ਕੋਰੋਨਾ ਵਾਇਰਸ ਨਾਲ ਲੜਨ ਵਾਲੀ ਦਵਾਈ ਤਿਆਰ ਕਰਨ ਲਈ ਪੂਰੀ ਦੁਨੀਆ ਦੇ ਵਿਗਿਆਨਕ ਦਿਨ ਰਾਤ ਮਿਹਨਤ ਕਰ ਰਹੇ ਹਨ।
ਨਵੀਂ ਦਿੱਲੀ: ਕੋਰੋਨਾ ਵਾਇਰਸ ਨਾਲ ਲੜਨ ਵਾਲੀ ਦਵਾਈ ਤਿਆਰ ਕਰਨ ਲਈ ਪੂਰੀ ਦੁਨੀਆ ਦੇ ਵਿਗਿਆਨਕ ਦਿਨ ਰਾਤ ਮਿਹਨਤ ਕਰ ਰਹੇ ਹਨ। ਹੁਣ ਤੱਕ ਕਈ ਕੰਪਨੀਆਂ ਨੇ ਸਿਰਫ ਟੀਕਾ ਤਿਆਰ ਕਰਨ ਦਾ ਦਾਅਵਾ ਕੀਤਾ ਹੈ। ਪਰ ਟੀਕਾ ਤਾਂ ਹੀ ਸਫਲ ਮੰਨਿਆ ਜਾਂਦਾ ਹੈ ਜਦੋਂ ਇਨਸਾਨਾਂ ‘ਤੇ ਕਲੀਨਿਕਲ ਟਰਾਇਲ ਸਫਲ ਹੋ ਜਾਵੇ।
ਹੁਣ ਇਸ ਦੌਰਾਨ ਅਮਰੀਕੀ ਟੀਕਾ ਕੰਪਨੀ ਨੇ ਦਾਅਵਾ ਕੀਤਾ ਹੈ ਕਿ ਉਸ ਨੇ ਨਾ ਸਿਰਫ ਟੀਕਾ ਤਿਆਰ ਕੀਤਾ ਹੈ ਬਲਕਿ ਇਕ ਸਫਲ ਕਲੀਨਿਕਲ ਟਰਾਇਲ ਵੀ ਕਰ ਲਿਆ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਅਮਰੀਕੀ ਦਵਾ ਕੰਪਨੀ ਈਨੋਵਿਓ ਨੇ ਅਪਣੇ ਟੀਕੇ NO-4800 ਦਾ ਇਨਸਾਨਾਂ ‘ਤੇ ਸਫਲ ਕਲੀਨਿਕਲ ਟਰਾਇਲ ਕਰ ਲਿਆ ਹੈ।
ਲਗਭਗ 40 ਲੋਕਾਂ ‘ਤੇ ਇਸ ਟੀਕੇ ਦਾ ਪਰੀਖਣ ਕੀਤਾ ਗਿਆ। ਸਭ ਤੋਂ ਚੰਗੀ ਗੱਲ ਇਹ ਹੈ ਕਿ ਇਸ ਦਵਾਈ ਦਾ ਅਸਰ 94 ਫੀਸਦੀ ਸਫਲ ਰਿਹਾ ਹੈ। ਵਿਗਿਆਨਕਾਂ ਦਾ ਕਹਿਣਾ ਹੈ ਕਿ ਨਵਾਂ ਟੀਕਾ ਇਕ ਖ਼ਾਸ ਤਰੀਕੇ ਨਾਲ ਕੰਮ ਕਰਦਾ ਹੈ। ਇਸ ਟੀਕੇ ਨੂੰ ਇੰਜੈਕਸ਼ਨ ਦੀ ਮਦਦ ਨਾਲ ਸਰੀਰ ਅੰਦਰ ਛੱਡਿਆ ਜਾਂਦਾ ਹੈ। ਇਹ ਦਵਾਈ ਕੁੱਲ ਮਿਲਾ ਕੇ ਇਕ ਤਰ੍ਹਾਂ ਦਾ DNA ਹੈ ਜੋ ਸਰੀਰ ਦੇ ਅੰਦਰ ਕੋਰੋਨਾ ਵਾਇਰਸ ਖਿਲਾਫ ਇਮਿਊਨ ਸਿਸਟਮ ਤਿਆਰ ਕਰਦਾ ਹੈ।
ਦੱਸ ਦਈਏ ਕਿ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਹੀ ਈਨੋਵਿਓ ਕੰਪਨੀ ਨੂੰ ਜਲਦ ਤੋਂ ਜਲਦ ਕੋਰੋਨਾ ਵਾਇਰਸ ਵੈਕਸੀਨ ਤਿਆਰ ਕਰਨ ਦੇ ਕੰਮ ‘ਤੇ ਲਗਾਇਆ ਹੈ। ਨਵੇਂ ਟੀਕੇ ਦੇ ਟਰਾਇਲ ਨੂੰ ਪਹਿਲਾਂ ਹੀ FDA ਦੀ ਮਨਜ਼ੂਰੀ ਮਿਲ ਗਈ ਹੈ। ਇਸ ਯੋਜਨਾ ਤਹਿਤ ਇਹ ਕੰਪਨੀ ਅਗਲੇ ਸਾਲ ਜਨਵਰੀ ਤੱਕ 300 ਮਿਲੀਅਨ ਟੀਕੇ ਤਿਆਰ ਕਰੇਗੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