ਜਦੋਂ ਕਰਮਚਾਰੀ ਨੇ ਆਪਣਾ ਅਕਾਊਂਟ ਦੇਖਿਆ ਤਾਂ ਉਹ ਹੱਕਾ-ਬੱਕਾ ਰਹਿ ਗਿਆ।
ਨਵੀਂ ਦਿੱਲੀ: ਹਰ ਕਰਮਚਾਰੀ ਨੂੰ ਆਪਣੀ ਤਨਖ਼ਾਹ ਦੀ ਉਡੀਕ ਰਹਿੰਗੀ ਹੈ ਤਾਂ ਜੋ ਆਪਣੀ ਜ਼ਰੂਰਤ ਦੀਆਂ ਚੀਜ਼ਾਂ ਖਰੀਦ ਸਕੇ। ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਕੰਪਨੀ ਖੁਸ਼ ਹੋ ਕੇ ਸਾਨੂੰ ਬੋਨਸ ਦਿੰਦੀ ਹੈ ਪਰ ਇਕ ਵਿਅਕਤੀ ਦੀ ਕਿਸਮਤ ਇੰਨੀ ਚੰਗੀ ਹੈ ਕਿ ਕੰਪਨੀ ਨੇ ਉਸ ਦੇ ਬੈਂਕ ਖਾਤੇ ਵਿਚ 1.43 ਕਰੋੜ ਰੁਪਏ ਜਮ੍ਹਾ ਕਰਵਾ ਦਿੱਤੇ। ਹਾਲਾਂਕਿ ਇਸ ਵਿਅਕਤੀ ਦੀ ਤਨਖਾਹ 43 ਹਜ਼ਾਰ ਰੁਪਏ ਸੀ। ਇੰਨੇ ਪੈਸੇ ਮਿਲਣ ਤੋਂ ਬਾਅਦ ਉਹ ਵਿਅਕਤੀ ਬਹੁਤ ਖੁਸ਼ ਹੋ ਗਿਆ।
Salary
ਇਕਨਾਮਿਕ ਟਾਈਮਜ਼ ਮੁਤਾਬਕ ਇਹ ਮਾਮਲਾ ਚਿਲੀ ਦਾ ਹੈ। ਕੰਪਨੀ ਨੇ ਇਸ ਵਿਅਕਤੀ ਨੂੰ ਇਕ ਮਹੀਨੇ ਦੀ ਤਨਖਾਹ ਤੋਂ 286 ਗੁਣਾ ਵੱਧ ਪੈਸੇ ਭੇਜੇ। ਪੈਸੇ ਲੈਣ ਤੋਂ ਬਾਅਦ ਇਹ ਵਿਅਕਤੀ ਗਾਇਬ ਹੋ ਗਿਆ। ਇਕ ਵਿਅਕਤੀ Consorcio Industrial de Alimentos (Cial}) ਨਾਮ ਦੀ ਕੰਪਨੀ ਵਿਚ ਕੰਮ ਕਰਦਾ ਸੀ। ਕੰਪਨੀ ਉਸ ਨੂੰ 500,000 ਚਿਲੀ ਪੇਸੋ (ਕਰੀਬ 43.4 ਹਜ਼ਾਰ ਰੁਪਏ) ਦਿੰਦੀ ਸੀ।
ਗਲਤੀ ਨਾਲ ਕਰਮਚਾਰੀ ਦੇ ਖਾਤੇ ਵਿਚ 165,398,851 ਚਿਲੀ ਪੇਸੋ (1.43 ਕਰੋੜ ਰੁਪਏ) ਟਰਾਂਸਫਰ ਹੋ ਗਏ। ਜਦੋਂ ਕਰਮਚਾਰੀ ਨੇ ਆਪਣਾ ਅਕਾਊਂਟ ਦੇਖਿਆ ਤਾਂ ਉਹ ਹੱਕਾ-ਬੱਕਾ ਰਹਿ ਗਿਆ। ਵਿਅਕਤੀ ਨੇ ਇਸ ਬਾਰੇ ਆਪਣੇ ਏ.ਟੀ.ਆਰ. ਨੂੰ ਸੂਚਿਤ ਕੀਤਾ ਅਤੇ ਕਰਮਚਾਰੀ ਨੇ ਐਚਆਰ ਡਿਪਟੀ ਮੈਨੇਜਰ ਨਾਲ ਸੰਪਰਕ ਕੀਤਾ ਅਤੇ ਗੜਬੜੀ ਬਾਰੇ ਦੱਸਿਆ।
salary
ਕੰਪਨੀ ਨੇ ਕਰਮਚਾਰੀ ਨੂੰ ਪੈਸੇ ਵਾਪਸ ਕਰਨ ਲਈ ਕਿਹਾ। ਕਰਮਚਾਰੀ ਨੇ ਬੈਂਕ ਅਤੇ ਕੰਪਨੀ ਨੂੰ ਭਰੋਸਾ ਦਿੱਤਾ ਕਿ ਉਹ ਸਾਰੇ ਪੈਸੇ ਵਾਪਸ ਕਰ ਦੇਵੇਗਾ ਪਰ ਅਚਾਨਕ ਵਿਅਕਤੀ ਨੇ ਕੰਪਨੀ ਨੂੰ ਆਪਣਾ ਅਸਤੀਫਾ ਦੇ ਦਿੱਤਾ ਅਤੇ ਗਾਇਬ ਹੋ ਗਿਆ। ਸੋਸ਼ਲ ਮੀਡੀਆ 'ਤੇ ਇਸ ਖ਼ਬਰ ਨੂੰ ਲੈ ਕੇ ਬਹਿਸ ਛਿੜ ਗਈ ਹੈ। ਕਈ ਯੂਜ਼ਰਸ ਕਹਿ ਰਹੇ ਹਨ ਕਿ ਵਿਅਕਤੀ ਨੇ ਸਹੀ ਕੀਤਾ ਜਦਕਿ ਕਈ ਯੂਜ਼ਰਸ ਨੇ ਕਿਹਾ ਕਿ ਵਿਅਕਤੀ ਨੇ ਗਲਤ ਕੀਤਾ ਹੈ।
