ਸਰਦਾਰ ਸਿੰਘ ਨੇ ਅੰਤਰਰਾਸ਼ਟਰੀ ਹਾਕੀ ਤੋਂ ਸੰਨਿਆਸ ਲੈ ਲਿਆ ਹੈ ਪਰ ਖੇਡ ਤੋਂ ਉਨ੍ਹਾਂ ਦਾ ਪਿਆਰ ਹੁਣ ਵੀ ਬਰਕਰਾਰ ਹੈ। ਸਰਦਾਰ ਹੁਣ ਹਾਕੀ ਸਟਿਕ ਨੂੰ ਛੱਡ ਕੇ...
ਨਵੀਂ ਦਿੱਲੀ : ਸਰਦਾਰ ਸਿੰਘ ਨੇ ਅੰਤਰਰਾਸ਼ਟਰੀ ਹਾਕੀ ਤੋਂ ਸੰਨਿਆਸ ਲੈ ਲਿਆ ਹੈ ਪਰ ਖੇਡ ਤੋਂ ਉਨ੍ਹਾਂ ਦਾ ਪਿਆਰ ਹੁਣ ਵੀ ਬਰਕਰਾਰ ਹੈ। ਸਰਦਾਰ ਹੁਣ ਹਾਕੀ ਸਟਿਕ ਨੂੰ ਛੱਡ ਕੇ ਗੋਲਫ ਕਲੱਬ ਦੇ ਵੱਲ ਮੁੜ ਸਕਦੇ ਹਨ। ਸਾਬਕਾ ਭਾਰਤੀ ਕਪਤਾਨ ਅਪਣੇ ਖੇਡ ਕਰਿਅਰ ਨੂੰ ਗੋਲਫ ਕੋਰਸ ਦੇ ਵੱਲ ਮੋੜ ਸਕਦੇ ਹਨ। 12 ਸਤੰਬਰ ਨੂੰ ਸਰਦਾਰ ਨੇ ਅੰਤਰਰਾਸ਼ਟਰੀ ਹਾਕੀ ਤੋਂ ਸੰਨਿਆਸ ਲੈਣ ਦਾ ਫੈਸਲਾ ਕੀਤਾ। ਹਾਲਾਂਕਿ ਉਨ੍ਹਾਂ ਨੇ ਘਰੇਲੂ ਹਾਕੀ ਖੇਡਦੇ ਰਹਿਣ ਦੀ ਇੱਛਾ ਵੀ ਸਾਫ਼ ਕੀਤੀ ਹੈ। ਇਸ ਦੇ ਨਾਲ ਹੀ ਉਹ ਯੂਰੋਪ ਵਿਚ ਕਲੱਬ ਹਾਕੀ ਵੀ ਖੇਡਣਾ ਚਾਹੁੰਦੇ ਹਨ। ਉਹ ਵਿਦੇਸ਼ਾਂ ਵਿਚ ਖੇਡਦੇ ਰਹਿਣ ਦੇ ਦੌਰਾਨ ਗੋਲਫ ਵੀ ਸਿਖਣਾ ਚਾਹੁੰਦੇ ਹਨ।
Golf
ਸਰਦਾਰ ਸਿੰਘ ਨੇ ਇਕ ਇੰਟਵਿਊ 'ਚ ਗੱਲਬਾਤ ਦੌਰਾਨ ਕਿਹਾ ਕਿ ਮੈਂ ਕਲੱਬ ਹਾਕੀ ਖੇਡਣਾ ਜਾਰੀ ਰੱਖਾਂਗਾ ਅਤੇ ਨਾਲ ਹੀ ਗੋਲਫ ਦੇ ਸਬਕ ਵੀ ਸੀਖਣਾ ਚਾਹੁੰਦਾ ਹਾਂ। ਇਹ ਸੱਚ ਹੈ ਕਿ ਮੈਂ ਗੋਲਫ ਵਿਚ ਕਰਿਅਰ ਬਣਾਉਣਾ ਚਾਹੁੰਦਾ ਹਾਂ। ਅੱਗੇ ਵੇਖਦੇ ਹਾਂ ਕੀ ਹੁੰਦਾ ਹੈ। ਸਰਦਾਰ ਨੇ ਭਾਰਤ ਲਈ 12 ਸਾਲ ਵਿਚ 314 ਮੈਚ ਖੇਡੇ। 2008 ਵਿਚ ਉਨ੍ਹਾਂ ਨੂੰ 21 ਸਾਲ 10 ਮਹੀਨੇ ਦੀ ਉਮਰ ਵਿਚ ਭਾਰਤ ਦੇ ਸੱਭ ਤੋਂ ਨੌਜਵਾਨ ਹਾਕੀ ਕਪਤਾਨ ਬਣੇ ਸਨ। ਉਨ੍ਹਾਂ ਨੇ 2014 ਵਿਚ ਏਸ਼ੀਅਨ ਗੇਮਸ ਵਿਚ ਭਾਰਤੀ ਟੀਮ ਦੀ ਅਗੁਆਈ ਕੀਤੀ ਸੀ।
