Bathinda News : ਇਸ ਤੋਂ ਪਹਿਲਾਂ ‘ਇੰਡੀਆ ਬੁੱਕ ਆਫ਼ ਰਿਕਾਰਡ’ ’ਚ ਨਾਮ ਦਰਜ ਕਰਵਾ ਚੁੱਕੈ ਇਸ਼ਮੀਤ
Ishmeet from Bathinda gets his name registered in the World Book Latest News in Punjabi : ਨਿੱਕੀ ਉਮਰੇ ਵੱਡੀਆਂ ਪੁਲਾਂਘਾਂ ਪੱਟ ਰਿਹਾ ਹੈ ਬਠਿੰਡਾ ਦੇ ਢਿੱਲੋਂ ਨਗਰ ਦਾ ਇਸ਼ਮੀਤ ਸਿੰਘ ਸਿਵੀਆ। ਜਿਨ੍ਹਾਂ ਨੇ ‘ਵਰਲਡ ਬੁੱਕ’ ਵਿਚ ਅਪਣਾ ਨਾਮ ਦਰਜ ਕਰਵਾ ਲਿਆ ਹੈ। ਇਸ ਪ੍ਰਾਪਤੀ ਤੋਂ ਬਾਅਦ ਇਸ਼ਮੀਤ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ ਉਸ ਨੇ ਲੈਗ ਪ੍ਰੈੱਸ ਲਗਾ ਕੇ ‘ਇੰਡੀਆ ਬੁੱਕ ਆਫ਼ ਰਿਕਾਰਡ’ ’ਚ ਨਾਮ ਦਰਜ ਕਰਵਾ ਚੁੱਕਾ ਹੈ ਤੇ ਜਿਸ ਕਾਰਨ ਉਸ ਨੂੰ ਬਹੁਤ ਖ਼ੁਸ਼ੀ ਹੈ।
ਇਸਮੀਤ ਸਿੰਘ ਸਿਵੀਆ ਨੇ 17 ਸਾਲ ਦੀ ਉਮਰ ਵਿਚ 24 ਸੈਕਿੰਡ ਵਿਚ 5 ਕੁਇੰਟਲ 60 ਕਿਲੋ ਭਾਰ ਦੇ ਰੈਪ ਫ਼ਰੰਟ ਸਕੇਟ ਲਗਾ ਕੇ ਵਰਲਡ ਰਿਕਾਰਡ ਬਣਾਇਆ ਹੈ। ਪਰਵਾਰ ’ਚ ਇਸਮੀਤ ਦੀ ਇਸ ਪ੍ਰਾਪਤੀ ਖ਼ੁਸ਼ੀ ਦਾ ਮਹੌਲ ਬਣ ਗਿਆ ਹੈ।
ਇਸ਼ਮੀਤ ਦੇ ਪਿਤਾ ਬਲਰਾਜ ਸਿੰਘ ਦਾ ਕਹਿਣਾ ਹੈ ਕਿ ਮੇਰੇ ਬੇਟੇ ਨੇ ਵਰਲਡ ਰਿਕਾਰਡ ਬਣਾਇਆ ਹੈ। ਮੈਨੂੰ ਤੇ ਪੂਰੇ ਪਰਵਾਰ ਨੂੰ ਬੇਟੇ ’ਤੇ ਫਕਰ ਹੈ। ਜਿਸ ਨੇ 17 ਸਾਲ ਦੀ ਛੋਟੀ ਉਮਰ ਵਿਚ ਉਹ ਕਰ ਕੇ ਦਿਖਾਇਆ ਹੈ ਜੋ ਕੋਈ ਵੱਡੀ ਉਮਰੇ ਨਹੀਂ ਕਰ ਸਕਦਾ। ਮੇਰੇ ਬੇਟੇ ਨੇ ਕਾਫੀ ਮਿਹਨਤ ਕੀਤੀ ਹੈ। ਮੈਂ ਖ਼ੁਦ ਖਿਡਾਰੀ ਹਾਂ ਜਿਸ ਕਰ ਕੇ ਬੇਟੇ ਨੂੰ ਇਹ ਤਿਆਰੀ ਕਰਵਾਈ ਹੈ।
ਉਨ੍ਹਾਂ ਅੱਗੇ ਦਸਿਆ ਕਿ ਬੇਟੇ ਨੇ ਪਹਿਲਾਂ ਇੰਡੀਆ ਬੁੱਕ ਦੇ ਵਿਚ ਵੀ ਅਪਣਾ ਨਾਮ ਦਰਜ ਕਰਵਾਇਆ ਤੇ ਹੁਣ ਵਰਲਡ ਬੁੱਕ ਵਿਚ ਨਾ ਆਇਆ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰ ਨੂੰ ਅਜਿਹੇ ਬੱਚਿਆਂ ਦੀ ਮਦਦ ਕਰਨੀ ਚਾਹੀਦੀ ਹੈ ਤਾਂ ਜੋ ਨਸ਼ੇ ਦੇ ਵਿਰੁਧ ਲੜਾਈ ਲੜੀ ਜਾ ਸਕੇ ਅਤੇ ਯੂਥ ਇਸ ਤਰ੍ਹਾਂ ਦੇ ਬੱਚਿਆਂ ਤੋਂ ਸੇਧ ਲਵੇ।
