ਹਾਲਾਂਕਿ ਰੂਸ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦੇਣ ਵਾਲਾ ਐਲਾਨ...
ਮਾਸਕੋ: ਦੁਨੀਆ ਵਿਚ ਸੈਂਕੜੇ ਟੀਮਾਂ ਕੋਰੋਨਾ ਵਾਇਰਸ ਦੀ ਵੈਕਸੀਨ ਬਣਾਉਣ ਵਿਚ ਜੁਟੀਆਂ ਹੋਈਆਂ ਹਨ ਪਰ ਰੂਸ, ਬ੍ਰਿਟੇਨ, ਅਮਰੀਕਾ ਅਤੇ ਚੀਨ ਦੀ ਇਕ-ਇਕ ਵੈਕਸੀਨ ਇਸ ਰੇਸ ਵਿਚ ਸਭ ਤੋਂ ਅੱਗੇ ਦੱਸੀ ਜਾ ਰਹੀ ਹੈ। ਵਰਲਡ ਹੈਲਥ ਆਰਗਨਾਈਜੇਸ਼ਨ ਦਾ ਮੰਨਣਾ ਹੈ ਕਿ ਅਗਲੇ ਸਾਲ ਤਕ ਵੈਕਸੀਨ ਬਣ ਜਾਵੇਗੀ ਪਰ ਇਸ ਨੂੰ ਲੋਕਾਂ ਤਕ ਪਹੁੰਚਾਉਣ ਲਈ ਜ਼ਿਆਦਾ ਸਮਾਂ ਲੱਗੇਗਾ।
Russia
ਹਾਲਾਂਕਿ ਰੂਸ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦੇਣ ਵਾਲਾ ਐਲਾਨ ਕੀਤਾ ਹੈ ਕਿ ਉਹ ਦੇਸ਼ ਵਿਚ ਅਕਤੂਬਰ ਤੋਂ ਹੀ ਮਾਸ ਵੈਕਸੀਨ ਦਾ ਪ੍ਰੋਗਰਾਮ ਸ਼ੁਰੂ ਕਰਨ ਵਾਲਾ ਹੈ। ਇਸ ਦੇ ਤਹਿਤ ਸਭ ਤੋਂ ਪਹਿਲਾਂ ਡਾਕਟਰ ਅਤੇ ਟੀਚਰਸ ਨੂੰ ਵੈਕਸੀਨ ਦਿੱਤੀ ਜਾਵੇਗੀ ਇਸ ਤੋਂ ਬਾਅਦ ਐਮਰਜੈਂਸੀ ਸਰਵੀਸੇਜ਼ ਨਾਲ ਜੁੜੇ ਲੋਕਾਂ ਦਾ ਨੰਬਰ ਆਵੇਗਾ।
Tweet
ਰੂਸ ਦੇ ਸਿਹਤ ਮੰਤਰੀ ਮਿਖਾਇਲ ਮੁਰਾਸ਼ਕੋ ਨੇ ਐਤਵਾਰ ਨੂੰ ਇਕ ਪ੍ਰੈਸ ਕਾਨਫਰੰਸ ਵਿਚ ਅਕਤੂਬਰ ਤੋਂ ਕੋਰੋਨਾ ਵੈਕਸੀਨ ਦੇ ਮਾਸ ਵੈਕਸੀਨੇਸ਼ਨ ਲਈ ਉਪਲੱਬਧ ਹੋ ਜਾਣ ਦਾ ਐਲਾਨ ਕਰ ਦਿੱਤਾ ਸੀ। ਮਿਖਾਇਲ ਨੇ ਦਸਿਆ ਸੀ ਕਿ ਗਾਮਾਲਿਆ ਇੰਸਟੀਚਿਊਟ ਨੇ ਕੋਰੋਨਾ ਵੈਕਸੀਨ ਤੇ ਸਾਰੇ ਕਲਿਨੀਕਲ ਟ੍ਰਾਇਲ ਪੂਰੇ ਕਰ ਲਏ ਹਨ ਅਤੇ ਨਤੀਜੇ ਵੀ ਕਾਫ਼ੀ ਚੰਗੇ ਰਹੇ ਹਨ। ਫਿਲਹਾਲ ਵੈਕਸੀਨ ਰਜਿਸਟ੍ਰੇਸ਼ਨ ਅਤੇ ਡਿਸਟ੍ਰੀਬਿਊਟ ਦੀ ਪ੍ਰਕਿਰਿਆ ਵਿਚ ਹੈ।
