IPL 2024 News: ਗੇਂਦਬਾਜ਼ਾਂ ਨੂੰ ਬੱਲੇਬਾਜ਼ਾਂ ਨਾਲ ਨਜਿੱਠਣ ਲਈ ਨਵੇਂ ਤਰੀਕੇ ਲੱਭਣੇ ਚਾਹੀਦੇ ਹਨ : KKR ਦੇ ਸਹਾਇਕ ਕੋਚ ਡੋਸਚੈਟ
Published : Apr 27, 2024, 9:55 pm IST
Updated : Apr 27, 2024, 9:55 pm IST
SHARE ARTICLE
KKR assistant coach Doeschate urges 'anti-skill innovations' to counter ruthless batters
KKR assistant coach Doeschate urges 'anti-skill innovations' to counter ruthless batters

ਡੋਸ਼ੇਟ ਦਾ ਮੰਨਣਾ ਹੈ ਕਿ ਗੇਂਦਬਾਜ਼ਾਂ ਨੂੰ ਮੌਜੂਦਾ ਇੰਡੀਅਨ ਪ੍ਰੀਮੀਅਰ ਲੀਗ ’ਚ ਵਿਸਫੋਟਕ ਬੱਲੇਬਾਜ਼ਾਂ ਨੂੰ ਚੁਨੌਤੀ ਦੇਣ ਲਈ ਨਵੇਂ ਤਰੀਕੇ ਲੱਭਣ ਦੀ ਜ਼ਰੂਰਤ ਹੈ।

IPL 2024 News: ਕੋਲਕਾਤਾ ਨਾਈਟ ਰਾਈਡਰਜ਼ (ਕੇ.ਕੇ.ਆਰ.) ਦੇ ਸਹਾਇਕ ਕੋਚ ਰਿਆਨ ਟੇਨ ਡੋਸ਼ੇਟ ਦਾ ਮੰਨਣਾ ਹੈ ਕਿ ਗੇਂਦਬਾਜ਼ਾਂ ਨੂੰ ਮੌਜੂਦਾ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐਲ.) ’ਚ ਵਿਸਫੋਟਕ ਬੱਲੇਬਾਜ਼ਾਂ ਨੂੰ ਚੁਨੌਤੀ ਦੇਣ ਲਈ ਨਵੇਂ ਤਰੀਕੇ ਲੱਭਣ ਦੀ ਜ਼ਰੂਰਤ ਹੈ।

ਪੰਜਾਬ ਕਿੰਗਜ਼ ਨੇ ਸ਼ੁਕਰਵਾਰ ਨੂੰ ਈਡਨ ਗਾਰਡਨਸ ’ਚ ਟੀ-20 ਮੈਚਾਂ ’ਚ ਸੱਭ ਤੋਂ ਵੱਡਾ ਟੀਚਾ ਸਰ ਕਰ ਕੇ ਵਿਖਾਇਆ ਸੀ। ਟੀਮ ਨੇ ਕੇ.ਕੇ.ਆਰ. ਦੇ 262 ਦੌੜਾਂ ਦੇ ਟੀਚੇ ਨੂੰ ਅੱਠ ਗੇਂਦਾਂ ਬਾਕੀ ਰਹਿੰਦੇ ਹੀ ਹਾਸਲ ਕਰ ਲਿਆ।

ਡੋਸ਼ੇਟ ਨੇ ਮੈਚ ਤੋਂ ਬਾਅਦ ਪ੍ਰੈਸ ਕਾਨਫਰੰਸ ’ਚ ਕਿਹਾ, ‘‘10 ਸਾਲ ਪਹਿਲਾਂ ਦੀ ਤੁਲਨਾ ’ਚ ਖੇਡ ਪੂਰੀ ਤਰ੍ਹਾਂ ਬਦਲ ਗਈ ਹੈ। ਉਦੋਂ ਤੁਹਾਨੂੰ 160 ਦੌੜਾਂ ਮਿਲਦੀਆਂ ਸਨ ਅਤੇ ਤੁਹਾਨੂੰ ਲਗਦਾ ਸੀ ਕਿ ਤੁਸੀਂ ਮੈਚ ਜਿੱਤੋਗੇ। ਪਰ ਹੁਣ ਵੱਡਾ ਸਕੋਰ ਬਣਾਉਣ ਲਈ ਤੁਹਾਨੂੰ 13ਵੇਂ ਓਵਰ ਤੋਂ ਪਹਿਲਾਂ 160 ਦੌੜਾਂ ਬਣਾਉਣੀਆਂ ਪੈਣਗੀਆਂ।’’

