ਪ੍ਰਿੰਸ ਵਿਲੀਅਮ ਨੇ ਉਹਨਾਂ ਦੀ ਅਮਰੀਕੀ ਪਤਨੀ ਮੇਘਨ ਮਾਰਕਲ ਨੂੰ ਲੈ ਕੇ ਹੋਈ ਬਹਿਸ ਦੌਰਾਨ ਹੈਰੀ ਨੂੰ ‘ਧੱਕਾ ਦੇ ਕੇ’ ਫਰਸ਼ 'ਤੇ ਸੁੱਟ ਦਿੱਤਾ ਸੀ।
ਲੰਡਨ: ਬ੍ਰਿਟੇਨ ਦੇ ਸ਼ਾਹੀ ਪਰਿਵਾਰ ਨਾਲ ਆਪਣਾ ਰਿਸ਼ਤਾ ਖਤਮ ਕਰ ਚੁੱਕੇ ਪ੍ਰਿੰਸ ਹੈਰੀ ਨੇ ਆਪਣੀ ਆਤਮਕਥਾ 'ਚ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ। ਪ੍ਰਿੰਸ ਹੈਰੀ ਨੇ ਦੱਸਿਆ ਕਿ ਉਹਨਾਂ ਦੇ ਭਰਾ ਪ੍ਰਿੰਸ ਵਿਲੀਅਮ ਨੇ ਉਹਨਾਂ ਦੀ ਅਮਰੀਕੀ ਪਤਨੀ ਮੇਘਨ ਮਾਰਕਲ ਨੂੰ ਲੈ ਕੇ ਹੋਈ ਬਹਿਸ ਦੌਰਾਨ ਹੈਰੀ ਨੂੰ ‘ਧੱਕਾ ਦੇ ਕੇ’ ਫਰਸ਼ 'ਤੇ ਸੁੱਟ ਦਿੱਤਾ ਸੀ। ਮੀਡੀਆ 'ਚ ਆਈ ਇਕ ਖ਼ਬਰ 'ਚ ਇਹ ਜਾਣਕਾਰੀ ਦਿੱਤੀ ਗਈ ਹੈ।
ਇਹ ਵੀ ਪੜ੍ਹੋ: ਸਰਕਾਰ ਨੇ ਅੱਤਵਾਦੀ ਸੰਗਠਨ TRF 'ਤੇ ਲਗਾਈ ਪਾਬੰਦੀ
ਪ੍ਰਿੰਸ ਹੈਰੀ ਦੀ ਸਵੈ-ਜੀਵਨੀ 'ਸਪੇਅਰ' ਦੀ ਇਕ ਕਾਪੀ ਦੇਖਣ ਦਾ ਦਾਅਵਾ ਕਰਨ ਵਾਲੇ 'ਗਾਰਡੀਅਨ' ਅਨੁਸਾਰ 2019 ਵਿਚ ਆਪਣੇ ਲੰਡਨ ਸਥਿਤ ਘਰ ਵਿਚ ਹੋਈ ਤਕਰਾਰ ਦਾ ਜ਼ਿਕਰ ਕਰਦੇ ਹੋਏ, ਹੈਰੀ ਨੇ ਲਿਖਿਆ ਕਿ ਵਿਲੀਅਮ ਨੇ ਮੇਘਨ ਨੂੰ "ਜ਼ਿੱਦੀ", "ਅਸੱਭਿਅਕ" ਅਤੇ “ਹੰਕਾਰੀ” ਦੱਸਿਆ ਸੀ।
ਅਖ਼ਬਾਰ ਅਨੁਸਾਰ, ਹੈਰੀ ਨੇ ਲਿਖਿਆ ਕਿ ਝਗੜਾ ਉਦੋਂ ਵਧ ਗਿਆ ਜਦੋਂ ਵਿਲੀਅਮ ਨੇ "ਮੇਰਾ ਕਾਲਰ ਫੜ ਲਿਆ, ਮੇਰਾ ਨੈਕਲੈਸ ਤੋੜ ਦਿੱਤਾ ਅਤੇ ... ਮੈਨੂੰ ਜ਼ਮੀਨ 'ਤੇ ਸੁੱਟ ਦਿੱਤਾ"।
ਇਹ ਵੀ ਪੜ੍ਹੋ: ਅਮਰੀਕਾ ਵਿਖੇ ਵਾਪਰੇ ਹਾਦਸੇ ਨੇ ਲਈ ਪੰਜਾਬੀ ਟਰੱਕ ਡਰਾਈਵਰ ਦੀ ਜਾਨ
ਇਹ ਕਿਤਾਬ ਅਗਲੇ ਹਫਤੇ 10 ਜਨਵਰੀ ਨੂੰ ਦੁਨੀਆ ਭਰ ਵਿਚ ਪ੍ਰਕਾਸ਼ਿਤ ਕੀਤੀ ਜਾਵੇਗੀ। ਹੈਰੀ ਮੁਤਾਬਕ ਇਸ ਕਾਰਨ ਉਸ ਦੀ ਪਿੱਠ 'ਤੇ ਸੱਟ ਦੇ ਸਪੱਸ਼ਟ ਨਿਸ਼ਾਨ ਸਨ। ਕਿਤਾਬ ਵਿਚ ਅਜਿਹੀਆਂ ਕਈ ਅਸਾਧਾਰਨ ਘਟਨਾਵਾਂ ਦਾ ਜ਼ਿਕਰ ਹੈ। ਇਸ ਕਿਤਾਬ ਨਾਲ ਬ੍ਰਿਟਿਸ਼ ਸ਼ਾਹੀ ਪਰਿਵਾਰ ਨੂੰ ਲੈ ਕੇ ਗੰਭੀਰ ਹੰਗਾਮਾ ਹੋਣ ਦੀ ਸੰਭਾਵਨਾ ਹੈ।
ਇਹ ਵੀ ਪੜ੍ਹੋ: ਫ਼ਿਰੋਜ਼ਪੁਰ ਵਿਖੇ BSF ਵਲੋਂ ਸਰਹੱਦ ਨੇੜੇ ਖੇਤਾਂ 'ਚੋਂ 1 ਕਿਲੋ ਹੈਰੋਇਨ ਬਰਾਮਦ
ਕੇਨਸਿੰਗਟਨ ਪੈਲੇਸ ਨੇ ਕਿਹਾ ਕਿ ਉਸ ਨੇ ਇਸ ’ਤੇ "ਕੋਈ ਟਿੱਪਣੀ ਨਹੀਂ ਕਰਨੀ ਹੈ"। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਕਿਤਾਬ ਦਾ ਸਿਰਲੇਖ ਸ਼ਾਹੀ ਅਤੇ ਕੁਲੀਨ ਵਰਗ ਵਿਚ ਇਕ ਪੁਰਾਣੀ ਕਹਾਵਤ ਤੋਂ ਆਇਆ ਹੈ, ਜਿਸ ਦੇ ਅਨੁਸਾਰ: ਪਹਿਲਾ ਪੁੱਤਰ ਖਿਤਾਬ, ਸ਼ਕਤੀ ਅਤੇ ਕਿਸਮਤ ਦਾ ਵਾਰਸ ਹੁੰਦਾ ਹੈ ਅਤੇ ਜੇ ਪਹਿਲੇ ਬੱਚੇ ਨੂੰ ਕੁਝ ਹੁੰਦਾ ਹੈ ਤਾਂ ਦੂਜਾ ਇਕ ਬਦਲ (ਸਪੇਅਰ) ਹੁੰਦਾ ਹੈ।
