ਦੇਖੋ ਦੋਵੇਂ ਟੀਮਾਂ ਦੀ ਪਲੇਇੰਗ 11

Two of India's big players confirmed to return against Pakistan Latest News in Punjabi ਕ੍ਰਿਕਟ ਪ੍ਰਸ਼ੰਸਕ ਅੱਜ ਏਸ਼ੀਆ ਕੱਪ 2025 ਦੇ ਸੱਭ ਤੋਂ ਵੱਡੇ ਮੈਚ ਨੂੰ ਦੇਖਣਗੇ। ਭਾਰਤ ਅਤੇ ਪਾਕਿਸਤਾਨ ਦੁਬਈ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ਵਿਚ ਇਕ ਦੂਜੇ ਦੇ ਸਾਹਮਣੇ ਹੋਣਗੇ। ਇਹ ਭਾਰਤ ਦਾ ਪਹਿਲਾ ਸੁਪਰ ਫੋਰ ਮੈਚ ਹੋਵੇਗਾ। ਇਹ ਮੈਚ ਭਾਰਤੀ ਸਮੇਂ ਅਨੁਸਾਰ ਰਾਤ 8:00 ਵਜੇ ਸ਼ੁਰੂ ਹੋਵੇਗਾ।

ਭਾਰਤੀ ਟੀਮ ਨੇ ਓਮਾਨ ਵਿਰੁਧ ਪਿਛਲੇ ਮੈਚ ਵਿਚ ਜਸਪ੍ਰੀਤ ਬੁਮਰਾਹ ਤੇ ਵਰੁਣ ਚੱਕਰਵਰਤੀ ਨੂੰ ਆਰਾਮ ਦਿਤਾ ਸੀ। ਜਿਨ੍ਹਾਂ ਦੇ ਪਾਕਿਸਤਾਨ ਵਿਰੁਧ ਖੇਡਣ ਦੀ ਸੰਭਾਵਨਾ ਹੈ। ਜੇ ਉਹ ਵਾਪਸੀ ਕਰਦੇ ਹਨ, ਤਾਂ ਤੇਜ਼ ਗੇਂਦਬਾਜ਼ ਅਰਸ਼ਦੀਪ ਸਿੰਘ ਅਤੇ ਹਰਸ਼ਿਤ ਰਾਣਾ ਨੂੰ ਬਾਹਰ ਬੈਠਣਾ ਪੈ ਸਕਦਾ ਹੈ।

ਭਾਰਤੀ ਟੀਮ ਵਲੋਂ ਇਸ ਮੈਚ ਵਿਚ ਚਾਰ ਮਾਹਰ ਬੱਲੇਬਾਜ਼, ਦੋ ਬੱਲੇਬਾਜ਼ੀ ਆਲਰਾਊਂਡਰ, ਇਕ ਵਿਕਟਕੀਪਰ, ਇਕ ਸਪਿਨ ਆਲਰਾਊਂਡਰ, ਦੋ ਮਾਹਰ ਸਪਿਨਰ ਅਤੇ ਇਕ ਤੇਜ਼ ਗੇਂਦਬਾਜ਼ ਉਤਾਰਨ ਦੀ ਉਮੀਦ ਹੈ। ਨਤੀਜੇ ਵਜੋਂ, ਜਿਤੇਸ਼ ਸ਼ਰਮਾ ਅਤੇ ਰਿੰਕੂ ਸਿੰਘ ਵੀ ਇਸ ਮੈਚ ਤੋਂ ਖੁੰਝ ਸਕਦੇ ਹਨ।

