1 ਜੁਲਾਈ ਤੋਂ ਲੈ ਕੇ ਹੁਣ ਤਕ ਖੇਡਾਂ ਨਾਲ ਸਬੰਧਤ 60 ਤੋਂ ਜ਼ਿਆਦਾ ਲੋਕਾਂ ਦੇ ਕੋਰੋਨਾ ਪਾਜ਼ੇਟਿਵ ਹੋਣ ਦੀ ਪੁਸ਼ਟੀ ਕੀਤੀ ਹੈ।
ਟੋਕਿਓ - ਕੋਵਿਡ -19 ਦੇ ਖ਼ਤਰੇ ਦੇ ਮੱਦੇਨਜ਼ਰ ਸ਼ੁੱਕਰਵਾਰ ਨੂੰ ਹੋਣ ਜਾ ਰਹੀਆਂ ਓਲੰਪਿਕ ਖੇਡਾਂ ਦੇ ਉਦਘਾਟਨੀ ਸਮਾਰੋਹ ਵਿਚ ਭਾਰਤੀ ਖਿਡਾਰੀਆਂ ਦੀ ਭਾਗੀਦਾਰੀ ਘੱਟ ਤੋਂ ਘੱਟ ਰੱਖੀ ਜਾਵੇਗੀ। ਟੀਮ ਦੇ ਸਿਰਫ਼ ਛੇ ਅਧਿਕਾਰੀਆਂ ਨੂੰ ਇਸ ਵਿਚ ਹਿੱਸਾ ਲੈਣ ਦੀ ਆਗਿਆ ਦਿੱਤੀ ਗਈ ਹੈ। ਅਗਲੇ ਦਿਨ ਮੁਕਾਬਲੇ ਵਿਚ ਹਿੱਸਾ ਲੈਣ ਵਾਲੇ ਖਿਡਾਰੀਆਂ ਨੂੰ ਉਦਘਾਟਨ ਸਮਾਰੋਹ ਵਿਚ ਹਿੱਸਾ ਨਾ ਲੈਣ ਦੀ ਹਦਾਇਤ ਦਿੱਤੀ ਗਈ ਹੈ।
Tokyo Olympics
ਭਾਰਤ ਦੇ 120 ਤੋਂ ਵੱਧ ਖਿਡਾਰੀ ਇਨ੍ਹਾਂ ਖੇਡਾਂ ਵਿਚ ਹਿੱਸਾ ਲੈ ਰਹੇ ਹਨ, ਜਦੋਂਕਿ ਭਾਰਤੀ ਟੁਕੜੀ ਵਿਚ ਕੁੱਲ 228 ਮੈਂਬਰ ਸ਼ਾਮਲ ਹਨ, ਜਿਨ੍ਹਾਂ ਵਿਚ ਅਧਿਕਾਰੀ, ਕੋਚ ਅਤੇ ਹੋਰ ਸਹਿਯੋਗੀ ਸਟਾਫ ਸ਼ਾਮਲ ਹੈ। ਇੰਡੀਅਨ ਓਲੰਪਿਕ ਐਸੋਸੀਏਸ਼ਨ (ਆਈ.ਓ.ਏ.) ਦੇ ਸੱਕਤਰ ਜਨਰਲ ਰਾਜੀਵ ਮਹਿਤਾ ਨੇ ਕਿਹਾ ਕਿ ਮਹਾਂਮਾਰੀ ਦੇ ਖਤਰੇ ਕਾਰਨ, ਬਹੁਤ ਸਾਰੇ ਖਿਡਾਰੀਆਂ ਨੂੰ ਉਦਘਾਟਨ ਸਮਾਰੋਹ ਵਿਚ ਨਹੀਂ ਰੱਖਿਆ ਜਾਵੇਗਾ।
Tokyo Olympics
