ਭਾਰਤ ਦੀ ਸੀਨੀਅਰ ਮਹਿਲਾ ਕ੍ਰਿਕੇਟਰ ਮਿਤਾਲੀ ਰਾਜ ਅਤੇ ਰਮੇਸ਼ ਪੋਵਾਰ ਦੇ ਵਿਚ ਵਿਵਾਦ....
ਨਵੀਂ ਦਿੱਲੀ (ਭਾਸ਼ਾ): ਭਾਰਤ ਦੀ ਸੀਨੀਅਰ ਮਹਿਲਾ ਕ੍ਰਿਕੇਟਰ ਮਿਤਾਲੀ ਰਾਜ ਅਤੇ ਰਮੇਸ਼ ਪੋਵਾਰ ਦੇ ਵਿਚ ਵਿਵਾਦ ਅਨੁਸ਼ਾਸਕਾਂ ਦੇ ਦਖਲ ਦੇ ਬਿਨਾਂ ਸ਼ੁੱਕਰਵਾਰ ਨੂੰ ਕੋਚ ਦਾ ਤਿੰਨ ਮਹੀਨੇ ਦਾ ਕਾਰਜਕਾਲ ਖਤਮ ਹੋ ਜਾਵੇਗਾ। ਪੋਵਾਰ ਦਾ ਕਾਰਜਕਾਲ ਪੂਰਾ ਹੋਣ ਤੋਂ ਬਾਅਦ ਬੀ.ਸੀ.ਸੀ.ਆਈ ਇਸ ਪਦ ਲਈ ਤਾਜ਼ਾ ਆਵੇਦਨ ਮੰਗਵਾਏਗਾ। ਅਜਿਹੀ ਸੰਭਾਵਨਾ ਹੈ ਕਿ ਆਵੇਦਨ ਕਰਨ ਉਤੇ ਵੀ ਹੁਣ ਪੋਵਾਰ ਦੇ ਨਾਮ ਉਤੇ ਵਿਚਾਰ ਨਹੀਂ ਕੀਤਾ ਜਾਵੇਗਾ। ਬੀ.ਸੀ.ਸੀ.ਆਈ ਦੇ ਇਕ ਅਧਿਕਾਰੀ ਨੇ ਦੱਸਿਆ, ‘ਉਨ੍ਹਾਂ ਦਾ ਕਰਾਰ ਅੱਜ ਖਤਮ ਹੋ ਰਿਹਾ ਹੈ ਅਤੇ ਉਨ੍ਹਾਂ ਦੀ ਵਾਪਸੀ ਦੀ ਸੰਭਾਵਨਾ ਬਹੁਤ ਘੱਟ ਹੈ।’
Mithali
ਵੇਸਟਇੰਡੀਜ ਵਿਚ ਆਈ.ਸੀ.ਸੀ ਟੀ-20 ਵਿਸ਼ਵ ਕੱਪ ਦੇ ਦੌਰਾਨ ਇੰਗਲੈਂਡ ਦੇ ਵਿਰੁਧ ਸੈਮੀਫਾਇਨਲ ਵਿਚ ਮਿਤਾਲੀ ਨੂੰ ਬਾਹਰ ਰੱਖਣ ਦੇ ਕਾਰਨ ਵਿਵਾਦ ਪੈਦਾ ਹੋਇਆ ਸੀ। ਭਾਰਤ ਨੂੰ ਇੰਗਲੈਂਡ ਨੇ ਉਸ ਮੈਚ ਵਿਚ ਅੱਠ ਵਿਕੇਟਾਂ ਨਾਲ ਹਰਾਇਆ। ਮਿਤਾਲੀ ਨੇ ਇਲਜ਼ਾਮ ਲਗਾਇਆ ਕਿ ਪੋਵਾਰ ਉਨ੍ਹਾਂ ਨੂੰ ਬਰਬਾਦ ਕਰਨਾ ਚਾਹੁੰਦੇ ਹਨ ਜਦੋਂ ਕਿ ਕੋਚ ਨੇ ਉਨ੍ਹਾਂ ਦੇ ਰਵਇਏ ਉਤੇ ਸਵਾਲ ਚੁੱਕੇ ਸਨ। ਪੋਵਾਰ ਦੀ ਨਿਯੁਕਤੀ ਅਗਸਤ ਵਿਚ ਹੋਈ ਸੀ ਜਦੋਂ ਤੁਸ਼ਾਰ ਅਰੋਠੇ ਨੇ ਸੀਨੀਅਰ ਖਿਡਾਰੀਆਂ ਦੇ ਨਾਲ ਮੱਤਭੇਦ ਦੇ ਕਾਰਨ ਪਦ ਛੱਡ ਦਿਤਾ ਸੀ।