Tweet
ਮਿਖਾਇਲ ਮੁਤਾਬਕ ਰੂਸ ਦੀ ਇਸ ਵੈਕਸੀਨ ਨੂੰ ਅਗਸਤ ਦੇ ਅੰਤ ਤਕ ਮਨਜ਼ੂਰੀ ਮਿਲ ਜਾਵੇਗੀ। ਕਈ ਦੇਸ਼ਾਂ ਦੇ ਵਿਗਿਆਨੀਆਂ ਨੇ ਰੂਸ ਦੀ ਇਸ ਜਲਦਬਾਜ਼ੀ ਪ੍ਰਤੀ ਚਿੰਤਾ ਵੀ ਜ਼ਾਹਿਰ ਕੀਤੀ ਹੈ। ਉਹਨਾਂ ਦਾ ਮੰਨਣਾ ਹੈ ਕਿ ਦੁਨੀਆ ਵਿਚ ਰੂਸ ਨੂੰ ਸਭ ਤੋਂ ਬਿਹਤਰ ਅਤੇ ਮਜ਼ਬੂਤ ਦੇਸ਼ ਸਥਾਪਿਤ ਕਰਨ ਦੇ ਚੱਕਰ ਵਿਚ ਅਜਿਹਾ ਲਗ ਰਿਹਾ ਹੈ ਕਿ ਵੈਕਸੀਨ ਦੀ ਜਾਂਚ ਕਾਫੀ ਜਲਦਬਾਜ਼ੀ ਵਿਚ ਪੂਰੀ ਕਰ ਦਿੱਤੀ ਗਈ ਹੈ।
Corona virus
ਅਮਰੀਕੀ ਕੋਰੋਨਾ ਐਕਸਪਰਟ ਐਂਥਨੀ ਫਾਸੀ ਨੇ ਕਿਹਾ ਕਿ ਅਮਰੀਕਾ ਰੂਸ ਜਾਂ ਚੀਨ ਵਿਚ ਬਣੀ ਵੈਕਸੀਨ ਨਹੀਂ ਇਸਤੇਮਾਲ ਕਰ ਸਕੇਗਾ ਕਿਉਂ ਕਿ ਉਹਨਾਂ ਦੇ ਨਿਯਮ-ਕਾਨੂੰਨ ਅਤੇ ਖਾਸ ਕਰ ਕੇ ਕਲਿਨੀਕਲ ਟ੍ਰਾਇਲ ਨਾਲ ਜੁੜੇ ਕਾਇਦੇ ਉਹਨਾਂ ਦੋਵਾਂ ਹੀ ਦੇਸ਼ਾਂ ਤੋਂ ਕਾਫੀ ਸਖ਼ਤ ਅਤੇ ਵੱਖਰੇ ਹਨ। ਸ਼ਾਇਦ ਇਹ ਵੈਕਸੀਨ ਉਹਨਾਂ ਦੇ ਸਿਸਟਮ ਵਿਚ ਪਾਸ ਨਾ ਹੋ ਸਕੇ।
Corona Virus
ਉਹਨਾਂ ਅੱਗੇ ਕਿਹਾ ਕਿ ਉਹਨਾਂ ਨੂੰ ਉਮੀਦ ਹੈ ਕਿ ਚੀਨ-ਰੂਸ ਇਸ ਵਾਇਰਸ ਦੀ ਗੰਭੀਰਤਾ ਨੂੰ ਸਮਝ ਰਹੇ ਲੋਕਾਂ ਅਤੇ ਕਲਿਨੀਕਲ ਟ੍ਰਾਇਲ ਜਲਦਬਾਜ਼ੀ ਵਿਚ ਨਹੀਂ ਪੂਰੇ ਕੀਤੇ ਗਏ ਹੋਣਗੇ। ਦਸ ਦਈਏ ਕਿ ਇਸ ਤੋਂ ਪਹਿਲਾਂ ਅਮਰੀਕਾ, ਬ੍ਰਿਟੇਨ ਅਤੇ ਆਸਟ੍ਰੇਲੀਆ ਨੇ ਰੂਸੀ ਹੈਕਰਸ ਤੇ ਕੋਰੋਨਾ ਵੈਕਸੀਨ ਨਾਲ ਜੁੜਿਆ ਡੇਟਾ ਚੋਰੀ ਕਰਨ ਦਾ ਇਲਜ਼ਾਮ ਲਗਾਇਆ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
