RSF Attacks News: ਇਹ ਹਮਲੇ ਪਿਛਲੇ ਦੋ ਦਿਨਾਂ ਵਿਚ ਹੋਏ ਹਨ ਅਤੇ ਆਰ.ਐਸ.ਐਫ਼ ’ਤੇ ਮਨੁੱਖਤਾ ਵਿਰੁਧ ਅਪਰਾਧ ਕਰਨ ਦਾ ਦੋਸ਼ ਲਗਾਇਆ ਗਿਆ
300 people killed in RSF attacks News in punjabi : ਦੱਖਣ-ਪੱਛਮੀ ਸੁੂਡਾਨ ਦੇ ਪੱਛਮੀ ਕੋਰਡੋਫਾਨ ਰਾਜ ਦੇ ਅਲ-ਨੁਹੁਦ ਕਸਬੇ ’ਤੇ ਅਰਧ ਸੈਨਿਕ ਰੈਪਿਡ ਸਪੋਰਟ ਫ਼ੋਰਸਿਜ਼ (ਆਰ.ਐਸ.ਐਫ.) ਦੇ ਹਮਲਿਆਂ ਵਿਚ ਘੱਟੋ-ਘੱਟ 300 ਲੋਕ ਮਾਰੇ ਗਏ। ਇਹ ਜਾਣਕਾਰੀ ਸੁੂਡਾਨ ਦੇ ਵਿਦੇਸ਼ ਮੰਤਰਾਲੇ ਨੇ ਦਿਤੀ। ਮੰਤਰਾਲੇ ਦੇ ਇਕ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਇਹ ਹਮਲੇ ਪਿਛਲੇ ਦੋ ਦਿਨਾਂ ਵਿਚ ਹੋਏ ਹਨ ਅਤੇ ਆਰ.ਐਸ.ਐਫ਼ ’ਤੇ ਮਨੁੱਖਤਾ ਵਿਰੁਧ ਅਪਰਾਧ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਕਤਲੇਆਮ ਨਸਲੀ ਆਧਾਰ ’ਤੇ ਹੋਏ ਸਨ।
ਮੰਤਰਾਲੇ ਨੇ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਅਤੇ ਹੋਰ ਅੰਤਰਰਾਸ਼ਟਰੀ ਧਿਰਾਂ ਨੂੰ ਆਰ.ਐਸ.ਐਫ਼ ਦੀਆਂ ਕਾਰਵਾਈਆਂ ਪ੍ਰਤੀ ਅਪਣੀ ਨਰਮੀ ਖ਼ਤਮ ਕਰਨ ਦੀ ਅਪੀਲ ਦੁਹਰਾਈ। ਇਕ ਸੁਤੰਤਰ ਮਾਨਵਤਾਵਾਦੀ ਸਮੂਹ ਸੂਡਾਨੀਜ਼ ਡਾਕਟਰ ਸਿੰਡੀਕੇਟ ਦੀ ਤਿਆਰੀ ਕਮੇਟੀ ਨੇ ਵੀ 300 ਤੋਂ ਵੱਧ ਲੋਕਾਂ ਦੀ ਮੌਤ ਦੀ ਪੁਸ਼ਟੀ ਕੀਤੀ, ਜਿਨ੍ਹਾਂ ਵਿਚ 15 ਔਰਤਾਂ ਅਤੇ 21 ਬੱਚੇ ਸ਼ਾਮਲ ਹਨ।
ਆਰ.ਐਸ.ਐਫ਼ ਨੇ ਅਜੇ ਤਕ ਦੋਸ਼ਾਂ ’ਤੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ। ਸ਼ੁੱਕਰਵਾਰ ਨੂੰ ਆਰ.ਐਸ.ਐਫ਼ ਨੇ ਐਲਾਨ ਕੀਤਾ ਕਿ ਉਸ ਨੇ ਅਲ-ਨੁਹੁਦ ਦਾ ਕੰਟਰੋਲ ਅਪਣੇ ਕਬਜ਼ੇ ਵਿਚ ਲੈ ਲਿਆ ਹੈ, ਦੋਵਾਂ ਧਿਰਾਂ ਵਿਚਕਾਰ ਝੜਪਾਂ ਤੋਂ ਬਾਅਦ ਸ਼ਹਿਰ ਵਿਚ ਸੁੂਡਾਨੀ ਫ਼ੌਜ ਦੇ 18ਵੇਂ ਪੈਦਲ ਡਿਵੀਜ਼ਨ ਦੇ ਮੁੱਖ ਦਫਤਰ ’ਤੇ ਕਬਜ਼ਾ ਕਰ ਲਿਆ ਹੈ।
ਸੰਯੁਕਤ ਰਾਸ਼ਟਰ ਅਨੁਸਾਰ ਫ਼ੌਜ ਅਤੇ ਆਰ.ਐਸ.ਐਫ਼ ਵਿਚਕਾਰ ਚੱਲ ਰਹੇ ਸੰਘਰਸ਼, ਜੋ ਕਿ ਅਪ੍ਰੈਲ 2023 ਦੇ ਅੱਧ ਵਿਚ ਸ਼ੁਰੂ ਹੋਇਆ ਸੀ, ਨੇ ਹਜ਼ਾਰਾਂ ਲੋਕਾਂ ਦੀ ਜਾਨ ਲੈ ਲਈ ਹੈ, 15 ਮਿਲੀਅਨ ਤੋਂ ਵੱਧ ਲੋਕਾਂ ਨੂੰ ਬੇਘਰ ਕਰ ਦਿਤਾ ਹੈ ਅਤੇ ਸੁੂਡਾਨ ਨੂੰ ਦੁਨੀਆ ਦੇ ਸੱਭ ਤੋਂ ਭਿਆਨਕ ਮਨੁੱਖੀ ਸੰਕਟਾਂ ਵਿਚੋਂ ਇਕ ਦਾ ਸਾਹਮਣਾ ਕਰਨਾ ਪਿਆ ਹੈ। ਦੇਸ਼ ਦੀ ਸਿਹਤ ਸੰਭਾਲ ਪ੍ਰਣਾਲੀ ਢਹਿ-ਢੇਰੀ ਹੋ ਗਈ ਹੈ ਅਤੇ ਸੰਯੁਕਤ ਰਾਸ਼ਟਰ ਦੀਆਂ ਏਜੰਸੀਆਂ ਨੇ ਚੇਤਾਵਨੀ ਦਿਤੀ ਹੈ ਕਿ ਸੁੂਡਾਨ ਅਕਾਲ ਦੇ ਕੰਢੇ ’ਤੇ ਹੈ। ਮਾਰੇ ਗਏ ਲੋਕਾਂ ਦੀ ਸਹੀ ਗਿਣਤੀ ਦੀ ਪੁਸ਼ਟੀ ਕਰਨਾ ਮੁਸ਼ਕਲ ਹੈ, ਯੁੱਧ ਨਿਰੀਖਕਾਂ ਦਾ ਅਨੁਮਾਨ ਹੈ ਕਿ ਮਰਨ ਵਾਲਿਆਂ ਦੀ ਗਿਣਤੀ 30,000 ਤੋਂ 150,000 ਦੇ ਵਿਚਕਾਰ ਹੈ। (ਏਜੰਸੀ)
(For more news apart from '300 people killed in RSF attacks News in punjabi ' stay tuned to Rozana Spokesman)
