ਨੇਤਨਯਾਹੂ ਇਜ਼ਰਾਈਲ ਦੇ ਸਭ ਤੋਂ ਲੰਬੇ ਸਮੇਂ ਤੱਕ ਰਹਿਣ ਵਾਲੇ ਪ੍ਰਧਾਨ ਮੰਤਰੀ ਹਨ
ਯੇਰੂਸ਼ੇਲਮ-ਇਜ਼ਰਾਈਲ 'ਚ ਬੁੱਧਵਾਰ ਨੂੰ ਰਾਸ਼ਟਰਪਤੀ ਚੋਣਾਂ ਹੋਈਆਂ ਜਿਸ 'ਚ ਅਨੁਭਵੀ ਨੇਤਾ ਇਸਾਕ ਹੇਰਜ਼ੋਗ ਨੂੰ ਜਿੱਤ ਹਾਸਲ ਹੋਈ ਅਤੇ ਉਹ ਦੇਸ਼ ਦੇ 11ਵੇਂ ਰਾਸ਼ਟਰਪਤੀ ਬਣ ਗਏ ਹਨ। ਇਨ੍ਹਾਂ ਚੋਣਾਂ 'ਚ ਦੇਸ਼ ਦੀ ਸੰਸਦ ਨੇਸੈੱਟ 'ਚ 120 ਸੰਸਦ ਮੈਂਬਰਾਂ ਨੇ ਨਵੇਂ ਰਾਸ਼ਟਰਪਤੀ ਨੂੰ ਚੁਣਨ ਲਈ ਵੋਟਾਂ ਪਾਈਆਂ।
isaac herzog becomes newly elected president of israelਰਾਸ਼ਟਰਪਤੀ ਅਹੁਦੇ ਦੀ ਦੌੜ 'ਚ ਇਸਾਕ ਦੇ ਸਾਹਮਣੇ ਸਿਖਿਆਵਿਦ ਮਿਰੀਅਮ ਪੇਰੇਤਜ਼ ਖੜੀ ਸੀ। ਹੇਰਜ਼ੋਗ (60) ਇਜ਼ਰਾਈਲ ਦੀ ਲੇਬਰ ਪਾਰਟੀ ਦੇ ਸਾਬਕਾ ਪ੍ਰਧਾਨ ਅਤੇ ਵਿਰੋਧੀ ਧਿਰ ਦੇ ਨੇਤਾ ਹਨ। ਜ਼ਿਕਰਯੋਗ ਹੈ ਕਿ 2013 'ਚ ਸੰਸਦੀ ਚੋਣਾਂ 'ਚ ਉਹ ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਵਿਰੁੱਧ ਖੜ੍ਹੇ ਹੋਏ ਸਨ ਪਰ ਹਾਰ ਗਏ।
isaac herzog becomes newly elected president of israel
ਪੇਰੇਤਜ (67) ਰਾਸ਼ਟਰਵਾਦੀ ਵਿਚਾਰਧਾਰਾ ਦੀ ਹੈ। ਜੇਕਰ ਉਹ ਚੋਣਾਂ ਜਿੱਤ ਜਾਂਦੀ ਤਾਂ ਇਸ ਅਹੁਦੇ ਦਾ ਮਾਣ ਵਧਾਉਣ ਵਾਲੀ ਪਹਿਲੀ ਮਹਿਲਾ ਹੁੰਦੀ। ਜਿੱਤਣ ਲਈ 120 ਸੰਸਦੀ ਨੇਸੈੱਟ 'ਚ ਘਟੋ-ਘੱਟ 61 ਵੋਟਾਂ ਦੀ ਲੋੜ ਸੀ।
isaac herzog becomes newly elected president of israel
ਹੇਰਜ਼ੋਗ ਦਾ ਸੱਤ ਸਾਲ ਦਾ ਕਾਰਜਕਾਲ 9 ਜੁਲਾਈ ਤੋਂ ਸ਼ੁਰੂ ਹੋਵੇਗਾ। ਮੌਜੂਦਾ ਰਾਸ਼ਟਰਪਤੀ ਰੇਓਵੇਨ ਰਿਵਲਿਨ ਅਗਲੇ ਮਹੀਨੇ ਅਹੁਦਾ ਛੱਡਣ ਵਾਲੇ ਹਨ। ਉਥੇ ਦੂਜੇ ਪਾਸੇ ਪ੍ਰਧਾਨ ਮੰਤਰੀ ਨੇਤਨਯਾਹੂ ਦੇ ਵਿਰੋਧੀ ਬੁੱਧਵਾਰ ਨੂੰ ਉਨ੍ਹਾਂ ਦੇ 12 ਸਾਲ ਦੇ ਸ਼ਾਸਨ ਨੂੰ ਖਤਮ ਕਰਨ ਲਈ ਇਕ ਗਠਜੋੜ ਸਰਕਾਰ ਦੇ ਗਠਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਨੇਤਨਯਾਹੂ ਇਜ਼ਰਾਈਲ ਦੇ ਸਭ ਤੋਂ ਲੰਬੇ ਸਮੇਂ ਤੱਕ ਰਹਿਣ ਵਾਲੇ ਪ੍ਰਧਾਨ ਮੰਤਰੀ ਹਨ।
