ਸਾਲ 2022 ’ਚ ਵਿਸ਼ਵ ਪ੍ਰੈੱਸ ਦੀ ਆਜ਼ਾਦੀ ਦੀ ਸੂਚੀ ’ਚ ਭਾਰਤ 150ਵੇਂ ਸਥਾਨ 'ਤੇ ਸੀ
ਨਵੀਂ ਦਿੱਲੀ : ਜਾਰੀ ਇੱਕ ਤਾਜ਼ਾ ਰਿਪੋਰਟ ਦੇ ਅਨੁਸਾਰ, 2023 ਦੇ ਵਿਸ਼ਵ ਪ੍ਰੈਸ ਫਰੀਡਮ ਇੰਡੈਕਸ ਵਿਚ ਭਾਰਤ ਦੀ ਰੈਂਕਿੰਗ 11 ਸਥਾਨ ਹੇਠਾਂ 161 ਹੋ ਗਈ ਹੈ। 2022 ਵਿਚ ਦੇਸ਼ 180 ਦੇਸ਼ਾਂ ਵਿੱਚੋਂ 150ਵੇਂ ਸਥਾਨ 'ਤੇ ਸੀ।
ਨਾਰਵੇ, ਆਇਰਲੈਂਡ ਅਤੇ ਡੈਨਮਾਰਕ ਨੇ ਸਿਖਰਲੇ ਤਿੰਨ ਸਥਾਨਾਂ 'ਤੇ ਕਬਜ਼ਾ ਕੀਤਾ, ਜਦਕਿ ਵੀਅਤਨਾਮ, ਚੀਨ ਅਤੇ ਉੱਤਰੀ ਕੋਰੀਆ ਸੂਚੀ ਦੇ ਸਭ ਤੋਂ ਹੇਠਲੇ ਸਥਾਨ 'ਤੇ ਰਹੇ।
ਦੇਸ਼ ਦੀਆਂ ਮੀਡੀਆ ਐਸੋਸੀਏਸ਼ਨਾਂ ਨੇ ਅੱਜ ਪ੍ਰਕਾਸ਼ਿਤ 2023 ਵਰਲਡ ਪ੍ਰੈਸ ਫਰੀਡਮ ਇੰਡੈਕਸ ਰਿਪੋਰਟ 'ਤੇ ਚਿੰਤਾ ਪ੍ਰਗਟਾਈ ਹੈ। ਰਿਪੋਰਟ 'ਚ ਚਿੰਤਾ ਜ਼ਾਹਰ ਕਰਦੇ ਹੋਏ ਕਿਹਾ ਗਿਆ ਹੈ ਕਿ ਤਿੰਨ ਦੇਸ਼ਾਂ ਤਜ਼ਾਕਿਸਤਾਨ, ਭਾਰਤ ਅਤੇ ਤੁਰਕੀ 'ਚ ਸਥਿਤੀ 'ਸਮੱਸਿਆ' ਤੋਂ 'ਬਹੁਤ ਖਰਾਬ' ਹੋ ਗਈ ਹੈ। ਤਾਜਿਕਸਤਾਨ 153 'ਤੇ ਇਕ ਸਥਾਨ ਹੇਠਾਂ, ਭਾਰਤ 2022 ਦੇ 150 ਤੋਂ 11 ਸਥਾਨ ਹੇਠਾਂ 161 'ਤੇ ਅਤੇ ਤੁਰਕੀ 16 ਸਥਾਨ ਹੇਠਾਂ 165 'ਤੇ ਹੈ।