ਸ਼ਾਕਿਬ ਨੇ 'ਗੱਲੀਂ ਬਾਤੀਂ ਮੈਂ ਵੱਡੀ, ਝੂਠੀ ਹੈ ਜੇਠਾਣੀ' ਵਾਲੀ ਗੱਲ ਕੀਤੀ
ਕੋਲੰਬੋ : ਸ੍ਰੀਲੰੰਕਾ ਵਿਚ ਖੇਡੀ ਜਾ ਰਹੀ ਤਿੰਨ ਦੇਸ਼ਾਂ ਦੀ ਨਿਦਾਸ ਟਰਾਫ਼ੀ ਦਾ ਮੈਚ ਬੀਤੇ ਦਿਨ ਬੰਗਲਾ ਦੇਸ਼ ਤੇ ਸ੍ਰੀਲੰਕਾ ਵਿਚਕਾਰ ਖੇਡਿਆ ਗਿਆ। ਬੰਗਲਾ ਦੇਸ਼ ਨੇ ਸ੍ਰੀਲੰਕਾ ਨੂੰ ਹਰਾ ਕੇ ਲੜੀ ਦੇ ਫ਼ਾਈਨਲ ਵਿਚ ਪ੍ਰਵੇਸ਼ ਕਰ ਲਿਆ। ਹੁਣ ਫ਼ਾਈਨਲ ਮੁਕਾਬਲੇ 'ਚ ਭਾਰਤ ਤੇ ਬੰਗਲਾਦੇਸ਼ ਆਹਮੋਂ-ਸਾਹਮਣੇ ਹੋਣਗੇ। ਕਲ ਖੇਡਿਆ ਗਿਆ ਬੰਗਲਾ ਦੇਸ਼ ਤੇ ਸ੍ਰੀਲੰਕਾ ਵਿਚਕਾਰ ਮੈਚ ਬਹੁਤ ਹੀ ਵਿਵਾਦਾਂ ਭਰਿਆ ਰਿਹਾ। ਬੰਗਲਾਦੇਸ਼ ਦੇ ਆਲਰਾਊਂਡਰ ਖਿਡਾਰੀ ਮਹੰਮਦੁਲਾਹ ਦੇ ਛਿੱਕੇ ਨਾਲ ਬੰਗਲਾ ਦੇਸ਼ ਦੀ ਟੀਮ ਫ਼ਾਈਨਲ ਵਿਚ ਅਪਣੀ ਜਗ੍ਹਾ ਬਣਾਉਣ ਵਿਚ ਕਾਮਯਾਬ ਰਹੀ।
sakib al hasan
ਬੰਗਲਾ ਦੇਸ਼ ਦੀ ਇਸ ਜਿੱਤ ਦੇ ਬਾਅਦ ਵੀ ਮੈਦਾਨ ਉਤੇ ਉਨ੍ਹਾਂ ਦੇ ਸੁਭਾਅ ਦੀ ਖ਼ੂਬ ਅਲੋਚਨਾ ਹੋ ਰਹੀ ਹੈ। ਜਿਸ 'ਤੇ ਆਈ.ਸੀ.ਸੀ. ਕਾਰਵਾਈ ਵੀ ਕਰ ਸਕਦਾ ਹੈ। ਇਸ ਵਿਚ ਬੰਗਲਾ ਦੇਸ਼ੀ ਕਪਤਾਨ ਸ਼ਾਕਿਬ-ਅਲ-ਹਸਨ ਵੀ ਸਫ਼ਾਈ ਨਾਲ ਸਾਹਮਣੇ ਆਏ ਹਨ। ਸ਼ਾਕਿਬ ਨੇ ਮੈਚ ਤੋਂ ਬਾਅਦ ਕਿਹਾ ਕਿ ਮੈਂ ਅਪਣੇ ਖਿਡਾਰੀਆਂ ਨੂੰ ਮੈਚ ਦਰਮਿਆਨ ਵਾਪਸ ਨਹੀਂ ਬੁਲਾਇਆ ਬਲਕਿ ਖੇਡ ਜਾਰੀ ਰੱਖਣ ਲਈ ਕਿਹਾ ਸੀ। ਤੁਸੀ ਇਸ ਨੂੰ ਕਿਸੇ ਵੀ ਤਰ੍ਹਾਂ ਨਾਲ ਦਰਸਾ ਸਕਦੇ ਹੋ। ਇਹ ਤੁਹਾਡੇ 'ਤੇ ਨਿਰਭਰ ਕਰਦਾ ਹੈ ਕਿ ਤੁਸੀ ਇਸ ਨੂੰ ਕਿਸ ਤਰ੍ਹਾਂ ਲੈ ਰਹੇ ਹੋ। ਬਿਹਤਰ ਹੈ ਕਿ ਇਸ ਨੂੰ ਛੱਡ ਕੇ ਮੈਚ ਦੇ ਬਾਰੇ ਵਿਚ ਗੱਲ ਕੀਤੀ ਜਾਵੇ।
bangladesh team
ਹਾਲਾਂਕਿ ਇਸ ਦੇ ਨਾਲ ਹੀ ਸ਼ਾਕਿਬ ਨੇ ਦਸਿਆ ਕਿ ਇਹ ਪੂਰਾ ਵਿਵਾਦ ਲੈੱਗ ਅੰਪਾਇਰ ਵਲੋਂ ਦਿਤੀ ਗਈ ਨੋ-ਬਾਲ ਅਤੇ ਫਿਰ ਉਸ ਨੂੰ ਰੱਦ ਕਰਨ ਉਤੇ ਹੋਇਆ। ਮੈਨੂੰ ਨਹੀਂ ਲਗਦਾ ਕਿ ਅੰਪਾਇਰਾਂ ਦਾ ਇਹ ਫ਼ੈਸਲਾ ਠੀਕ ਸੀ। ਮੈਨੂੰ ਨਹੀਂ ਪਤਾ ਕਿ ਪਹਿਲੀ ਬਾਊਂਸਰ ਤੋਂ ਬਾਅਦ ਕੀ ਹੋਇਆ ਪਰ ਦੂਜੀ ਬਾਊਂਸਰ ਤੋਂ ਬਾਅਦ ਅੰਪਾਇਰਾਂ ਨੇ ਪਹਿਲਾਂ ਨੋ ਬਾਲ ਦਿਤੀ ਸੀ ਤੇ ਫਿਰ ਅਪਣਾ ਫ਼ੈਸਲਾ ਵਾਪਸ ਲੈ ਲਿਆ।
