ਰਗਬੀ ਬਾਲ ਨੂੰ ਆਪਣੀ ਇਕ ਉਂਗਲ ’ਤੇ 40:56 ਸੈਕਿੰਡ ਘੁਮਾਇਆ
Sports News: ਸੰਦੀਪ ਸਿੰਘ ਕੈਲਾ ਨੇ ਬੀਤੇ ਦਿਨੀਂ ਰਗਬੀ ਬਾਲ ਨੂੰ ਆਪਣੀ ਇਕ ਉਂਗਲ ’ਤੇ ਘੁਮਾਉਣ ਦਾ 10ਵਾਂ ਵਿਸ਼ਵ ਰਿਕਾਰਡ ਕਾਇਮ ਕਰ ਵਿਖਾਇਆ ਹੈ। ਮੋਗਾ ਜ਼ਿਲ੍ਹੇ ਦੇ ਪਿੰਡ ਬੱਡੂਵਾਲ ਦੇ ਜੰਮਪਲ਼ ਸੰਦੀਪ ਸਿੰਘ ਨੇ 10ਵਾਂ ਗਿੰਨੀਜ਼ ਵਰਲਡ ਰਿਕਾਰਡ ਇਸੇ ਵਰ੍ਹੇ 8 ਮਾਰਚ ਨੂੰ ਕੈਨੇਡੀਅਨ ਸੂਬੇ ਬ੍ਰਿਟਿਸ਼ ਕੋਲੰਬੀਆ ਦੇ ਸ਼ਹਿਰ ਐਬਟਸਫੋਰਡ ’ਚ ਕਾਇਮ ਕੀਤਾ ਸੀ ਅਤੇ ਹੁਣ ਬੀਤੀ 12 ਜੁਲਾਈ ਨੂੰ ਉਨ੍ਹਾਂ ਦਾ ਇਹ ਰਿਕਾਰਡ ਗਿੰਨੀਜ਼ ਬੁੱਕ ’ਚ ਦਰਜ ਕਰ ਦਿਤਾ ਗਿਆ ਹੈ।
ਪੜ੍ਹੋ ਇਹ : Fazilka News: ਪਾਣੀ ਦੀ ਵਾਰੀ ਲਗਾ ਰਹੇ ਪਿਓ-ਪੁੱਤ ਦਾ ਸ਼ਰੇਆਮ ਗੋਲ਼ੀਆਂ ਮਾਰ ਕੇ ਕਤਲ
ਸੰਦੀਪ ਸਿੰਘ ਕੈਲਾ ਨੇ ਇਹ ਰਿਕਾਰਡ ਰਗਬੀ (ਜਿਸ ਦੀ ਗੇਂਦ ਅੰਡਾਕਾਰ ਹੁੰਦੀ ਹੈ) ਦੀ ਗੇਂਦ ਨੂੰ ਅਪਣੇ ਹੱਥ ਦੀ ਪਹਿਲੀ ਉਂਗਲ ’ਤੇ 40:56 ਸੈਕਿੰਡ ਘੁਮਾ ਕੇ ਕਾਇਮ ਕੀਤਾ ਹੈ। ਹੁਣ ਉਹ ਦੋ ਅਮਰੀਕਨ ਫ਼ੁਟਬਾਲ ਤੇ ਦੋ ਰਗਬੀ ਬਾਲ ਨੂੰ ਘੁਮਾਉਣਾ ਲੋਚਦੇ ਹਨ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਜ਼ਿਕਰਯੋਗ ਹੈ ਕਿ ਪੂਰੀ ਦੁਨੀਆਂ ’ਚ ਕੇਵਲ 0.02 ਪ੍ਰਤੀਸ਼ਤ ਲੋਕ ਹੀ ਇਸ ਬਾਲ ਨੂੰ ਘੁਮਾ ਸਕਦੇ ਹਨ ਅਤੇ ਅਮਰੀਕਨ ਫ਼ੁਟਬਾਲ ਨੂੰ ਪੂਰੀ ਦੁਨੀਆਂ ’ਚ ਕੇਵਲ 0.01 ਪ੍ਰਤੀਸ਼ਤ ਲੋਕ ਹੀ ਘੁਮਾ ਸਕਦੇ ਹਨ। ਦੋ ਅਮਰੀਕਨ ਫ਼ੁਟਬਾਲ ਤਾਂ ਹਾਲੇ ਤਕ ਕਿਸੇ ਨੇ ਨਹੀਂ ਘੁਮਾਏ। ਸੰਦੀਪ ਸਿੰਘ ਕੈਲਾ ਪਹਿਲੇ ਅਜਿਹੇ ਵਿਅਕਤੀ ਹਨ, ਜਿਨ੍ਹਾਂ ਨੇ ਦੋ ਅਮਰੀਕਨ ਫ਼ੁਟਬਾਲ 21 ਸੈਕੰਡਾਂ ਤਕ ਘੁਮਾਏ ਹਨ।
(For more Punjabi news apart from Moga's Sandeep Singh Kaila made 10th world record, stay tuned to Rozana Spokesman)
