ਭਾਰਤੀ ਕ੍ਰਿਕਟ ਦੇ ਸਾਬਕਾ ਆਲ ਰਾਊਂਡਰ ਯੁਵਰਾਜ ਸਿੰਘ ਨੇ ਬਾਲੀਵੁੱਡ ਅਦਾਕਾਰ ਇਰਫ਼ਾਨ ਖ਼ਾਨ ਦੇ ਦੇਹਾਂਤ 'ਤੇ ਦੁੱਖ ਪ੍ਰਗਟਾਇਆ।
ਨਵੀਂ ਦਿੱਲੀ: ਭਾਰਤੀ ਕ੍ਰਿਕਟ ਦੇ ਸਾਬਕਾ ਆਲ ਰਾਊਂਡਰ ਯੁਵਰਾਜ ਸਿੰਘ ਨੇ ਬਾਲੀਵੁੱਡ ਅਦਾਕਾਰ ਇਰਫ਼ਾਨ ਖ਼ਾਨ ਦੇ ਦੇਹਾਂਤ 'ਤੇ ਦੁੱਖ ਪ੍ਰਗਟਾਇਆ। ਬੁੱਧਵਾਰ ਨੂੰ ਮੁੰਬਈ ਵਿਚ 54 ਸਾਲ ਦੀ ਉਮਰ ਦੇ ਇਰਫ਼ਾਨ ਖ਼ਾਨ ਨੇ ਆਖਰੀ ਸਾਹ ਲਿਆ। ਯੁਵਰਾਜ ਸਿੰਘ ਖੁਦ ਕੈਂਸਰ ਖਿਲਾਫ ਜੰਗ ਜਿੱਤ ਚੁੱਕੇ ਹਨ।
Photo
2011 ਵਿਸ਼ਵ ਕੱਪ ਤੋਂ ਬਾਅਦ ਯੁਵਰਾਜ ਸਿੰਘ ਨੇ ਕੈਂਸਰ ਦਾ ਇਲਾਜ ਕਰਵਾਇਆ ਸੀ, ਉਹਨਾਂ ਨੇ ਕੈਂਸਰ ਨਾਲ ਜੂਝਣ ਤੋਂ ਬਾਅਦ ਇੰਟਰਨੈਸ਼ਨਲ ਕ੍ਰਿਕਟ ਵਿਚ ਵਾਪਸੀ ਵੀ ਕੀਤੀ। ਯੂਵੀ ਨੇ ਅਪਣੇ ਟਵੀਟ ਵਿਚ ਲਿਖਿਆ, ਉਹਨਾਂ ਨੂੰ ਪਤਾ ਹੈ ਕਿ ਇਰਫ਼ਾਨ ਆਖਰੀ ਸਮੇਂ ਤੱਕ ਕਿਹੜੀ ਲੜਾਈ ਲੜ ਰਹੇ ਸੀ।
Photo
16 ਮਾਰਚ 2018 ਨੂੰ ਇਰਫ਼ਾਨ ਖਾਨ ਦੇ ਟਵਿਟਰ ਪੋਸਟ ਜ਼ਰੀਏ ਦੱਸਿਆ ਸੀ ਕਿ ਉਹ ਨਿਊਰੋਇੰਡੋਕਰੀਨ ਟਿਊਮਰ ਨਾਲ ਜੂਝ ਰਹੇ ਹਨ, ਜੋ ਕੈਂਸਰ ਦੀ ਰੇਅਰ ਫਾਰਮ ਹੈ। ਯੂਵੀ ਖੁਦ ਵੀ ਕੈਂਸਰ ਖਿਲਾਫ ਜੰਗ ਲੜ ਚੁੱਕੇ ਹਨ। ਉਹਨਾਂ ਨੇ ਟਵੀਟ ਵਿਚ ਲਿਖਿਆ, 'ਮੈਨੂੰ ਇਹ ਸਫਰ ਪਤਾ ਹੈ ਅਤੇ ਇਹ ਦਰਦ ਵੀ ਪਤਾ ਹੈ।
Photo
ਮੈਨੂੰ ਪਤਾ ਹੈ ਕਿ ਆਖਰੀ ਸਮੇਂ ਤੱਕ ਉਹਨਾਂ ਨੇ ਕਿਹੜੀ ਲੜਾਈ ਲੜੀ। ਕੁੱਝ ਲੋਕ ਕਿਸਮਤ ਵਾਲੇ ਹੁੰਦੇ ਹਨ, ਜੋ ਇਸ ਲੜਾਈ ਵਿਚ ਜਿੱਤ ਜਾਂਦੇ ਹਨ ਅਤੇ ਕੁੱਝ ਨਹੀਂ ਜਿੱਤ ਪਾਂਦੇ। ਮੈਨੂੰ ਪਤਾ ਹੈ ਕਿ ਤੁਸੀਂ ਬਿਹਤਰ ਜਗ੍ਹਾ ਹੋਵੋਗੇ। ਤੁਹਾਡੇ ਪਰਿਵਾਰ ਨਾਲ ਮੇਰੀ ਹਮਦਰਦੀ ਹੈ। ਪ੍ਰਮਾਤਮਾ ਤੁਹਾਡੀ ਦੀ ਆਤਮਾ ਨੂੰ ਸ਼ਾਂਤੀ ਦੇਵੇ'।
Photo
ਇਰਫ਼ਾਨ ਨੂੰ ਕੋਲਨ ਇਨਫੈਕਸ਼ਨ ਕਾਰਨ ਮੰਗਲਵਾਰ ਨੂੰ ਕੋਕੀਲਾਬੇਨ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਸੀ, ਉਹ ਆਈਸੀਯੂ ਵਿਚ ਸਨ। 2018 ਵਿਚ ਇਰਫ਼ਾਨ ਨੂੰ ਨਿਊਰੋਇੰਡੋਕਰੀਨ ਟਿਊਮਰ ਦਾ ਪਤਾ ਚੱਲਿਆ ਸੀ, ਜਿਸ ਦਾ ਉਹ ਲੰਡਨ ਵਿਚ ਇਲਾਜ ਕਰਵਾ ਰਹੇ ਸੀ।
Photo
ਉਹਨਾਂ ਦੀ ਸਿਹਤ ਵਿਚ ਕੁਝ ਸੁਧਾਰ ਆਇਆ, ਜਿਸ ਤੋਂ ਬਾਅਦ ਉਹ ਭਾਰਤ ਪਰਤ ਆਏ ਸੀ। ਹਾਲ ਹੀ ਵਿਚ ਇਰਫ਼ਾਨ ਦੀ ਮਾਂ ਦਾ ਦੇਹਾਂਤ ਹੋਇਆ ਸੀ, ਲੌਕਡਾਊਨ ਦੇ ਚਲਦਿਆਂ ਉਹ ਅਪਣੀ ਮਾਂ ਦੇ ਅੰਤਿਮ ਸਸਕਾਰ ਵਿਚ ਵੀ ਸ਼ਾਮਿਲ ਨਹੀਂ ਹੋ ਸਕੇ ਸੀ।