ਪੰਜਾਬ ਕਿੰਗਜ਼ ਦੇ ਪ੍ਰਭਾਵਸ਼ਾਲੀ ਖਿਡਾਰੀ ਪ੍ਰਭਸਿਮਰਨ ਸਿੰਘ ਨੇ ਮੈਚ ਦੀ ਸ਼ੁਰੂਆਤ 20 ਗੇਂਦਾਂ ’ਚ 54 ਦੌੜਾਂ ਦੀ ਧਮਾਕੇਦਾਰ ਪਾਰੀ ਨਾਲ ਕੀਤੀ, ਜਿਸ ਤੋਂ ਬਾਅਦ ਜੌਨੀ ਬੇਅਰਸਟੋ ਨੇ ਸਿਰਫ 48 ਗੇਂਦਾਂ ’ਚ ਨਾਬਾਦ 108 ਦੌੜਾਂ ਦੀ ਪਾਰੀ ਖੇਡ ਕੇ ਟੀਮ ਨੂੰ ਟੀਚੇ ਤਕ ਪਹੁੰਚਾਇਆ। ਪ੍ਰਭਸਿਮਰਨ ਦੇ ਆਊਟ ਹੋਣ ਤੋਂ ਬਾਅਦ ਸ਼ਸ਼ਾਂਕ ਸਿੰਘ ਨੇ 28 ਗੇਂਦਾਂ ’ਤੇ ਨਾਬਾਦ 68 ਦੌੜਾਂ ਬਣਾਈਆਂ। ਨੀਦਰਲੈਂਡ ਦੇ ਸਾਬਕਾ ਆਲਰਾਊਂਡਰ ਡੋਸ਼ੇਟ ਕੇ.ਕੇ.ਆਰ. ਦੀ 2014 ਦੀ ਜੇਤੂ ਟੀਮ ਦਾ ਹਿੱਸਾ ਸਨ।

ਉਨ੍ਹਾਂ ਨੇ ਕਿਹਾ, ‘‘ਗੇਂਦਬਾਜ਼ਾਂ ਨੂੰ ਹਮਲਾਵਰ ਬੱਲੇਬਾਜ਼ੀ ਰਣਨੀਤੀਆਂ ਦਾ ਸਾਹਮਣਾ ਕਰਨ ’ਚ ਸਫਲ ਹੋਣ ਲਈ ਗੈਰ-ਰਵਾਇਤੀ ਰਣਨੀਤੀਆਂ ਤਿਆਰ ਕਰਨੀਆਂ ਪੈਣਗੀਆਂ।’’ ਡੋਸ਼ਚੇਟ ਨੇ ਕਿਹਾ, ‘‘ਤੁਹਾਨੂੰ ਬੱਲੇਬਾਜ਼ਾਂ ਨੂੰ ‘ਆਫ਼ ਗਾਰਡ’ ਕਰਨ ਦੀ ਜ਼ਰੂਰਤ ਹੈ ਜਿਵੇਂ ਸੈਮ ਕੁਰਨ ਨੇ ਫਿਲ ਸਾਲਟ ਨੂੰ ਆਊਟ ਕਰ ਕੇ ਕੀਤਾ ਸੀ।’’ ਉਨ੍ਹਾਂ ਕਿਹਾ, ‘‘ਗੇਂਦਬਾਜ਼ਾਂ ਨੂੰ ਨਵੇਂ ਤਰੀਕੇ ਲੱਭਣੇ ਪੈਣਗੇ। ਹਰ ਗੇਂਦ ਨੂੰ ਇਕ ਦੂਜੇ ਦੇ ਬਦਲੇ ਸੁੱਟਣਾ ਪੈਂਦਾ ਹੈ। ਤੁਸੀਂ ਇਕੋ ਕਿਸਮ ਦੀਆਂ ਦੋ ਗੇਂਦਾਂ ਨਹੀਂ ਸੁੱਟ ਸਕਦੇ।’’

(For more Punjabi news apart from KKR assistant coach Doeschate urges 'anti-skill innovations' to counter ruthless batters, stay tuned to Rozana Spokesman)

 

Tags: ipl 2024

Location: India, Delhi, New Delhi

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

Nepal, Bangladesh, Sri Lanka ਚ ਤਖ਼ਤਾ ਪਲਟ ਤੋਂ ਬਾਅਦ ਅਗਲਾ ਨੰਬਰ ਕਿਸ ਦਾ? Nepal Gen-Z protests | Corruption

17 Sep 2025 3:21 PM

Kapurthala migrant grabs sikh beard : Parvasi ਦਾ Sardar ਨਾਲ ਪੈ ਗਿਆ ਪੰਗਾ | Sikh Fight With migrant

17 Sep 2025 3:21 PM

Advocate Sunil Mallan Statement on Leaders and Migrants: ਲੀਡਰਾਂ ਨੇ ਸਾਰੇ ਪ੍ਰਵਾਸੀਆਂ ਦੀਆਂ ਬਣਵਾਈਆਂ ਵੋਟਾਂ

15 Sep 2025 3:01 PM

Sukhjinder Randhawa Interview On Rahul Gandhi Punjab'S Visit In Dera Baba nanak Gurdaspur|News Live

15 Sep 2025 3:00 PM

"100 ਰੁਪਏ ਲੁੱਟ ਕੇ 2 ਰੁਪਏ ਦੇ ਕੇ ਆਖੇ ਮੈਂ ਵੱਡਾ ਦਾਨੀ, Sukhbir Badal ਨੂੰ ਸਿੱਧੇ ਹੋਏ Gurdeep Brar | SGPC

13 Sep 2025 1:07 PM
Advertisement