆਂ। ਜਵਾਬ ਵਿਚ ਟੀਚੇ ਦਾ ਪਿਛਾ ਕਰਨ ਉਤਰੀ ਹੈਦਰਾਬਾਦ ਦੀ ਟੀਮ ਨੇ ਇਹ ਮੁਕਾਬਲਾ ਇਕ ਵਿਕਟ ਰਹਿੰਦੇ ਜਿੱਤ ਲਿਆ।
harbhajan singh
ਇਸ ਮੈਚ ਵਿਚ ਸਪਿਨਰ ਰਾਸ਼ਿਦ ਖਾਨ ਸਭ ਤੋਂ ਕਿਫਾਇਤੀ ਰਹੇ। ਮੈਚ 'ਚ ਰਾਸ਼ਿਦ ਨੇ 18 ਡਾਟ ਗੇਂਦਾਂ ਸੁੱਟ ਕੇ ਆਈ.ਪੀ.ਐਲ. ਰਿਕਾਰਡ ਦੀ ਬਰਾਬਰੀ ਕਰ ਲਈ। ਇਸ ਪ੍ਰਦਰਸ਼ਨ ਦੇ ਲਈ ਉਨ੍ਹਾਂ ਨੂੰ ' ਮੈਨ ਆਫ ਦਾ ਮੈਚ' ਚੁਣਿਆ ਗਿਆ।ਰਾਸ਼ਿਦ ਦੇ ਗੇਂਦਬਾਜ਼ੀ ਦੀ ਪ੍ਰਸੰਸਾ ਕਰਦਿਆ ਚੇਨਈ ਸੁਪਰ ਕਿੰਗਜ਼ ਦੇ ਖਿਡਾਰੀ ਹਰਭਜਨ ਸਿੰਘ ਨੇ ਉਸ ਨੂੰ ਚੈਂਪੀਅਨ ਗੇਂਦਬਾਜ਼ ਤਕ ਕਹਿ ਦਿਤਾ। ਭੱਜੀ ਨੇ ਟਵੀਟ ਕਰਦੇ ਹੋਏ ਲਿਖਿਆ, ' ਰਾਸ਼ਿਦ ਖਾਨ 'ਚ ਕਿੰਨਾ ਆਤਮਵਿਸ਼ਵਾਸ ਹੈ, ਇਹ ਇਕ ਚੈਂਪੀਅਨ ਗੇਂਦਬਾਜ਼ ਹੈ,' ਰਾਸ਼ਿਦ ਨੇ ਵੀ ਤਾਰੀਫ ਦੇ ਲਈ ਹਰਭਜਨ ਦਾ ਸ਼ੁਕਰੀਆ ਅਦਾ ਕੀਤਾ ਹੈ।
shane warren
ਹਰਭਜਨ ਸਿੰਘ ਨੇ ਅਪਣੇ ਟਵੀਟ 'ਤੇ ਮਹਾਨ ਗੇਂਦਬਾਜ਼ ਸ਼ੇਨ ਵਾਰਨ ਤੋਂ ਵੀ ਪ੍ਰਤੀਕਿਰਿਆ ਮੰਗੀ। ਇਸ 'ਤੇ ਵਾਰਨ ਨੇ ਵੀ ਜਵਾਬੀ ਟਵੀਟ ਕਰਦੇ ਹੋਏ ਲਿਖਿਆ 'ਆਈ.ਪੀ.ਐੱਲ. 'ਚ ਖੇਡ ਰਹੇ ਸਾਰੇ ਵਖ-ਵਖ ਲੈੱਗ ਸਪਿਨਰ ਨੂੰ ਗੇਂਦਬਾਜ਼ੀ ਕਰਦੇ ਦੇਖਣਾ ਸ਼ਾਨਦਾਰ ਹੈ।