ਮਹਿਤਾ ਨੇ ਕਿਹਾ, ‘ਅਸੀਂ ਥੋੜ੍ਹੇ ਖਿਡਾਰੀਆਂ ਨੂੰ ਮੈਦਾਨ ਵਿਚ ਉਤਾਰਨ ਦੀ ਕੋਸ਼ਿਸ਼ ਕਰਾਂਗੇ। ਉਥੇ (ਉਦਘਾਟਨੀ ਸਮਾਰੋਹ) ਵਿਚ ਵੀ ਘੱਟ ਖਿਡਾਰੀਆਂ ਨੂੰ ਮੈਦਾਨ ਵਿਚ ਉਤਾਰਿਆ ਜਾਵੇਗਾ। ਉਹਨਾਂ ਦੱਸਿਆਂ ਕਿ ਟੀਮ ਦੇ ਮੁਖੀ ਅਤੇ ਡਿਪਟੀ ਟੀਮ ਮੁਖੀ ਵੀਰਵਾਰ ਨੂੰ ਖਿਡਾਰੀਆਂ ਦੀ ਗਿਣਤੀ ਬਾਰੇ ਫੈਸਲਾ ਲੈਣਗੇ, ਪਰ ਸਾਡੀ ਰਾਏ ਇਹ ਹੈ ਕਿ ਘੱਟ ਤੋਂ ਘੱਟ ਖਿਡਾਰੀਆਂ ਨੂੰ ਇਸ ਵਿਚ ਹਿੱਸਾ ਲੈਣਾ ਚਾਹੀਦਾ ਹੈ।
Tokyo Olympics
ਭਾਰਤ ਦੇ ਮਿਸ਼ਨ ਦੇ ਡਿਪਟੀ ਚੀਫ਼ ਪ੍ਰੇਮ ਕੁਮਾਰ ਵਰਮਾ ਨੇ ਇੱਥੇ ਮਿਸ਼ਨ ਅਧਿਕਾਰੀਆਂ ਦੀ ਬੈਠਕ ਤੋਂ ਬਾਅਦ ਉਨ੍ਹਾਂ ਅਧਿਕਾਰੀਆਂ ਦੇ ਨਾਮ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਜੋ ਇਸ ਵਿਚ ਸ਼ਿਕਾਇਤ ਕਰਨਗੇ। ਉਹਨਾਂ ਨੇ ਦੱਸਿਆ ਕਿ ‘‘ ਹਰੇਕ ਦੇਸ਼ ਤੋਂ ਛੇ ਅਧਿਕਾਰੀਆਂ ਨੂੰ ਸਮਾਰੋਹ ‘ਚ ਹਿੱਸਾ ਲੈਣ ਦੀ ਆਗਿਆ ਦਿੱਤੀ ਜਾਵੇਗੀ, ਪਰ ਖਿਡਾਰੀਆਂ‘ ਤੇ ਕੋਈ ਸੀਮਾ ਲਾਗੂ ਨਹੀਂ ਹੋਵੇਗੀ। ਹਾਲਾਂਕਿ, ਜਿਨ੍ਹਾਂ ਖਿਡਾਰੀਆਂ ਦਾ ਅਗਲੇ ਦਿਨ ਮੁਕਾਬਲਾ ਹੈ ਉਹਨਾਂ ਨੂੰ ਅਸੀਂ ਸਲਾਹ ਦਿੱਤੀ ਹੈ ਕਿ ਉਹ ਸਮਾਰੋਹ ਵਿਚ ਹਿੱਸਾ ਨਾ ਲੈਣ ਅਤੇ ਆਪਣੀ ਖੇਡ 'ਤੇ ਧਿਆਨ ਲਗਾਉਣ।
Tokyo Olympics
ਇਹ ਵੀ ਪੜ੍ਹੋ - ਜਗਰਾਉਂ: 8 ਸਾਲਾ ਬੱਚੀ ਨਾਲ ਜਬਰ-ਜਨਾਹ ਕਰਨ ਵਾਲਾ ਮੁਲਜ਼ਮ ਕਾਬੂ
