Three US soldiers killed in war with Iran
ਅਮਰੀਕਾ ਨੇ ਇਰਾਨ ਵਿਰੁਧ ਮੁਹਿੰਮ ’ਚ ਕੀਤੀ ਪਹਿਲੀ ਮੌਤ ਦੀ ਪੁਸ਼ਟੀ
ਵਾਸ਼ਿੰਗਟਨ: ਅਮਰੀਕੀ ਫੌਜ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਇਰਾਨ ਵਿਰੁਧ ਚਲਾਏ ‘ਆਪਰੇਸ਼ਨ ਐਪਿਕ ਫਿਊਰੀ’ ਦੌਰਾਨ ਉਸ ਦੇ ਤਿੰਨ ਫ਼ੌਜੀ ਮਾਰੇ ਗਏ ਹਨ। ਮਿਲਟਰੀ ਨੇ ‘ਐਕਸ’ ਉਤੇ ਇਕ ਬਿਆਨ ਵਿਚ ਕਿਹਾ, ‘‘ਆਪਰੇਸ਼ਨ ਐਪਿਕ ਫਿਊਰੀ ਦੌਰਾਨ ਤਿੰਨ ਅਮਰੀਕੀ ਫੌਜੀ ਕਾਰਵਾਈ ਵਿਚ ਮਾਰੇ ਗਏ ਹਨ ਅਤੇ ਪੰਜ ਗੰਭੀਰ ਰੂਪ ਵਿਚ ਜ਼ਖਮੀ ਹੋ ਗਏ ਹਨ।’’
ਇਸ ਵਿਚ ਕਿਹਾ ਗਿਆ ਹੈ ਕਿ ਕਈ ਹੋਰ ਲੋਕਾਂ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ ਅਤੇ ਉਹ ਡਿਊਟੀ ’ਤੇ ਵਾਪਸ ਆਉਣ ਦੀ ਪ੍ਰਕਿਰਿਆ ਵਿਚ ਹਨ। ਹਾਲਾਂਕਿ ਅਮਰੀਕੀ ਫ਼ੌਜ ਨੇ ਕਿਹਾ ਕਿ ਪ੍ਰਮੁੱਖ ਲੜਾਕੂ ਕਾਰਵਾਈਆਂ ਜਾਰੀ ਹਨ।
ਅਮਰੀਕੀ ਫੌਜ ਦੇ ਅਨੁਸਾਰ, ‘‘ਸਥਿਤੀ ਪਲ-ਪਲ ਬਦਲ ਰਹੀ ਹੈ, ਇਸ ਲਈ ਪਰਵਾਰਾਂ ਦੇ ਸਤਿਕਾਰ ’ਚ, ਅਸੀਂ ਅਪਣੇ ਸ਼ਹੀਦ ਹੋਏ ਯੋਧਿਆਂ ਦੀ ਪਛਾਣ ਸਮੇਤ ਵਾਧੂ ਜਾਣਕਾਰੀ ਨੂੰ 24 ਘੰਟਿਆਂ ਤਕ ਰੋਕਾਂਗੇ, ਜਦੋਂ ਤਕ ਕਿ ਨੇੜਲੇ ਰਿਸ਼ਤੇਦਾਰਾਂ ਨੂੰ ਸੂਚਿਤ ਨਹੀਂ ਕੀਤਾ ਜਾਂਦਾ।’’ ਇਰਾਨ ਵੱਲੋਂ ਅਮਰੀਕੀ ਜੰਗੀ ਬੇੜੇ ’ਤੇ ਹਮਲੇ ਦੇ ਦਾਅਵੇ ਨੂੰ ਝੂਠਾ ਦੱਸਿਆ ਹੈ।
