ਨੇਪਾਲ ਦੇ ਰੋਹਿਤ ਪਾਉਡੇਲ ਨੇ ਇੰਟਰਨੈਸ਼ਨਲ ਕ੍ਰਿਕੇਟ (ਮਰਦਾਂ) ਵਿਚ ਸੱਭ ਤੋਂ ਘੱਟ ਉਮਰ ਵਿਚ ਹਾਫ ਸੈਂਚੁਰੀ ਬਣਾਉਣ ਦਾ ਰਿਕਾਰਡ ਬਣਾ ਦਿਤਾ ਹੈ। 16 ਸਾਲ...
ਨਵੀਂ ਦਿੱਲੀ : ਨੇਪਾਲ ਦੇ ਰੋਹਿਤ ਪਾਉਡੇਲ ਨੇ ਇੰਟਰਨੈਸ਼ਨਲ ਕ੍ਰਿਕੇਟ (ਮਰਦਾਂ) ਵਿਚ ਸੱਭ ਤੋਂ ਘੱਟ ਉਮਰ ਵਿਚ ਹਾਫ ਸੈਂਚੁਰੀ ਬਣਾਉਣ ਦਾ ਰਿਕਾਰਡ ਬਣਾ ਦਿਤਾ ਹੈ। 16 ਸਾਲ 146 ਦਿਨ ਦੀ ਉਮਰ ਵਿਚ ਉਸ ਨੇ ਸੰਯੁਕਤ ਅਰਬ ਅਮੀਰਾਤ ਦੇ ਖਿਲਾਫ਼ 55 ਦੌੜਾਂ ਦੀ ਪਾਰੀ ਖੇਡੀ। ਇਸ ਦੇ ਨਾਲ ਹੀ ਉਸ ਨੇ ਗਾਡ ਆਫ਼ ਕ੍ਰਿਕੇਟ ਭਾਰਤੀ ਦਿੱਗਜ ਸਚਿਨ ਤੇਂਦੁਲਕਰ ਦਾ 29 ਸਾਲ ਪੁਰਾਣਾ ਰਿਕਾਰਡ ਵੀ ਤੋਡ਼ ਦਿਤਾ।
At the age of just 16 years and 146 days, Nepal's Rohit Paudel today became the youngest man to hit an international half-century, beating the likes of @sachin_rt and @SAfridiOfficial! ?? ?
— ICC (@ICC) January 26, 2019
➡️ https://t.co/lRo5UTfuFd pic.twitter.com/qsqZQDYX5y
ਮਰਦ ਕ੍ਰਿਕੇਟ ਵਿਚ ਸੱਭ ਤੋਂ ਘੱਟ ਉਮਰ ਵਿਚ ਅੰਤਰਰਾਸ਼ਟਰੀ ਅਰਧ ਸੈਂਚੁਰੀ ਲਗਾਉਣ ਦੀ ਗੱਲ ਕਰੀਏ ਤਾਂ ਇਹ ਰਿਕਾਰਡ ਸਚਿਨ ਤੇਂਦੁਲਕਰ ਦੇ ਨਾਮ ਸੀ ਜਿਨ੍ਹਾਂ ਨੇ 16 ਸਾਲ ਅਤੇ 213 ਦਿਨਾਂ ਦੀ ਉਮਰ ਵਿਚ ਪਾਕਿਸਤਾਨ ਦੇ ਖਿਲਾਫ 59 ਦੌੜਾਂ ਦੀ ਪਾਰੀ ਖੇਡੀ ਸੀ। ਇਹ ਮੈਚ 23 ਨਵੰਬਰ 1989 ਨੂੰ ਪਾਕਿਸਤਾਨ ਦੇ ਫ਼ੈਸਲਾਬਾਦ ਵਿਚ ਖੇਡਿਆ ਗਿਆ ਸੀ। ਨੇਪਾਲ ਦੇ ਰੋਹਿਤ ਨੇ ਪਾਕਿਸਤਾਨ ਦੇ ਸ਼ਾਹਿਦ ਅਫ਼ਰੀਦੀ ਦੇ ਵਨਡੇ ਇੰਟਰਨੈਸ਼ਨਲ ਵਿਚ ਸੱਭ ਤੋਂ ਨੌਜਵਾਨ ਹਾਫ਼ ਸੈਂਚੁਰੀਅਨ ਦਾ ਰਿਕਾਰਡ ਨੂੰ ਵੀ ਤੋੜਿਆ।
