R. Pragyananda News: ਤੀਜੇ ਰਾਊਂਡ ਤੋਂ ਬਾਅਦ 5.5 ਅੰਕਾਂ ਨਾਲ ਹਾਸਲ ਕੀਤੀ ਜਿੱਤ
R. Pragyananda defeated world number 1 player Magnus Carlsen Norway Chess Tournament: ਭਾਰਤੀ ਗ੍ਰੈਂਡਮਾਸਟਰ ਰਮੇਸ਼ ਬਾਬੂ ਪ੍ਰਗਿਆਨੰਦਾ ਨੇ ਇਤਿਹਾਸ ਰਚ ਦਿਤਾ ਹੈ। ਉਸ ਨੇ ਵਿਸ਼ਵ ਦੇ ਨੰਬਰ 1 ਮੈਗਨਸ ਕਾਰਲਸਨ ਨੂੰ ਹਰਾ ਕੇ ਆਪਣੀ ਪਹਿਲੀ ਕਲਾਸੀਕਲ ਗੇਮ ਜਿੱਤ ਲਈ ਹੈ। 18 ਸਾਲਾ ਭਾਰਤੀ ਖਿਡਾਰੀ ਨੇ ਨਾਰਵੇ ਸ਼ਤਰੰਜ ਟੂਰਨਾਮੈਂਟ ਵਿੱਚ ਕਾਰਲਸਨ ਨੂੰ ਹਰਾ ਕੇ ਟੂਰਨਾਮੈਂਟ ਦੇ ਤੀਜੇ ਦੌਰ ਵਿੱਚ ਆਪਣੀ ਪਹਿਲੀ ਜਿੱਤ ਦਰਜ ਕੀਤੀ। ਨਾਰਵੇ ਸ਼ਤਰੰਜ ਟੂਰਨਾਮੈਂਟ 'ਚ ਆਰ ਪ੍ਰਗਿਆਨੰਦਾ ਨੇ ਤੀਜੇ ਦੌਰ ਤੋਂ ਬਾਅਦ 5.5 ਅੰਕਾਂ ਨਾਲ ਇਹ ਜਿੱਤ ਦਰਜ ਕੀਤੀ।
ਇਹ ਵੀ ਪੜ੍ਹੋ: Moga News: ਮੋਗਾ 'ਚ ਟਰੱਕ ਨੂੰ ਲੱਗੀ ਭਿਆਨਕ ਅੱਗ, ਗਰਮੀ ਕਾਰਨ ਫਟੀ ਬੈਟਰੀ
ਪ੍ਰਗਿਆਨੰਦਾ ਸਫੇਦ ਮੋਹਰਿਆਂ ਨਾਲ ਖੇਡ ਰਹੇ ਸਨ ਅਤੇ ਉਨ੍ਹਾਂ ਦੀ ਜਿੱਤ ਨਾਲ ਘਰੇਲੂ ਪਸੰਦੀਦਾ ਕਾਰਲਸਨ ਅੰਕ ਸੂਚੀ ਵਿੱਚ ਪੰਜਵੇਂ ਸਥਾਨ 'ਤੇ ਪਹੁੰਚ ਗਿਆ। ਕਾਰਲਸਨ ਅਤੇ ਪ੍ਰਗਿਆਨੰਦਾ ਨੇ ਇਸ ਫਾਰਮੈਟ ਵਿੱਚ ਆਪਣੇ ਪਿਛਲੇ ਤਿੰਨ ਮੈਚ ਡਰਾਅ ਕੀਤੇ ਸਨ। ਪ੍ਰਗਿਆਨੰਦਾ ਦੀ ਭੈਣ ਆਰ ਵੈਸ਼ਾਲੀ ਨੇ ਵੀ 5.5 ਅੰਕ ਲੈ ਕੇ ਔਰਤਾਂ ਦੇ ਮੁਕਾਬਲੇ ਵਿੱਚ ਟਾਪ ਕੀਤਾ।
ਭਾਰਤੀ ਗ੍ਰੈਂਡਮਾਸਟਰ ਆਰ. ਪ੍ਰਗਨਾਨੰਦ ਤੀਜੇ ਦੌਰ ਤੋਂ ਬਾਅਦ ਟੂਰਨਾਮੈਂਟ 'ਚ ਪਹਿਲੇ ਨੰਬਰ 'ਤੇ ਹੈ। ਅਮਰੀਕਾ ਦੇ ਫੈਬੀਆਨੋ ਕਾਰੂਆਨਾ 5 ਅੰਕਾਂ ਨਾਲ ਦੂਜੇ ਸਥਾਨ 'ਤੇ ਹਨ। ਹਿਕਾਰੂ ਨਾਕਾਮੁਰਾ (4) ਅਤੇ ਅਲੀਰੇਜ਼ਾ ਫਿਰੋਜ਼ਾ (3.5) ਕ੍ਰਮਵਾਰ ਤੀਜੇ ਅਤੇ ਚੌਥੇ ਸਥਾਨ 'ਤੇ ਹਨ। ਉਨ੍ਹਾਂ ਤੋਂ ਬਾਅਦ ਕਾਰਲਸਨ ਹੈ। ਉਸ ਦੇ 3 ਅੰਕ ਹਨ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਪ੍ਰਗਿਆਨੰਦਾ ਨੇ ਪਹਿਲੀ ਵਾਰ ਕਲਾਸਿਕ ਸ਼ਤਰੰਜ ਖੇਡ ਜਿੱਤਣ ਤੋਂ ਬਾਅਦ ਕਿਹਾ ਕਿ ਉਸ ਦੀ ਸ਼ੁਰੂਆਤ ਸ਼ਾਨਦਾਰ ਰਹੀ। ਮੁਕਾਬਲਾ ਸਖ਼ਤ ਸੀ, ਅਸੀਂ ਦੋਵਾਂ ਨੇ ਆਪਣੀ ਪੂਰੀ ਕੋਸ਼ਿਸ਼ ਕੀਤੀ, ਪਰ ਮੈਂ ਜਿੱਤ ਗਿਆ। ਆਓ ਦੇਖੀਏ ਕਿ ਅੱਗੇ ਕੀ ਹੁੰਦਾ ਹੈ ਅਤੇ ਅਸੀਂ ਕਿਵੇਂ ਅੱਗੇ ਵਧਦੇ ਹਾਂ। ਮੈਂ ਚੰਗਾ ਮਹਿਸੂਸ ਕਰ ਰਿਹਾ ਹਾਂ। ਖੇਡ ਕਾਫੀ ਦਿਲਚਸਪ ਸੀ। ਮੈਨੂੰ ਓਪਨਿੰਗ ਤੋਂ ਹੀ ਬਹੁਤ ਚੰਗੀ ਸਥਿਤੀ ਮਿਲੀ।
(For more Punjabi news apart from R. Pragyananda defeated Magnus Carlsen Norway Chess Tournament, stay tuned to Rozana Spokesman)
