ਅਨਾਜ ਦੀ ਕਾਸ਼ਤ ’ਚ 160,000 ਹੈਕਟੇਅਰ ਦਾ ਵਾਧਾ, ਬਹੁਤੇ ਕਿਸਾਨ ਕਣਕ ਉਗਾਉਣ ਲੱਗੇ
Afghanistan opium ban : ਸੰਯੁਕਤ ਰਾਸ਼ਟਰ ਦੇ ਡਰੱਗਜ਼ ਅਤੇ ਅਪਰਾਧ ਦਫਤਰ ਨੇ ਐਤਵਾਰ ਨੂੰ ਕਿਹਾ ਕਿ ਅਫਗਾਨਿਸਤਾਨ ’ਚ ਅਫੀਮ ਪੋਸਤ ਦੀ ਖੇਤੀ ਅਪਰੈਲ 2022 ’ਚ ਦੇਸ਼ ਦੀ ਕਾਰਜਕਾਰੀ ਸਰਕਾਰ ਵਲੋਂ ਨਸ਼ਿਆਂ ’ਤੇ ਪਾਬੰਦੀ ਲਗਾਉਣ ਤੋਂ ਬਾਅਦ ਅੰਦਾਜ਼ਨ 95 ਫੀ ਸਦੀ ਤਕ ਘੱਟ ਗਈ ਹੈ।
ਕਿਸੇ ਸਮੇਂ ਅਫ਼ਗਾਨਿਸਤਾਨ ਦੁਨੀਆਂ ’ਚ ਸਭ ਤੋਂ ਵੱਧ ਅਫ਼ੀਮ ਦਾ ਉਤਪਾਦਨ ਕਰਦਾ ਸੀ। ਸੰਗਠਨ ਦੀ ਰੀਪੋਰਟ ਅਨੁਸਾਰ, ਅਫ਼ਗਾਨਿਸਤਾਨ ’ਚ ਅਫੀਮ ਦੀ ਖੇਤੀ 233,000 ਹੈਕਟੇਅਰ ਤੋਂ ਘਟ ਕੇ 2023 ’ਚ ਸਿਰਫ 10,800 ਹੈਕਟੇਅਰ ਰਹਿ ਗਈ, ਜਿਸ ਨਾਲ ਅਫੀਮ ਦੀ ਸਪਲਾਈ ’ਚ 95 ਫ਼ੀ ਸਦੀ ਦੀ ਕਮੀ ਆਈ, ਜੋ ਕਿ 6,200 ਟਨ ਤੋਂ 2023 ’ਚ 332 ਟਨ ਰਹਿ ਗਈ।
ਰੀਪੋਰਟ ਅਨੁਸਾਰ ਅਫੀਮ ਦੀ ਫਸਲ ਵੇਚਣ ਨਾਲ ਕਿਸਾਨਾਂ ਦੀ ਆਮਦਨ ’ਚ 1 ਅਰਬ ਡਾਲਰ ਤੋਂ ਵੱਧ ਦੀ ਕਮੀ ਆਈ ਹੈ। ਰੀਪੋਰਟ ’ਚ ਨੋਟ ਕੀਤਾ ਗਿਆ ਹੈ ਕਿ ਫਰਾਹ, ਹੇਲਮੰਡ, ਕੰਧਾਰ ਅਤੇ ਨੰਗਰਹਾਰ ਸੂਬਿਆਂ ’ਚ ਅਨਾਜ ਦੀ ਕਾਸ਼ਤ ’ਚ 160,000 ਹੈਕਟੇਅਰ ਦੇ ਸਮੁੱਚੇ ਵਾਧੇ ਦੇ ਨਾਲ ਬਹੁਤ ਸਾਰੇ ਕਿਸਾਨ ਇਸ ਦੀ ਬਜਾਏ ਕਣਕ ਦੀ ਕਾਸ਼ਤ ਕਰਨ ਵੱਲ ਮੁੜ ਪਏ।
(For more news apart from Afghanistan opium ban, stay tuned to Rozana Spokesman)
