Facebook
ਮੇਰਾ ਮੰਨਣਾ ਹੈ ਕਿ ਹੁਣ ਲੋਕ ਜੋਖਮਾਂ ਅਤੇ ਨਾਂਪੱਖੀ ਪਹਿਲੂਆਂ ਵਲ ਵੀ ਧਿਆਨ ਦੇ ਰਹੇ ਹਨ
ਡੈਟਾ ਲੀਕ ਮਾਮਲੇ ਵਿਚ ਆਲੋਚਨਾ ਝੱਲ ਰਹੀ ਫ਼ੇਸਬੁਕ ਅਤੇ ਉਸ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਮਾਰਕ ਜ਼ਕਰਬਰਗ ਨੇ ਕੰਪਨੀ ਦੇ ਕਾਰੋਬਾਰੀ ਮਾਡਲ ਦਾ ਬਚਾਅ ਕਰਦਿਆਂ ਅਪਣਾ ਪੱਖ ਰਖਿਆ। ਉਨ੍ਹਾਂ ਕਿਹਾ ਕਿ ਖਪਤਕਾਰਾਂ ਦਾ ਵਿਅਕਤੀਗਤ ਡੈਟਾ ਹਾਸਲ ਕਰਨ ਨਾਲ ਜਿਹੜੀਆਂ ਸਮੱਸਿਆਵਾਂ ਆਈਆਂ, ਉਨ੍ਹਾਂ ਨੂੰ ਦੂਰ ਕਰਨ ਵਿਚ ਕੁੱਝ ਸਾਲ ਲੱਗਣਗੇ। ਜ਼ਕਰਬਰਗ ਨੇ ਕੰਪਨੀ ਦੇ ਕਾਰੋਬਾਰੀ ਮਾਡਲ ਅਤੇ ਐਪਲ ਦੇ ਸੀਈਓ ਟਿਮ ਕੁਕ ਵਲੋਂ ਕੀਤੀਆਂ ਗਈਆਂ ਆਲੋਚਨਾਵਾਂ ਦਾ ਬਚਾਅ ਕੀਤਾ।
Mark Zukerberg
ਜ਼ਕਰਬਰਗ ਨੇ ਕਿਹਾ ਕਿ ਫ਼ੇਸਬੁਕ ਦੀਆਂ ਸਮੱਸਿਆਵਾਂ ਵਿਚੋਂ ਇਕ ਇਹ ਹੈ ਕਿ ਉਹ ਆਦਰਸ਼ਵਾਦੀ ਹੈ, ਉਸ ਨੇ ਲੋਕਾਂ ਨੂੰ ਜੋੜਨ ਦੇ ਹਾਂਪੱਖੀ ਪਹਿਲੂ 'ਤੇ ਧਿਆਨ ਕੇਂਦਰਤ ਕੀਤਾ। ਅਸੀਂ ਉਪਕਰਨਾਂ ਦੀ ਨਾਂਹਪੱਖੀ ਵਰਤੋਂ ਬਾਰੇ ਨਹੀਂ ਸੋਚਿਆ ਅਤੇ ਇਨ੍ਹਾਂ ਵਿਚ ਸਮਾਂ ਖ਼ਰਚ ਨਹੀਂ ਕੀਤਾ।
ਉਨ੍ਹਾਂ ਕਿਹਾ, 'ਮੇਰਾ ਮੰਨਣਾ ਹੈ ਕਿ ਹੁਣ ਲੋਕ ਜੋਖਮਾਂ ਅਤੇ ਨਾਂਪੱਖੀ ਪਹਿਲੂਆਂ ਵਲ ਵੀ ਧਿਆਨ ਦੇ ਰਹੇ ਹਨ। (ਏਜੰਸੀ)
