Advertisement
  ਖ਼ਬਰਾਂ   ਖੇਡਾਂ  ਟੇਬਲ ਟੈਨਿਸ 'ਚ ਸੁਤੀਰਥੀ ਤੇ ਸ਼ਰਤ ਕਮਲ ਬਣੇ ਕੌਮੀ ਚੈਂਪੀਅਨ

ਟੇਬਲ ਟੈਨਿਸ 'ਚ ਸੁਤੀਰਥੀ ਤੇ ਸ਼ਰਤ ਕਮਲ ਬਣੇ ਕੌਮੀ ਚੈਂਪੀਅਨ

Published Jan 31, 2018, 11:50 pm IST
Updated Jan 31, 2018, 6:20 pm IST

ਰਾਂਚੀ, 31 ਜਨਵਰੀ: ਪਟਰੋਲੀਅਮ ਸਪੋਰਟਸ ਪ੍ਰਮੋਸ਼ਨਲ ਬੋਰਡ ਦੇ ਅਚੰਤ ਸ਼ਰਤ ਕਮਲ ਅਤੇ ਬੰਗਾਲ ਦੀ ਸੁਤੀਰਥੀ ਮੁਖਰਜੀ ਨੇ 79ਵੇਂ ਸੀਨੀਅਰ ਕੌਮੀ ਟੇਬਲ ਟੈਨਿਸ ਮੁਕਾਬਲਿਆਂ 'ਚ ਕ੍ਰਮਵਾਰ ਪੁਰਸ਼ ਤੇ ਮਹਿਲਾ ਏਕਲ ਖ਼ਿਤਾਬ ਜਿੱਤ ਲਿਆ ਹੈ।ਤਜ਼ਰਬੇਕਰ ਸ਼ਰਤ ਕਮਲ ਨੇ ਉਚ ਵੀਰਤਾ ਪ੍ਰਪਾਤ ਐਂਥਨੀ ਅਮਲਰਾਜ ਨੂੰ 4-1 (6-11, 11-6, 15-13, 11-8, 11-7) ਨਾਲ ਹਰਾ ਕੇ ਅੱਠਵੀਂ ਵਾਰ ਸੀਨੀਅਰ ਰਾਸ਼ਟਰੀ ਟੇਬਲ ਟੈਨਿਸ ਚੈਂਪੀਅਨਸ਼ਿਪ 'ਚ ਪੁਰਸ਼ ਵਰਗ ਦਾ ਖ਼ਿਤਾਬ ਜਿੱਤਿਆ ਅਤੇ ਇਸ ਤਰ੍ਹਾਂ ਕਮਲੇਸ਼ ਮਹਿਤਾ ਦੇ ਰੀਕਾਰਡ ਦੀ 


ਬਰਾਬਰੀ ਕੀਤੀ। ਸ਼ਰਤ ਨੂੰ ਇਸ ਜਿੱਤ ਨਾਲ ਦੋ ਲੱਖ ਰੁਪਏ ਮਿਲੇ ਪਰ ਉਨ੍ਹਾਂ ਲਈ ਇਸ ਤੋਂ ਵੀ ਖ਼ੁਸ਼ੀ ਦਾ ਪਲ ਇਹ ਸੀ, ਜਦੋਂ ਉਨ੍ਹਾਂ ਨੂੰ ਖ਼ੁਦ ਮਹਿਤਾ ਨੇ ਗਲੇ ਲਗਾਇਆ, ਜਿਨ੍ਹਾਂ ਨੇ ਕਈ ਸਾਲਾਂ ਤੋਂ ਇਹ ਰੀਕਾਰਡ ਅਪਣੇ ਨਾਮ ਬਰਕਰਾਰ ਰੱਖਿਆ ਹੈ। ਮਹਿਤਾ ਨੇ ਕਿਹਾ ਕਿ ਇਹ ਮੇਰੇ ਲਈ ਨਿੱਜੀ ਤੌਰ 'ਤੇ ਸਨਮਾਨਜਨਕ ਪਲ ਹੈ। ਸ਼ਰਤ ਹਰ ਤਰ੍ਹਾਂ ਦੀ ਪ੍ਰਸ਼ੰਸਾ ਦਾ ਹੱਕਦਾਰ ਹੈ।ਉਥੇ ਹੀ ਸੁਤੀਰਥੀ ਮੁਖਰਜੀ ਨੇ ਪੀ.ਐਸ.ਪੀ.ਬੀ. ਦੀ ਮਨਿਕਾ ਬੱਤਰਾ ਨੂੰ ਸੰਘਰਸ਼ਮਈ ਮੁਕਾਬਲੇ 'ਚ 4-3 (11-4, 11-13, 11-6, 5-11, 11-2, 9-11, 12-10) ਨਾਲ ਹਰਾ ਕੇ ਪਹਿਲੀ ਵਾਰ ਚੈਂਪੀਅਨ ਬਣਨ ਦਾ ਮਾਣ ਪ੍ਰਾਪਤ ਕੀਤਾ।   (ਏਜੰਸੀ)

Advertisement
Advertisement

 

Advertisement
Advertisement