ਗਰੁੱਪ ਮੈਚਾਂ ਵਿਚ ਭਾਰਤ ਤੋਂ ਹਾਰਨ ਤੋਂ ਬਾਅਦ, ਪਾਕਿਸਤਾਨ ਨੇ ਓਮਾਨ ਵਿਰੁਧ ਦੋ ਬਦਲਾਅ ਕੀਤੇ। ਤੇਜ਼ ਗੇਂਦਬਾਜ਼ ਹਾਰਿਸ ਰਊਫ਼ ਅਤੇ ਆਲਰਾਊਂਡਰ ਖ਼ੁਸ਼ਦਿਲ ਸ਼ਾਹ ਨੂੰ ਟੀਮ ਵਿਚ ਸ਼ਾਮਲ ਕੀਤਾ ਗਿਆ। ਸਪਿਨਰ ਸੁਫ਼ਯਾਨ ਮੁਕੀਮ ਅਤੇ ਆਲਰਾਊਂਡਰ ਫ਼ਹੀਮ ਅਸ਼ਰਫ਼ ਨੂੰ ਬਾਹਰ ਰੱਖਿਆ ਗਿਆ। ਹਾਲਾਂਕਿ ਇਹ ਦੇਖਣਾ ਬਾਕੀ ਹੈ ਕਿ ਕੀ ਪਾਕਿਸਤਾਨ ਭਾਰਤ ਵਿਰੁਧ ਉਹੀ ਪਲੇਇੰਗ ਇਲੈਵਨ ਮੈਦਾਨ ਵਿਚ ਉਤਾਰੇਗਾ ਜਾਂ ਤਿੰਨ ਮੈਚਾਂ ਵਿਚ ਗੋਲਡਨ ਡੱਕ ’ਤੇ ਆਊਟ ਹੋਣ ਵਾਲੇ ਸਾਈਮ ਅਯੂਬ ਨੂੰ ਮੈਚ ਵਿਚੋਂ ਬਾਹਰ ਕਰ ਕੇ, ਕੋਈ ਹੋਰ ਬਦਲਾਅ ਕਰੇਗਾ। 

ਭਾਰਤੀ ਆਲਰਾਊਂਡਰ ਹਾਰਦਿਕ ਪੰਡਯਾ ਅਤੇ ਵਿਕਟਕੀਪਰ-ਬੱਲੇਬਾਜ਼ ਸੰਜੂ ਸੈਮਸਨ ਇਸ ਮੈਚ ਵਿਚ ਧਿਆਨ ਵਿਚ ਰਹਿਣਗੇ। ਸੰਜੂ ਸੈਮਸਨ ਨੂੰ ਟੀ-20 ਅੰਤਰਰਾਸ਼ਟਰੀ ਮੈਚਾਂ ਵਿੱਚ 1000 ਦੌੜਾਂ ਪੂਰੀਆਂ ਕਰਨ ਲਈ 83 ਦੌੜਾਂ ਦੀ ਲੋੜ ਹੈ। ਉਹ ਅਜਿਹਾ ਕਰਨ ਵਾਲਾ 12ਵਾਂ ਭਾਰਤੀ ਬੱਲੇਬਾਜ਼ ਬਣ ਸਕਦਾ ਹੈ। ਇਸ ਦੌਰਾਨ, ਹਾਰਦਿਕ ਪੰਡਯਾ ਨੂੰ ਟੀ-20 ਅੰਤਰਰਾਸ਼ਟਰੀ ਮੈਚਾਂ ਵਿਚ 100 ਵਿਕਟਾਂ ਪੂਰੀਆਂ ਕਰਨ ਲਈ ਸਿਰਫ਼ ਚਾਰ ਵਿਕਟਾਂ ਦੀ ਲੋੜ ਹੈ।