ਉਨ੍ਹਾਂ ਨੇ ਕਿਹਾ, ”ਸਮਾਰੋਹ ਅੱਧੀ ਰਾਤ ਤੱਕ ਚੱਲ ਸਕਦਾ ਹੈ ਇਸ ਲਈ ਇਹ ਵਧੀਆ ਹੋਵੇਗਾ ਕਿ ਉਹ ਅਗਲੇ ਦਿਨ ਹੋਣ ਵਾਲੇ ਮੁਕਾਬਲੇ ਦੇ ਲਈ ਅਰਾਮ ਕਰਨ।
ਦੂਜੇ ਪਾਸੇ, ਪਹਿਲੇ ਦਿਨ 10 ਮੀਟਰ ਏਅਰ ਪਿਸਟਲ ਨਿਸ਼ਾਨੇਬਾਜ਼ ਸੌਰਭ ਚੌਧਰੀ, ਅਭਿਸ਼ੇਕ ਵਰਮਾ, ਅਪੂਰਵੀ ਚੰਦੇਲਾ ਅਤੇ ਈਲੇਵੀਨਲ ਵਾਲਾਰੀਵਨ ਦੇ ਮੁਕਾਬਲੇ ਹੋਣਗੇ, ਜਦੋਂਕਿ ਦੂਜੇ ਦਿਨ ਮਨੂੰ ਭਾਕਰ, ਯਾਸਸਵਿਨੀ ਸਿੰਘ ਦੇਸਵਾਲ, ਦੀਪਕ ਕੁਮਾਰ ਅਤੇ ਦਿਵਯਾਂਸ਼ ਸਿੰਘ ਪੰਵਾਰ ਨਿਸ਼ਾਨਾ ਲਗਾਉਣਗੇ, ਇਸ ਲਈ ਉਹ ਸ਼ੁੱਕਰਵਾਰ ਨੂੰ ਹੋਣ ਵਾਲੇ ਸਮਾਰੋਹ ਵਿਚ ਹਿੱਸਾ ਨਹੀਂ ਲੈਣਗੇ।
Tokyo Olympics
ਭਾਰਤੀ ਟੀਮ ਕੋਲ 8 ਰਾਈਫਲ, 5 ਪਿਸਤੌਲ ਅਤੇ 2 ਸਕੇਟ ਨਿਸ਼ਾਨੇਬਾਜ਼, 6 ਕੋਚ ਅਤੇ ਇੱਕ ਫਿਜ਼ੀਓ ਹੈ। ਟੀਮ ਦੇ ਮੁਖੀ ਬੀਪੀ ਬੈਸ਼ਿਆ ਨੇ ਕਿਹਾ ਕਿ ਭਾਰਤੀ ਖਿਡਾਰੀਆਂ ਦੀ ਗਿਣਤੀ ਬਾਰੇ ਫੈਸਲਾ ਵੀਰਵਾਰ ਨੂੰ ਲਿਆ ਜਾਵੇਗਾ। ਇਸ ਦੇ ਨਾਲ ਹੀ ਦੱਸ ਦਈਏ ਕਿ ਟੋਕੀਉ ਉਲੰਪਿਕ ਨਾਲ ਜੁੜੇ ਹੋਰ 9 ਲੋਕ ਕੋਰੋਨਾ ਪਾਜ਼ੇਟਿਵ ਮਿਲੇ ਹਨ। ਆਯੋਜਕਾਂ ਨੇ ਮੰਗਲਵਾਰ ਨੂੰ ਇਸ ਦੀ ਪੁਸ਼ਟੀ ਕੀਤੀ ਹੈ। 