ਮਿਤਾਲੀ ਰਾਜ ਨੂੰ ਮਹਿਲਾ ਵਰਲਡ ਟੀ-20 ਦੇ ਸੈਮੀਫਾਈਨਲ ਵਿਚ ਟੀਮ ਤੋਂ ਬਾਹਰ ਰੱਖਣ ‘ਤੇ ਹੋਇਆ ਵਿਵਾਦ ਹੁਣ ਭਾਰਤੀ ਕ੍ਰਿਕੇਟ...
ਨਵੀਂ ਦਿੱਲੀ (ਭਾਸ਼ਾ) : ਮਿਤਾਲੀ ਰਾਜ ਨੂੰ ਮਹਿਲਾ ਵਰਲਡ ਟੀ-20 ਦੇ ਸੈਮੀਫਾਈਨਲ ਵਿਚ ਟੀਮ ਤੋਂ ਬਾਹਰ ਰੱਖਣ ‘ਤੇ ਹੋਇਆ ਵਿਵਾਦ ਹੁਣ ਭਾਰਤੀ ਕ੍ਰਿਕੇਟ ਕੰਟਰੋਲ ਬੋਰਡ (ਬੀਸੀਸੀਆਈ) ਤੱਕ ਪਹੁੰਚ ਗਿਆ ਹੈ। ਸੁਪਰੀਮ ਕੋਰਟ ਦੁਆਰਾ ਸੰਗਠਿਤ ਅਨੁਸ਼ਾਸਕਾਂ ਦੀ ਕਮੇਟੀ (ਸੀਓਏ) ਨੇ ਟੂਰਨਾਮੈਂਟ ਵਿਚ ਮਿਤਾਲੀ ਦੀ ਫਿਟਨੇਸ ਦੀ ਰਿਪੋਰਟ ਮੰਗੀ ਹੈ। ਸੀਓਏ ਨੇ ਮੈਚ ਤੋਂ ਪਹਿਲਾਂ ਹੋਈ ਸੰਗਠਿਤ ਕਮੇਟੀ ਦੀ ਬੈਠਕ ਦੀ ਜਾਣਕਾਰੀ ਲੀਕ ਹੋਣ ‘ਤੇ ਚਿੰਤਾ ਜਤਾਈ।
Controversy over keeping out Mithali in the World Cup semifinalਇਸ ਮਾਮਲੇ ਵਿਚ ਮੁੱਖ ਕਾਰਜਕਾਰੀ ਅਧਿਕਾਰੀ ਰਾਹੁਲ ਜੌਹਰੀ ਤੋਂ ਵੀ ਸਪੱਸ਼ਟੀਕਰਨ ਦੀ ਮੰਗ ਕੀਤੀ ਹੈ। ਇੰਗਲੈਂਡ ਦੇ ਖਿਲਾਫ਼ ਖੇਡੇ ਗਏ ਸੈਮੀਫਾਈਨਲ ਵਿਚ ਟੀਮ ਦੀ ਸਭ ਤੋਂ ਤਜ਼ਰਬੇਕਾਰ ਬੱਲੇਬਾਜ਼ ਮਿਤਾਲੀ ਨੂੰ ਹੀ ਆਖ਼ਰੀ ਏਕਾਦਸ਼ ਵਿਚ ਨਹੀਂ ਰੱਖਿਆ ਗਿਆ ਸੀ। ਇਸ ਮੈਚ ਵਿਚ ਭਾਰਤੀ ਟੀਮ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
ਭਾਰਤੀ ਮਹਿਲਾ ਕ੍ਰਿਕੇਟ ਟੀਮ ਦੇ ਮੁੱਖ ਕੋਚ ਰਮੇਸ਼ ਪਵਾਰ ਅਤੇ ਪ੍ਰਬੰਧਕ ਤ੍ਰਿਪਤੀ ਭੱਟਾਚਾਰਿਆ ਇਸ ਮਾਮਲੇ ਵਿਚ ਸੋਮਵਾਰ ਨੂੰ ਸੀਓਏ ਅਤੇ ਜੌਹਰੀ ਨਾਲ ਮੁਲਾਕਾਤ ਕਰ ਕੇ ਟੀ-20 ਵਰਲਡ ਕੱਪ ਵਿਚ ਭਾਰਤੀ ਟੀਮ ਦੇ ਪ੍ਰਦਰਸ਼ਨ ਦੀ ਰਿਪੋਰਟ ਵੀ ਦੇਣਗੇ। ਇਸ ਟੂਰਨਾਮੈਂਟ ਵਿਚ ਆਸਟਰੇਲੀਆ ਦੇ ਖਿਲਾਫ਼ ਗੋਡੇ ਦੀ ਸੱਟ ਦੇ ਕਾਰਨ ਮਿਤਾਲੀ ਮੈਚ ਤੋਂ ਬਾਹਰ ਸੀ ਪਰ ਉਸ ਤੋਂ ਪਹਿਲਾਂ ਖੇਡੇ ਗਏ ਦੋ ਮੈਚਾਂ ਵਿਚ ਉਨ੍ਹਾਂ ਨੇ ਲਗਾਤਾਰ ਅਰਧ ਸ਼ਤਕੀ ਪਾਰੀਆਂ ਖੇਡੀਆਂ ਸਨ।
Mithali Raj ਸੈਮੀਫਾਈਨਲ ਮੈਚ ਤੋਂ ਇਕ ਦਿਨ ਪਹਿਲਾਂ ਉਨ੍ਹਾਂ ਨੂੰ ਫਿਟ ਐਲਾਨ ਕਰ ਦਿਤਾ ਗਿਆ ਸੀ। ਬਾਵਜੂਦ ਇਸ ਦੇ ਪ੍ਰਬੰਧਨ ਨੇ ਉਨ੍ਹਾਂ ਨੂੰ ਬੈਂਚ ‘ਤੇ ਬਿਠਾ ਕੇ ਰੱਖਿਆ। ਪ੍ਰਬੰਧਨ ਨੇ ਆਸਟਰੇਲੀਆ ਦੇ ਖਿਲਾਫ਼ ਜਿੱਤ ਹਾਸਲ ਕਰਨ ਵਾਲੀ ਆਖ਼ਰੀ ਏਕਾਦਸ਼ ਨੂੰ ਹੀ ਬਰਕਰਾਰ ਰੱਖਣ ਦਾ ਫ਼ੈਸਲਾ ਕੀਤਾ।
