ਲੰਡਨ, 9 ਨਵੰਬਰ (ਹਰਜੀਤ ਸਿੰਘ ਵਿਰਕ): ਇੰਗਲੈਂਡ ਦੇ ਵਾਸੀ ਜਗਜੀਤ ਸਿੰਘ ਨੇ 87 ਹਫ਼ਤਿਆਂ ਅਤੇ 4 ਦਿਨਾਂ ਵਿਚ 100 ਮੈਰਾਥਨ ਦੌੜਾਂ ਵਿਚ ਹਿੱਸਾ ਲੈ ਕੇ ਨਵਾਂ ਇਤਿਹਾਸ ਸਿਰਿਜਆ ਹੈ। ਜਗਜੀਤ ਸਿੰਘ ਨੇ ਇਹ 100 ਮੈਰਾਥਨ ਦੌੜਾਂ 17 ਜਨਵਰੀ 2016 ਤੋਂ ਸ਼ੁਰੂ ਕਰ ਕੇ 3 ਅਕਤੂਬਰ 2017 ਤਕ ਪੂਰੀਆਂ ਕੀਤੀਆਂ ਹਨ। ਜਗਜੀਤ ਸਿੰਘ ਇਕ ਸਮਾਜ ਸੇਵੀ ਹਨ ਅਤੇ ਉਹ
ਚਾਹੁੰਦੇ ਹਨ ਕਿ ਕੈਂਸਰ ਵਰਗੀ ਨਾਮੁਰਾਦ ਬੀਮਾਰੀ ਦਾ ਖ਼ਾਤਮਾ ਜੜੋਂ ਕਰ ਦਿਤਾ ਜਾਵੇ। ਇਸ ਕਾਰਨ ਉਹ ਕੈਂਪ ਵੀ ਲਗਾਉਂਦੇ ਰਹਿੰਦੇ ਹਨ। ਉਨ੍ਹਾਂ ਦਸਿਆ ਕਿ ਉਹ ਭਵਿੱਖ ਵਿਚ ਵੀ ਦੌੜਾਂ ਵਿਚ ਹਿੱਸਾ ਲੈਂਦੇ ਰਹਿਣਗੇ ਅਤੇ ਉਨ੍ਹਾਂ ਦੀ ਇੱਛਾ ਹੈ ਕਿ ਹੋਰ ਲੋਕ ਵੀ ਅਪਣੀ ਜ਼ਿੰਦਗੀ ਵਿਚ ਦੌੜਾਂ ਪ੍ਰਤੀ ਸੁਚੇਤ ਹੋਣ ਤੇ ਤੰਦਰੁਸਤ ਰਹਿਣ।