Mithali
ਪੋਵਾਰ ਦੇ ਜਾਣ ਤੋਂ ਬਾਅਦ ਦੇਖਣਾ ਇਹ ਹੈ ਕਿ ਟੀ-20 ਕਪਤਾਨ ਹਰਮਨਪ੍ਰੀਤ ਕੌਰ ਅਤੇ ਵਨਡੇ ਕਪਤਾਨ ਮਿਤਾਲੀ ਅਪਣੇ ਆਪਸੀ ਮੱਤਭੇਦ ਕਿਵੇਂ ਦੂਰ ਕਰਦੀਆਂ ਹਨ। ਭਾਰਤ ਨੂੰ ਹੁਣ ਜਨਵਰੀ ਵਿਚ ਨਿਊਜੀਲੈਂਡ ਦਾ ਦੌਰਾ ਕਰਨਾ ਹੈ ਅਤੇ ਨਵੇਂ ਕੋਚ ਦੇ ਨਾਲ ਟੀਮ ਵਿਵਾਦਾਂ ਤੋਂ ਦੂਰ ਰਹਿਣ ਦੀ ਉਂਮੀਦ ਕਰੇਗੀ। ਬੋਰਡ ਦੇ ਇਕ ਹੋਰ ਅਧਿਕਾਰੀ ਨੇ ਕਿਹਾ, ‘ਇਹ ਦੇਖਣਾ ਹੋਵੇਗਾ ਕਿ ਵੇਸਟਇੰਡੀਜ਼ ਵਿਚ ਜੋ ਕੁਝ ਹੋਇਆ, ਉਸ ਤੋਂ ਬਾਅਦ ਹਰਮਨਪ੍ਰੀਤ ਅਤੇ ਮਿਤਾਲੀ ਕਿਵੇਂ ਵਿਵਹਾਰ ਕਰਨਗੀਆਂ। ਟੀਮ ਦੀ ਭਲਾਈ ਲਈ ਇਹ ਕਰਨਾ ਜਰੂਰੀ ਹੈ ਨਹੀਂ ਤਾਂ ਡਰੈਸਿੰਗ ਰੂਮ ਵਿਚ ਹੋਰ ਮਸਲੇ ਹੋਣਗੇ।’
Harmanpreet Kaur
ਹਰਮਨਪ੍ਰੀਤ ਨੇ ਹੁਣ ਤੱਕ ਇਸ ਮਸਲੇ ਉਤੇ ਕੋਈ ਬਿਆਨ ਨਹੀਂ ਦਿਤਾ ਹੈ ਪਰ ਸੈਮੀਫਾਇਨਲ ਵਿਚ ਮਿਤਾਲੀ ਨੂੰ ਬਾਹਰ ਰੱਖਣ ਦੇ ਫੈਸਲੇ ਦਾ ਸਮਰਥਨ ਕੀਤਾ ਸੀ। ਮਿਤਾਲੀ ਪਹਿਲਾਂ ਹੀ ਕਹਿ ਚੁੱਕੀ ਹੈ ਕਿ ਉਹ ਹਰਮਨਪ੍ਰੀਤ ਦੇ ਨਾਲ ਮੱਤਭੇਦ ਦੂਰ ਕਰਨਾ ਚਾਹੁੰਦੀ ਹੈ। ਉਸ ਨੇ ਕਿਹਾ, ‘ਅਸੀ ਦੋਨੋਂ ਸੀਨੀਅਰ ਖਿਡਾਰੀ ਹਾਂ ਅਤੇ ਜੇਕਰ ਮਸਲੇ ਹੋਣਗੇ ਵੀ ਤਾਂ ਮਿਲ ਬੈਠ ਕੇ ਸੁਲਝਾ ਲੈਣਗੀਆਂ। ਉਹ ਸਾਡੀ ਸਭ ਤੋਂ ਉਚ ਖਿਡਾਰੀਆਂ ਵਿਚੋਂ ਹੈ ਅਤੇ ਮੈਂ ਹਮੇਸ਼ਾ ਚਹਾਂਗੀ ਕਿ ਅਸੀ ਦੋਨਾਂ ਭਾਰਤ ਲਈ ਸਭ ਤੋਂ ਉਚ ਪ੍ਰਦਰਸ਼ਨ ਕਰੇ।’
