ਜਾਪਾਨ ਦੀ ਨੋਜੋਮੀ ਓਕੁਹਾਰਾ ਨੇ ਬੇਹਦ ਸੰਘਰਸ਼ਪੂਰਨ ਮੁਕਾਬਲੇ ਵਿਚ ਐਤਵਾਰ ਨੂੰ ਭਾਰਤ ਦੀ ਪੀ ਬੀ ਸਿੰਧੂ ਨੂੰ ਹਰਾਉੁਂਦੇ ਹੋਏ ..........

ਗਲਾਸਗੋ, 27 ਅਗੱਸਤ: ਜਾਪਾਨ ਦੀ ਨੋਜੋਮੀ ਓਕੁਹਾਰਾ ਨੇ ਬੇਹਦ ਸੰਘਰਸ਼ਪੂਰਨ ਮੁਕਾਬਲੇ ਵਿਚ ਐਤਵਾਰ ਨੂੰ ਭਾਰਤ ਦੀ ਪੀ ਬੀ ਸਿੰਧੂ ਨੂੰ ਹਰਾਉੁਂਦੇ ਹੋਏ ਵਿਸ਼ਵ ਬੈਡਮਿੰਟਨ ਚੈਂਪੀਅਨਸ਼ਿਪ ਦੇ ਮਹਿਲਾ ਸਿੰਗਲ ਵਰਗ ਦਾ ਖ਼ਿਤਾਬ ਅਪਣੇ ਨਾਮ ਕਰ ਲਿਆ। ਫ਼ਾਈਨਲ ਵਿਚ ਓਕੁਹਾਰਾ ਨੇ ਸਿੰਧੂ ਨੂੰ 21-19, 20-22, 22-20 ਨਾਲ ਮਾਤ ਦਿਤੀ। ਇਹ ਮੈਚ ਇਕ ਘੰਟੇ 50 ਮਿੰਟ ਤਕ ਚਲਿਆ। ਇਨ੍ਹਾਂ ਦੋਵਾਂ ਵਿਚਕਾਰ ਸੱਤਵਾਂ ਮੁਕਾਬਲਾ ਸੀ, ਜਿਸ ਵਿਚ ਓਕੁਹਾਰਾ ਨੇ ਚੌਥੀ ਵਾਰ ਜਿੱਤ ਦਰਜ ਕੀਤੀ। ਓਕੁਹਾਰਾ ਜਾਪਾਨ ਲਈ ਵਿਸ਼ਵ ਚੈਂਪੀਅਨਸ਼ਿਪ ਵਿਚ ਸੋਨ ਤਮਗ਼ਾ ਜਿੱਤਣ ਵਾਲੀ ਪਹਿਲੀ ਮਹਿਲਾ ਹੈ।
ਭਾਰਤ ਨੂੰ ਪਹਿਲੀ ਵਾਰ ਵਿਸ਼ਵ ਚੈਂਪੀਅਨਸ਼ਿਪ ਵਿਚ ਦੋ ਤਮਗ਼ੇ ਮਿਲੇ ਹਨ। ਸਿੰਧੂ ਨੇ ਪਹਿਲਾ ਸਾਇਨਾ ਨੇ ਸਨਿਚਰਵਾਰ ਨੂੰ ਕਾਂਸੀ 'ਤੇ ਕਬਜ਼ਾ ਕੀਤਾ ਸੀ। ਜੇਕਰ ਸਿੰਧੂ ਇਹ ਮੈਚ ਜਿੱਤ ਜਾਂਦੀ ਤਾਂ ਉਹ ਭਾਰਤ ਨੂੰ ਇਸ ਚੈਂਪੀਅਨਸ਼ਿਸਪ ਵਿਚ ਪਹਿਲਾ ਸੋਨ ਤਮਗ਼ਾ ਦਿਵਾਉਣ ਵਾਲੀ ਖਿਡਾਰੀ ਬਣ ਜਾਂਦੀ।
ਦਸਦਯੋਗ ਹੈ ਕਿ ਇਸ ਤੋਂ ਪਹਿਲਾਂ ਮੁਕਾਬਲੇ ਵਿਚ ਭਾਰਤ ਦੀਆਂ ਉਮੀਦਾਂ ਨੂੰ ਬਰਕਰਾਰ ਰਖਦੇ ਹੋਏ ਰੀਉ ਉਲੰਪਿਕ ਦੀ ਸਿਲਵਰ ਤਮਗ਼ਾ ਜੇਤੂ ਪੀ ਵੀ ਸਿੰਧੂ ਨੇ ਵਿਸ਼ਵ ਬੈਡਮਿੰਟਨ ਚੈਂਪੀਅਨਸ਼ਿਪ ਦੇ ਫ਼ਾਈਨਲ ਵਿਚ ਦਾ²ਖ਼ਲਾ ਲਿਆ ਸੀ। ਮਹਿਲਾ ਸਿੰਗਲ ਵਰਗ ਦੇ ਸੈਮੀਫ਼ਾਈਨਲ ਵਿਚ ਚੀਨ ਦੀ ਖਿਡਾਰੀ ਚੇਨ ਯੂਫ਼ੇਈ ਨੂੰ ਮਾਤ ਦੇ ਕੇ ਖ਼ਿਤਾਬੀ ਮੁਕਾਬਲੇ ਦਾ ਰਸਤਾ ਤੈਅ ਕੀਤਾ ਸੀ। ਸਨਿਚਰਵਾਰ (26 ਅਗੱਸਤ) ਦੇਰ ਰਾਤ ਖੇਡੇ ਗਏ ਇਸ ਮੁਕਾਬਲੇ ਵਿਚ ਸਿੰਧੂ ਨੇ ਯੂਫ਼ੇਈ ਨੂੰ 48 ਮਿੰਟਾਂ ਅੰਦਰ ਸਿੱਧੇ ਸੈੱਟਾਂ ਵਿਚ 21-13, 21-10 ਨਾਲ ਮਾਤ ਦਿਤੀ ਸੀ।