Shahid Afridi
ਅਫ਼ਰੀਦੀ ਨੇ ਲਗਭੱਗ 23 ਸਾਲ ਪਹਿਲਾਂ 16 ਸਾਲ 217 ਦੀ ਉਮਰ ਵਿਚ ਵਨਡੇ ਇੰਟਰਨੈਸ਼ਨਲ ਵਿਚ 50 ਦੀ ਗਿਣਤੀ ਪਾਰ ਕੀਤੀ ਸੀ। ਉਨ੍ਹਾਂ ਨੇ ਉਸ ਮੈਚ ਵਿਚ 102 ਦੌੜਾਂ ਦੀ ਪਾਰੀ ਖੇਡੀ ਸੀ। 1996 ਵਿਚ ਨੈਰੋਬੀ ਵਿਚ ਸ਼੍ਰੀਲੰਕਾ ਖਿਲਾਫ਼ ਖੇਡੇ ਗਏ ਮੈਚ ਵਿਚ ਉਹਨਾਂ ਨੇ ਸਿਰਫ਼ 37 ਗੇਂਦਾਂ 'ਤੇ ਸੈਂਕੜਾ ਬਣਾ ਕੇ ਰਿਕਾਰਡ ਕਾਇਮ ਕੀਤਾ ਸੀ। ਸਤਵੇਂ ਨੰਬਰ 'ਤੇ ਬੱਲੇਬਾਜ਼ੀ ਕਰਨ ਉਤਰੇ ਪਾਉਡੇਲ ਨੇ 58 ਗੇਂਦਾਂ 'ਤੇ 55 ਦੌੜਾਂ ਬਣਾਈਆਂ। ਉਨ੍ਹਾਂ ਨੇ ਅਪਣੀ ਪਾਰੀ ਵਿਚ 7 ਚੌਕੇ ਲਗਾਏ। ਉਨ੍ਹਾਂ ਦੀ ਪਾਰੀ ਦੀ ਬਦੌਲਤ ਨੇਪਾਲ ਨੇ 50 ਓਵਰਾਂ ਵਿਚ 9 ਵਿਕੇਟ 'ਤੇ 242 ਦੌੜਾਂ ਬਣਾਈਆਂ ਸਨ।
Rohit Paudel
ਜਵਾਬ ਵਿਚ ਮੇਜ਼ਬਾਨ ਯੂਏਈ ਦੀ ਪੂਰੀ ਟੀਮ 97 ਦੌੜਾਂ 'ਤੇ ਆਲ ਆਉਟ ਹੋ ਗਈ ਅਤੇ ਨੇਪਾਲ ਨੇ 145 ਦੌੜਾਂ ਨਾਲ ਜਿੱਤ ਹਾਸਲ ਕੀਤੀ। ਇਸ ਦੇ ਨਾਲ ਹੀ ਤਿੰਨ ਮੈਚਾਂ ਦੀ ਸੀਰੀਜ਼ 1 - 1 ਨਾਲ ਬਰਾਬਰ ਹੋ ਗਈ। ਯੂਏਈ ਨੇ ਪਹਿਲਾ ਮੈਜ ਜਿੱਤੀਆ ਸੀ। ਅੰਤਰਰਾਸ਼ਟਰੀ ਕ੍ਰਿਕੇਟ ਵਿਚ ਸੱਭਤੋਂ ਘੱਟ ਉਮਰ ਵਿਚ ਹਾਫ਼ ਸੈਂਚੁਰੀ ਬਣਾਉਣ ਦਾ ਰਿਕਾਰਡ ਸਾਉਥ ਅਫਰੀਕਾ ਦੀ ਮਹਿਲਾ ਕ੍ਰਿਕੇਟਰ ਜੋਹਮਰੀ ਲਾਗਟੇਨਬਰਗ ਦੇ ਨਾਮ ਹੈ ਜਿਨ੍ਹਾਂ ਨੇ ਸਿਰਫ਼ 14 ਸਾਲ ਦੀ ਉਮਰ ਵਿਚ ਅਰਧ ਸੈਂਕੜਾ ਲਗਾਇਆ।