Sardar Singh
ਅੰਤਰਰਾਸ਼ਟਰੀ ਖੇਡ ਤੋਂ ਸੇਵਾਮੁਕਤ ਹੋਣ ਤੋਂ ਬਾਅਦ ਕਈ ਖਿਡਾਰੀ ਗੋਲਫ ਵੱਲ ਮੁੜ ਜਾਂਦੇ ਹਨ। ਭਾਰਤੀ ਕ੍ਰਿਕੇਟ ਟੀਮ ਦੇ ਸਾਬਕਾ ਕਪਤਾਨ ਕਪਿਲ ਦੇਵ ਨੇ ਵੀ ਪ੍ਰੋਫੈਸ਼ਨਲ ਗੋਲਫ ਖੇਡਿਆ ਸੀ। ਉਨ੍ਹਾਂ ਨੇ 2018 ਵਿਚ ਏਸ਼ੀਆ ਪੈਸਿਫਿਕ ਸੀਨਿਅਰਸ ਖੇਡਿਆ ਸੀ। ਇਸ ਤੋਂ ਇਲਾਵਾ ਅਜੀਤ ਅਗਰਕਰ ਨੇ ਬੀਐਮਆਰ ਵਰਲਡ ਕਾਰਪੋਰੇਟ ਗੋਲਫ ਚੈਂਲੇਂਜ ਦੇ ਇੰਡੀਅਨ ਫਾਇਨਲ ਵਿਚ ਕਵਾਲਿਫਾਈ ਕੀਤਾ ਸੀ। ਸਰਦਾਰ ਸਿੰਘ ਦੇ ਮਾਮਲੇ ਵਿਚ ਇਹ ਪਹਿਲਾ ਮੌਕਾ ਹੋਵੇਗਾ ਕਿ ਇਕ ਹਾਕੀ ਖਿਡਾਰੀ ਗੋਲਫ ਨੂੰ ਕਰਿਅਰ ਬਣਾਉਣ ਦਾ ਇਰਾਦਾ ਕੀਤਾ ਹੋਵੇ।
Sardar Singh
ਇਸ ਬਾਰੇ ਵਿਚ ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਮੈਂ ਸਪਾਂਸਰਸ ਦੇ ਨਾਲ ਬੈਠ ਕੇ ਅੱਗੇ ਇਸ ਉਤੇ ਚਰਚਾ ਕਰਾਂਗਾ। ਅਪਣੇ ਹਾਕੀ ਕਰਿਅਰ ਬਾਰੇ ਵਿਚ ਉਨ੍ਹਾਂ ਨੇ ਕਿਹਾ ਕਿ ਮੈਨੂੰ ਅਪਣੇ ਦੇਸ਼ ਦੀ ਤਰਜਮਾਨੀ ਕਰਨ 'ਤੇ ਮਾਣ ਹੈ। ਮੈਂ ਖੁਸ਼ਨਸੀਬ ਹਾਂ ਕਿ ਮੈਨੂੰ 2014 ਦੇ ਇੰਚਿਯੋਨ ਏਸ਼ੀਅਨ ਗੇਮਸ ਵਿਚ ਤਿਰੰਗਾ ਲਹਰਾਉਣ ਅਤੇ ਰਾਸ਼ਟਰਗੀਤ ਸੁਣਨ ਦਾ ਮੌਕਾ ਮਿਲਿਆ। ਹੁਣ ਸਮਾਂ ਅੱਗੇ ਵਧਣ ਦਾ ਹੈ।
