ਨਵੀਂ ਦਿੱਲੀ, 15 ਦਸੰਬਰ: ਟੀ20 ਕ੍ਰਿਕਟ ਦੀ ਸਫ਼ਲਤਾ ਤੋਂ ਬਾਅਦ ਹੁਣ ਕ੍ਰਿਕਟ ਪ੍ਰੇਮੀਆਂ ਸਾਹਮਣੇ ਟੀ10 ਕ੍ਰਿਕਟ ਲੀਗ ਦਾ ਰੋਮਾਂਚ ਹੈ। 14 ਦਸੰਬਰ ਨੂੰ ਇਸ ਲੀਗ ਦੀ ਜ਼ਬਰਦਸਤ ਸ਼ੁਰੂਆਤ ਹੋਈ। ਪਖਟੂਨਸ ਅਤੇ ਮਰਾਠਾ ਅਰੇਬੀਅਨਜ਼ ਟੀਮ ਦਰਮਿਆਨ ਹੋਏ ਮੈਚ 'ਚ ਦੋ ਖਿਡਾਰੀਆਂ 'ਤੇ ਸੱਭ ਦੀਆਂ ਨਜ਼ਰਾਂ ਸਨ। ਪਾਕਿਸਤਾਨ ਦੇ ਆਲਰਾਊਂਡਰ ਸ਼ਾਹਿਦ ਅਫ਼ਰੀਦੀ ਅਤੇ ਭਾਰਤ ਦੇ ਵਿਸਫ਼ੋਟਕ ਬੱਲੇਬਾਜ
ਵਰਿੰਦਰ ਸਹਿਬਾਗ, ਪਰ ਮੁਕਾਬਲਾ ਪੂਰੀ ਤਰ੍ਹਾਂ ਅਫ਼ਰੀਦੀ ਦੇ ਨਾਮ ਰਿਹਾ।ਅਫ਼ਰੀਦੀ ਨੇ ਟੀ10 ਕ੍ਰਿਕਟ ਲੀਗ ਦੇ ਅਪਣੇ ਪਹਿਲੇ ਹੀ ਮੈਚ ਦੇ ਪਹਿਲੇ ਓਵਰ ਦੀ ਪਹਿਲੀਆਂ ਤਿੰਨ ਗੇਂਦਾਂ 'ਤੇ ਤਿੰਨ ਵਿਕਟਾਂ ਲੈ ਲਈਆਂ। ਇਸ ਤਰ੍ਹਾਂ ਉਹ ਟੀ10 ਫ਼ਾਰਮੇਟ 'ਚ ਹੈਟ੍ਰਿਕ ਲਗਾਉਣ ਵਾਲੇ ਦੁਨੀਆ ਦੇ ਪਹਿਲੇ ਗੇਂਦਬਾਜ਼ ਬਣ ਗਏ ਹਨ। (ਏਜੰਸੀ)