ਜ਼ਿਕਰਯੋਗ ਹੈ ਕਿ ਇਸ ਟੂਰਨਾਮੈਂਟ ਵਿਚ ਦੋਵਾਂ ਟੀਮਾਂ ਵਿਚਕਾਰ ਇਹ ਦੂਜੀ ਮੁਕਾਬਲਾ ਹੈ। ਪਿਛਲਾ ਮੈਚ 14 ਸਤੰਬਰ, 2025 ਨੂੰ ਖੇਡਿਆ ਗਿਆ ਸੀ, ਜਿਸ ਵਿਚ ਸੂਰਿਆਕੁਮਾਰ ਯਾਦਵ ਦੀ ਕਪਤਾਨੀ ਵਾਲੀ ਭਾਰਤੀ ਟੀਮ ਨੇ ਪਾਕਿਸਤਾਨ ਨੂੰ ਸੱਤ ਵਿਕਟਾਂ ਨਾਲ ਹਰਾ ਕੇ ਸ਼ਾਨਦਾਰ ਜਿੱਤ ਦਰਜ ਕੀਤੀ ਸੀ। ਇਸ ਨਾਲ ਇਕ ਵਾਰ ਫਿਰ ਦੋਵਾਂ ਟੀਮਾਂ ਵਿਚਕਾਰ ਇੱ ਦਿਲਚਸਪ ਮੁਕਾਬਲਾ ਹੋਵੇਗਾ।

ਦੱਸ ਦਈਏ ਕਿ ਟੀ-20 ਅੰਤਰਰਾਸ਼ਟਰੀ ਮੈਚਾਂ ਵਿਚ ਭਾਰਤ ਦਾ ਪਾਕਿਸਤਾਨ ਵਿਰੁਧ ਸ਼ਾਨਦਾਰ ਰਿਕਾਰਡ ਹੈ। ਦੋਵੇਂ ਟੀਮਾਂ ਹੁਣ ਤਕ 14 ਮੈਚਾਂ ਵਿਚ ਆਹਮੋ-ਸਾਹਮਣੇ ਹੋਈਆਂ ਹਨ, ਜਿਨ੍ਹਾਂ ਵਿਚੋਂ ਭਾਰਤ ਨੇ 11 ਜਿੱਤੇ ਹਨ ਜਦਕਿ ਪਾਕਿਸਤਾਨ ਨੇ ਸਿਰਫ਼ ਤਿੰਨ ਜਿੱਤੇ ਹਨ।

ਦੋਵਾਂ ਟੀਮਾਂ ਲਈ ਸੰਭਾਵਤ ਪਲੇਇੰਗ 11
ਭਾਰਤ: ਸੂਰਿਆਕੁਮਾਰ ਯਾਦਵ (ਕਪਤਾਨ), ਸ਼ੁਭਮਨ ਗਿੱਲ (ਉਪ-ਕਪਤਾਨ), ਅਭਿਸ਼ੇਕ ਸ਼ਰਮਾ, ਤਿਲਕ ਵਰਮਾ, ਹਾਰਦਿਕ ਪੰਡਯਾ, ਸੰਜੂ ਸੈਮਸਨ (ਵਿਕਟਕੀਪਰ), ਅਕਸ਼ਰ ਪਟੇਲ, ਸ਼ਿਵਮ ਦੂਬੇ, ਕੁਲਦੀਪ ਯਾਦਵ, ਜਸਪ੍ਰੀਤ ਬੁਮਰਾਹ ਅਤੇ ਵਰੁਣ ਚੱਕਰਵਰਤੀ।

ਪਾਕਿਸਤਾਨ: ਸਲਮਾਨ ਅਲੀ ਆਗਾ (ਕਪਤਾਨ), ਸੈਮ ਅਯੂਬ, ਫ਼ਖਰ ਜ਼ਮਾਨ, ਹਸਨ ਨਵਾਜ਼, ਸਾਹਿਬਜ਼ਾਦਾ ਫ਼ਰਹਾਨ, ਖ਼ੁਸ਼ਦਿਲ ਸ਼ਾਹ, ਮੁਹੰਮਦ ਹਾਰਿਸ (ਵਿਕਟਕੀਪਰ), ਸ਼ਾਹੀਨ ਸ਼ਾਹ ਅਫ਼ਰੀਦੀ, ਮੁਹੰਮਦ ਨਵਾਜ਼, ਹਾਰਿਸ ਰਉਫ਼ ਅਤੇ ਅਬਰਾਰ ਅਹਿਮਦ।

(For more news apart from Two of India's big players confirmed to return against Pakistan Latest News in Punjabi stay tuned to Rozana Spokesman.)