ਸਾਇਨਾ ਨੇ ਨਿਰਧਾਰਤ ਤਰੀਕ ਤੋਂ ਦੋ ਦਿਨ ਪਹਿਲਾਂ ਅਚਾਨਕ ਵਿਆਹ ਕਰ ਕੇ ਅਪਣੇ ਸਮਰਥਕਾਂ ਨੂੰ ਹੈਰਾਨ ਕਰ ਦਿਤਾ।
ਨਵੀਂ ਦਿੱਲੀ, ( ਭਾਸ਼ਾ) : ਭਾਰਤ ਦੀ ਬੈਡਮਿੰਟਨ ਖਿਡਾਰਨ ਸਾਇਨਾ ਨੇਹਵਾਲ ਨੇ ਭਾਰਤ ਦੇ ਹੀ ਪੁਰਸ਼ ਬੈਡਮਿੰਟਨ ਖਿਡਾਰੀ ਪਰੁਪੱਲੀ ਕਸ਼ਿਅਪ ਨਾਲ ਵਿਆਹ ਕਰਵਾ ਲਿਆ ਹੈ। ਸਾਇਨਾ ਨੇ ਸੋਸ਼ਲ ਮੀਡੀਆ ਤੇ ਵਿਆਹ ਦੀਆਂ ਤਸਵੀਰਾਂ ਸਾਂਝੀਆਂ ਕਰਦੇ ਹੋਏ ਇਸ ਗੱਲ ਦਾ ਐਲਾਨ ਕੀਤਾ। ਸਾਇਨਾ ਦੇ ਵਿਆਹ ਦੀ ਨਿਰਧਾਰਤ ਤਰੀਕ 16 ਦਸੰਬਰ ਸੀ ਪਰ ਉਹਨਾਂ ਨੇ ਅਪਣੇ ਟਵਿੱਟਰ 'ਤੇ ਪਰੁਪੱਲੀ ਕਸ਼ਿਅਪ ਨਾਲ ਅਪਣੀ ਤਸਵੀਰ ਸਾਂਝੇ ਕਰਦੇ ਹੋਏ ਲਿਖਿਆ ਕਿ 'ਬੈਸਟ ਮੈਚ ਆਫ਼ ਮਾਈ ਲਾਈਫ, ਜਸਟ ਮੈਰਿਡ'।
Best match of my life ❤️...#justmarried ☺️ pic.twitter.com/cCNJwqcjI5
— Saina Nehwal (@NSaina) December 14, 2018
ਭਾਵ ਕਿ ਮੇਰੇ ਕਰੀਅਰ ਦਾ ਸੱਭ ਤੋਂ ਬਿਹਤਰੀਨ ਮੈਚ, ਹੁਣੇ-ਹੁਣੇ ਵਿਆਹ ਬੰਧਨ ਵਿਚ ਬੱਝ ਗਈ। ਸਾਇਨਾ ਨੇ ਨਿਰਧਾਰਤ ਤਰੀਕ ਤੋਂ ਦੋ ਦਿਨ ਪਹਿਲਾਂ ਅਚਾਨਕ ਵਿਆਹ ਕਰ ਕੇ ਅਪਣੇ ਸਮਰਥਕਾਂ ਨੂੰ ਹੈਰਾਨ ਕਰ ਦਿਤਾ। ਇਸ ਗੱਲ ਦਾ ਖੁਲਾਸਾ ਨਹੀਂ ਹੋਇਆ ਹੈ ਕਿ ਸਾਇਨਾ ਨੇ 16 ਦਸੰਬਰ ਦੀ ਨਿਰਧਾਰਤ ਤਰੀਕ ਦੀ ਥਾਂ 14 ਦਸੰਬਰ ਨੂੰ ਗੁਪਤ ਤਰੀਕੇ ਨਾਲ ਵਿਆਹ ਕਿਉਂ ਕਰਵਾਇਆ। ਦੱਸ ਦਈਏ ਕਿ ਬੈਡਮਿੰਟਨ ਦੀ ਦੁਨੀਆ ਵਿਚ ਸਾਇਨਾ ਹੁਣ ਤੱਕ ਕਈ ਵੱਡੀਆਂ ਉਪਲਬਧੀਆਂ ਅਪਣੇ ਨਾਮ ਕਰ ਚੁੱਕੀ ਹੈ।
