ਆਈਪੀਐਲ ਦਾ ਕਰੇਜ਼ ਲੋਕਾਂ ਦੇ ਸਿਰ ਚੜ੍ਹ ਇਸ ਕਦਰ ਬੋਲ ਰਿਹਾ ਹੈ ਕਿ ਉਨ੍ਹਾਂ ਵਲੋਂ ਮੈਚਾਂ ਦੀਆਂ ਟਿਕਟਾਂ ਹੁਣੇ ਹੀ ਖਰੀਦ ਲਈਆਂ ਹਨ। ਮੌਜੂਦਾ ਆਈ.ਪੀ.
ਨਵੀਂ ਦਿੱਲੀ : ਆਈਪੀਐਲ ਦਾ ਕਰੇਜ਼ ਲੋਕਾਂ ਦੇ ਸਿਰ ਚੜ੍ਹ ਇਸ ਕਦਰ ਬੋਲ ਰਿਹਾ ਹੈ ਕਿ ਉਨ੍ਹਾਂ ਵਲੋਂ ਮੈਚਾਂ ਦੀਆਂ ਟਿਕਟਾਂ ਹੁਣੇ ਹੀ ਖਰੀਦ ਲਈਆਂ ਹਨ। ਮੌਜੂਦਾ ਆਈ.ਪੀ.ਐਲ ਸੀਜ਼ਨ ਵਿਚ ਸਨਰਾਈਜਰਸ ਹੈਦਰਾਬਾਦ ਦੀ ਟੀਮ ਨੂੰ ਇਕ ਦੇ ਬਾਅਦ ਇਕ ਝਟਕੇ ਲਗ ਰਹੇ ਹਨ। ਬਾਲ ਟੈਂਪਰਿੰਗ ਵਿਵਾਦ ਵਿਚ ਨਾਮ ਆਉਣ ਦੇ ਬਾਅਦ ਆਸਟਰੇਲੀਆ ਦੀ ਟੀਮ ਵਲੋਂ ਇਕ ਸਾਲ ਲਈ ਬਾਹਰ ਕੀਤੇ ਗਏ ਡੇਵਿਡ ਵਾਰਨਰ ਉਤੇ ਬੀ.ਸੀ.ਸੀ.ਆਈ. ਪਹਿਲਾਂ ਹੀ ਇਕ ਸਾਲ ਦਾ ਬੈਨ ਲਗਾ ਚੁਕੀ ਹੈ। ਵਾਰਨਰ ਦੇ ਬਾਹਰ ਹੋਣ ਦੇ ਬਾਅਦ ਕੇਨ ਵਿਲੀਅਮਸਨ ਨੂੰ ਕਪਤਾਨੀ ਦੀ ਕਮਾਨ ਸੌਂਪਣ ਦਾ ਫ਼ੈਸਲਾ ਲੈਣਾ ਪਿਆ। ਰਿਪੋਰਟਸ ਮੁਤਾਬਕ ਸ਼੍ਰੀਲੰਕਾ ਦੇ ਬੱਲੇਬਾਜ਼ ਕੁਸ਼ਲ ਪਰੇਰਾ ਨੇ ਵਾਰਨਰ ਦੇ ਰਿਪਲੇਸਮੈਂਟ ਦੇ ਤੌਰ ਉਤੇ ਹੈਦਰਾਬਾਦ ਲਈ ਖੇਡਣ ਤੋਂ ਮਨਾਹੀ ਕਰ ਦਿਤੀ ਹੈ।
warner
ਪਰੇਰਾ ਦਾ ਕਹਿਣਾ ਹੈ ਕਿ ਉਹ ਅਪ੍ਰੈਲ ਅਤੇ ਮਈ ਦੇ ਮਹੀਨੇ ਵਿਚ ਸ਼੍ਰੀਲੰਕਾ ਵਿਚ ਘਰੇਲੂ ਕ੍ਰਿਕਟ ਖੇਡਣਗੇ, ਜਿਸ ਦੇ ਕਾਰਨ ਉਨ੍ਹਾਂ ਦਾ ਆਈ.ਪੀ.ਐਲ. ਵਿਚ ਖੇਡ ਪਾਉਣਾ ਸੰਭਵ ਨਹੀਂ ਹੈ। ਹਾਲਾਂਕਿ ਕੁਸ਼ਲ ਪਰੇਰਾ ਵਲੋਂ ਇਸ ਗੱਲ ਦੀ ਰਸਮੀ ਜਾਣਕਾਰੀ ਨਹੀਂ ਦਿਤੀ ਗਈ ਹੈ। ਦਸਿਆ ਜਾ ਰਿਹਾ ਹੈ ਕਿ ਵਾਰਨਰ ਦੇ ਜਾਣ ਦੇ ਬਾਅਦ ਓਪਨਿੰਗ ਵਿਚ ਖਾਲੀ ਪਏ ਸਲਾਟ ਵਿਚ ਪਰੇਰਾ ਨੂੰ ਖਿਡਾਉਣ ਉਤੇ ਟੀਮ ਵਿਚਾਰ ਕਰ ਰਹੀ ਹੈ।
pereira
ਸਨਰਾਇਜਰਸ ਹੈਦਰਾਬਾਦ ਦੇ ਇਕ ਅਧਿਕਾਰੀ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਉਨ੍ਹਾਂ ਨੇ ਕੁਸ਼ਲ ਪਰੇਰਾ ਨੂੰ ਇਸ ਸੀਜ਼ਨ ਵਿਚ ਖੇਡਣ ਦੀ ਅਪੀਲ ਕੀਤੀ ਹੈ। ਹਾਲ ਹੀ ਵਿਚ ਪੂਰੀ ਹੋਈ ਨਿਦਹਾਸ ਟਰਾਫੀ ਵਿਚ ਪਰੇਰਾ ਨੇ ਚਾਰ ਮੈਚਾਂ ਵਿਚ ਤਿੰਨ ਅਰਧ ਸੈਂਕੜੇ ਬਣਾਏ ਸਨ। ਉਹ ਹੁਣ ਤਕ ਖੇਡੇ ਗਏ 86 ਟੀ-20 ਮੈਚਾਂ ਵਿਚ 16 ਅਰਧ ਸੈਂਕੜੇ ਲਗਾ ਚੁਕੇ ਹਨ। ਪਰੇਰਾ ਇਸ ਤੋਂ ਪਹਿਲਾਂ ਰਾਜਸਥਾਨ ਦੀ ਟੀਮ ਵਲੋਂ ਆਈ.ਪੀ.ਐਲ. ਵਿਚ ਖੇਡ ਚੁਕੇ ਹਨ।
