Ryu So-yeon wins Korea Open
ਵਿਸ਼ਵ ਦੀ ਸਾਬਕਾ ਨੰਬਰ ਇਕ ਮਹਿਲਾ ਗੋਲਫ਼ਰ ਅਤੇ ਦੋ ਵਾਰ ਦੀ ਮੇਜਰ ਚੈਂਪੀਅਨ ਸੋ ਇਓਨ ਰਿਯੂ ਨੇ ਕੋਰੀਆ ਓਪਨ ਗੋਲਫ਼ ਟੂਰਨਾਮੈਂਟ
ਇੰਚੀਓਨ, 22 ਜੂਨ : ਵਿਸ਼ਵ ਦੀ ਸਾਬਕਾ ਨੰਬਰ ਇਕ ਮਹਿਲਾ ਗੋਲਫ਼ਰ ਅਤੇ ਦੋ ਵਾਰ ਦੀ ਮੇਜਰ ਚੈਂਪੀਅਨ ਸੋ ਇਓਨ ਰਿਯੂ ਨੇ ਕੋਰੀਆ ਓਪਨ ਗੋਲਫ਼ ਟੂਰਨਾਮੈਂਟ ਜਿੱਤਣ ਤੋਂ ਬਾਅਦ ਉਸ ਤੋਂ ਮਿਲੀ 200,000 ਡਾਲਰ ਤੋਂ ਵੱਧ ਦੀ ਇਨਾਮੀ ਰਾਸ਼ੀ ਕੋਰੋਨਾ ਵਾਇਰਸ ਰਾਹਤ ਫ਼ੰਡ ਵਿਚ ਦਾਨ ਕਰ ਦਿਤੀ। ਕੋਵਿਡ-19 ਮਹਾਂਮਾਰੀ ਕਾਰਨ ਰਿਯੂ ਦਾ ਇਹ ਪਿਛਲੇ ਚਾਰ ਮਹੀਨਿਆਂ ਵਿਚ ਪਹਿਲਾ ਟੂਰਨਾਮੈਂਟ ਸੀ। ਰਿਯੂ ਨੇ ਆਖ਼ਰੀ ਗੇੜ ਵਿਚ ਇਵਨ ਪਾਰ 72 ਦਾ ਕਾਰਡ ਖੇਡਿਆ। ਉਨ੍ਹਾਂ ਨੇ ਇਕ ਹੋਰ ਚੋਟੀ ਦੀ ਗੋਲਫ਼ਰ ਹਿਯੂ ਜੂ ਕਿਮ ਨੂੰ ਇਕ ਸ਼ਾਟ ਨਾਲ ਪਿੱਛੇ ਛਡਿਆ। ਰਿਯੂ ਦਾ ਇਹ 2018 ਵਿਚ ਜਾਪਾਨ ਓਪਨ ਤੋਂ ਬਾਅਦ ਪਹਿਲਾ ਖ਼ਿਤਾਬ ਹੈ। ਕੋਰੀਆਈ ਮਹਿਲਾ ਪੀ ਜੀ ਏ ਵਿਚ ਇਹ ਉਨ੍ਹਾਂ ਦੀ 2015 ਤੋਂ ਬਾਅਦ ਪਹਿਲੀ ਜਿੱਤ ਹੈ। (ਪੀਟੀਆਈ)
