ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਯਸ਼ਸਵੀ ਹੁਣ ਅਪਣੇ ਗਿੱਟੇ ਦੀ ਸੱਟ ਦੀ ਜਾਂਚ ਲਈ ਬੰਗਲੁਰੂ ਦੇ ਐਨਸੀਏ ਜਾਵੇਗਾ।
Yashasvi Jaiswal injured before Champions Trophy: ਰਣਜੀ ਟਰਾਫ਼ੀ ਸੈਮੀਫ਼ਾਈਨਲ ਮੈਚ ਤੋਂ ਪਹਿਲਾਂ ਮੁੰਬਈ ਕ੍ਰਿਕਟ ਟੀਮ ਨੂੰ ਵਿਦਰਭ ਵਿਰੁਧ ਵੱਡਾ ਝਟਕਾ ਲੱਗਾ ਹੈ ਕਿਉਂਕਿ ਟੀਮ ਇੰਡੀਆ ਦੇ ਸਟਾਰ ਬੱਲੇਬਾਜ਼ ਯਸ਼ਸਵੀ ਜਾਇਸਵਾਲ ਗੋਡੇ ਦੀ ਸੱਟ ਕਾਰਨ ਮੈਚ ਤੋਂ ਬਾਹਰ ਹੋ ਗਏ ਹਨ। ਇਸ ਤੋਂ ਪਹਿਲਾਂ, ਜਾਇਸਵਾਲ ਨੇ ਰੋਹਿਤ ਸ਼ਰਮਾ ਦੇ ਨਾਲ ਜੰਮੂ-ਕਸ਼ਮੀਰ ਵਿਰੁਧ ਦੂਜੇ ਪੜਾਅ ਦੇ ਪਹਿਲੇ ਮੈਚ ਵਿਚ ਹਿੱਸਾ ਲਿਆ ਸੀ।
ਖ਼ਬਰਾਂ ਅਨੁਸਾਰ ਜਾਇਸਵਾਲ ਨੇ ਅਪਣੇ ਖੱਬੇ ਗਿੱਟੇ ਵਿਚ ਦਰਦ ਦੀ ਸ਼ਿਕਾਇਤ ਕੀਤੀ ਹੈ ਅਤੇ ਇਸ ਲਈ ਉਸ ਨੂੰ ਵਿਦਰਭ ਵਿਰੁਧ ਸੈਮੀਫ਼ਾਈਨਲ ਮੈਚ ਤੋਂ ਬਾਹਰ ਕਰ ਦਿਤਾ ਗਿਆ ਹੈ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਯਸ਼ਸਵੀ ਹੁਣ ਅਪਣੇ ਗਿੱਟੇ ਦੀ ਸੱਟ ਦੀ ਜਾਂਚ ਲਈ ਬੰਗਲੁਰੂ ਦੇ ਐਨਸੀਏ ਜਾਵੇਗਾ।
ਇਹ ਕਰੁਣ ਨਾਇਰ ਐਂਡ ਕੰਪਨੀ ਵਿਰੁਧ ਅਪਣੇ ਮੁਕਾਬਲੇ ਤੋਂ ਪਹਿਲਾਂ ਮੌਜੂਦਾ ਚੈਂਪੀਅਨ ਮੁੰਬਈ ਲਈ ਇਕ ਵੱਡਾ ਝਟਕਾ ਹੈ। ਅਚਾਨਕ ਹੋਈ ਇਸ ਘਟਨਾ ਦਾ ਮਤਲਬ ਹੈ ਕਿ ਰਾਸ਼ਟਰੀ ਚੋਣਕਾਰਾਂ ਨੂੰ ਚੈਂਪੀਅਨਜ਼ ਟਰਾਫ਼ੀ ਲਈ ਇਕ ਨਵੇਂ ਗ਼ੈਰ-ਯਾਤਰਾ ਰਿਜ਼ਰਵ ਦਾ ਨਾਮ ਦੇਣ ਲਈ ਮਜਬੂਰ ਹੋਣਾ ਪੈ ਸਕਦਾ ਹੈ।
