ਭੁਵਨੇਸ਼ਵਰ, 10 ਦਸੰਬਰ : ਖਚਾਖਚ ਭਰੇ ਕਲਿੰਗਾ ਸਟੇਡੀਅਮ ਵਿਚ ਭਾਰਤੀ ਹਾਕੀ ਟੀਮ ਨੇ ਫ਼ਿਟਨਸ ਸਮੱÎਸਿਆ ਨਾਲ ਜੂਝ ਰਹੇ ਜਰਮਨੀ ਨੂੰ 2-1 ਨਾਲ ਹਰਾ ਕੇ ਹਾਕੀ ਵਿਸ਼ਵ ਲੀਗ ਫ਼ਾਈਨਲ ਵਿਚ ਕਾਂਸੀ ਦਾ ਤਮਗ਼ਾ ਜਿੱਤ ਲਿਆ।ਭਾਰਤ ਲਈ ਐਸ ਵੀ ਸੁਨੀਲ ਅਤੇ ਹਰਮਨਪ੍ਰੀਤ ਸਿੰਘ ਨੇ ਗੋਲ ਕੀਤੇ ਜਦਕਿ ਜਰਮਨੀ ਲਈ ਇਕੋ ਇਕ ਗੋਲ ਮਾਰਕ ਅਪੇਲ ਨੇ ਕੀਤਾ ਜੋ ਮੂਲ ਰੂਪ ਵਿਚ ਗੋਲੀਕੀਪਰ ਹੈ। ਭਾਰਤ ਨੇ ਪਿਛਲੀ ਵਾਰ ਰਾਏਪੁਜਰ ਵਿਚ ਹੋਏ ਟੂਰਨਾਮੈਂਟ ਵਿਚ ਵੀ ਕਾਂਸੀ ਦਾ ਤਮਗ਼ਾ ਜਿੱÎਤਿਆ ਸੀ। ਮੀਂਹ ਤੋਂ ਪ੍ਰਭਾਵਤ ਸੈਮੀਫ਼ਾਇਨਲ ਵਿਚ ਅਰਜਨਟੀਨਾ ਤੋਂ ਇਕ ਗੋਲ ਨਾਲ ਹਾਰਨ ਮਗਰੋਂ ਭਾਰਤ ਨੇ ਅੱਜ ਬਿਹਤਰ ਪ੍ਰਦਰਸ਼ਨ ਕੀਤਾ। ਜਰਮਨ ਦੇ ਚਾਰ ਖਿਡਾਰੀਆਂ ਨੂੰ
ਸੈਮੀਫ਼ਾਇਨਲ ਤੋਂ ਪਹਿਲਾਂ ਹੀ ਬੁਖ਼ਾਰ ਹੋ ਗਿਆ ਸੀ। ਇਸ ਮੈਚ ਵਿਚ ਜਰਮਨੀ ਨੂੰ ਸੱਤ ਪੈਨਲਟੀ ਕਾਰਨਰ ਮਿਲੇ ਪਰ ਇਕ ਵੀ ਗੋਲ ਵਿਚ ਨਹੀਂ ਬਦਲ ਸਕਿਆ। ਗਰੁਪ ਪੜਾਅ ਵਿਚ ਜਰਮਨੀ ਨੇ ਭਾਰਤ ਨੂੰ 2-1 ਨਾਲ ਹਰਾਇਆ ਸੀ। ਕੇਂਦਰੀ ਖੇਡ ਮੰਤਰੀ ਰਾਜਵਰਧਨ ਸਿੰਘ ਰਾਠੌਰ ਦੀ ਹਾਜ਼ਰੀ ਵਿਚ ਭਾਰਤੀ ਟੀਮ ਨੇ ਵਧੀਆ ਪ੍ਰਦਰਸ਼ਨ ਕੀਤਾ। ਪਹਿਲੇ ਹਾਫ਼ ਵਿਚ ਹਮਲਾਵਰ ਸ਼ੁਰੂਆਤ ਕੀਤੀ ਅਤੇ ਦੋਵੇਂ ਕੁਆਰਟਰ ਮਿਲਾ ਕੇ ਛੇ ਪੈਨਲਟੀ ਕਾਰਨਰ ਹਾਸਲ ਕੀਤੇ ਪਰ ਗੋਲ ਵਿਚ ਨਹੀਂ ਬਦਲ ਸਕੇ। ਭਾਰਤੀ ਗੋਲਕੀਪਰ ਸੂਰਜ ਕਰਕੇਰਾ ਨੇ ਕਈ ਬਿਹਤਰਨ ਸ਼ਾਟ ਲਗਾਏ। (ਏਜੰਸੀ)