17 ਤੋਂ 19 ਜੁਲਾਈ ਦਰਮਿਆਨ ਹੋਏ ਕੋਰੋਨਾ ਟੈਸਟਾਂ ਦੀ ਰਿਪੋਰਟ ਆਉਣ ਤੋਂ ਬਾਅਦ 9 ਲੋਕਾਂ ਦੇ ਪਾਜ਼ੇਟਿਵ ਹੋਣ ਦਾ ਪਤਾ ਲੱਗਾ ਹੈ। ਇਸ ਤੋਂ ਪਹਿਲਾਂ ਖੇਡਾਂ ਦੇ ਆਯੋਜਕਾਂ ਨੇ ਸੋਮਵਾਰ ਨੂੰ ਉਲੰਪਿਕ ਨਾਲ ਜੁੜੇ 3 ਲੋਕਾਂ ਦੇ ਪਾਜ਼ੇਟਿਵ ਹੋਣ ਦੀ ਪੁਸ਼ਟੀ ਕੀਤੀ ਸੀ, ਜਿਸ ਵਿਚ 2 ਵਿਦੇਸ਼ੀ ਨਾਗਰਿਕ, ਜਦੋਂਕਿ ਤੀਜਾ ਸ਼ਖ਼ਸ ਜਾਪਾਨ ਦਾ ਰਹਿਣ ਵਾਲਾ ਹੈ।
ਇਹ ਵੀ ਪੜ੍ਹੋ - 69 ਸਾਲ ਪਹਿਲਾਂ ਭਾਰਤ ਦੀਆਂ ਧੀਆਂ ਨੇ ਹੇਲਸਿੰਕੀ ਤੋਂ ਸ਼ੁਰੂ ਕੀਤਾ ਸੀ Olympics ਦਾ ਇਤਿਹਾਸਕ ਸਫ਼ਰ
Tokyo Olympics
ਉਲੰਪਿਕ ਆਯੋਜਨ ਕਮੇਟੀ ਨੇ 1 ਜੁਲਾਈ ਤੋਂ ਲੈ ਕੇ ਹੁਣ ਤਕ ਖੇਡਾਂ ਨਾਲ ਸਬੰਧਤ 60 ਤੋਂ ਜ਼ਿਆਦਾ ਲੋਕਾਂ (ਐਥਲੀਟਾਂ, ਵਿਦੇਸ਼ੀ ਪ੍ਰਤੀਨਿਧ ਮੰਡਲਾਂ ਦੇ ਮੈਂਬਰਾਂ ਅਤੇ ਸਟਾਫ਼ ਮੈਂਬਰਾਂ) ਦੇ ਕੋਰੋਨਾ ਪਾਜ਼ੇਟਿਵ ਹੋਣ ਦੀ ਪੁਸ਼ਟੀ ਕੀਤੀ ਹੈ। ਅਸਾਹੀ ਸ਼ਿੰਬੁਨ ਅਖ਼ਬਾਰਾਂ ਵਲੋਂ ਕੀਤੇ ਗਏ ਇਕ ਸਰਵੇਖਣ ਦੇ ਸੋਮਵਾਰ ਨੂੰ ਸਾਹਮਣੇ ਆਏ ਸਿੱਟੇ ਮੁਤਾਬਕ ਜਾਪਾਨ ਵਿਚ ਰਹਿਣ ਵਾਲੇ ਲੱਗਭਗ ਦੋ ਤਿਹਾਈ ਲੋਕ ਇਹ ਨਹੀਂ ਸੋਚਦੇ ਹਨ ਕਿ ਸ਼ੁਕਰਵਾਰ ਨੂੰ ਟੋਕੀਉ ਵਿਚ ਸ਼ੁਰੂ ਹੋ ਰਹੀਆਂ ਗਰਮੀਆਂ ਦੀਆਂ ਉਲੰਪਿਕ ਖੇਡਾਂ ਸੁਰੱਖਿਅਤ ਹੋਣਗੀਆਂ। ਯਾਦ ਰਹੇ ਕਿ ਪਿਛਲੇ ਸਾਲ ਕੋਰੋਨਾ ਕਾਰਨ ਮੁਲਤਵੀ ਹੋਈਆਂ 2020 ਟੋਕੀਉ ਖੇਡਾਂ 23 ਜੁਲਾਈ 2021 ਤੋਂ ਸ਼ੁਰੂ ਹੋਣ ਵਾਲੀਆਂ ਹਨ, ਜੋ 8 ਅਗੱਸਤ ਤਕ ਹੋਣਗੀਆਂ।
