ਰਤੀ ਮੂਲ ਦੀ ਇਕ ਦੱਖਣ ਅਫ਼ਰੀਕੀ ਔਰਤ 'ਤੇ ਚੋਰੀ ਲੁਕਾਉਣ ਲਈ ਕੈਂਸਰ ਦਾ ਨਾਟਕ ਕਰ ਕੇ ਕਰੀਬ ਇਕ ਕਰੋੜ 13 ਲੱਖ ਰੁਪਏ ਦਾ...
ਜੋਹਾਨਸਬਰ : ਭਾਰਤੀ ਮੂਲ ਦੀ ਇਕ ਦੱਖਣ ਅਫ਼ਰੀਕੀ ਔਰਤ 'ਤੇ ਚੋਰੀ ਲੁਕਾਉਣ ਲਈ ਕੈਂਸਰ ਦਾ ਨਾਟਕ ਕਰ ਕੇ ਕਰੀਬ ਇਕ ਕਰੋੜ 13 ਲੱਖ ਰੁਪਏ ਦਾ ਘਪਲਾ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਵਿੰਦਰਾ ਜੈਕਰਨ ਛੋਟੇ ਲਾਲ ਮੂਡਲੇ ਨੇ ਹਮਦਰਦੀ ਲੈਣ ਲਈ ਅਪਣੇ ਵਾਲ ਕਟਵਾ ਦਿਤੇ ਅਤੇ ਅੱਖਾਂ ਦੇ ਭਰਵੱਟੇ ਅਤੇ ਪਲਕਾਂ ਵੀ ਸਾਫ਼ ਕਰਵਾ ਦਿਤੀਆਂ। ਉਸ ਨੇ ਅਪਣੇ ਸਕੂਲ ਨੂੰ ਫ਼ਰਜ਼ੀ ਦਸਤਾਵੇਜ਼ ਦੇ ਕੇ 20 ਲੱਖ ਤੋਂ ਜ਼ਿਆਦਾ ਰੈਂਡ ਚੋਰੀ ਕੀਤੇ।
Indian origin woman accused cancer faking scam
ਉਸ ਨੇ ਫ਼ਰਜ਼ੀ ਕੰਪਨੀ ਬਣਾ ਕੇ ਉਨ੍ਹਾਂ ਸੇਵਾਵਾਂ ਲਈ ਕੰਪਨੀ ਨੂੰ ਬਿਲ ਫੜਾਏ ਜੋ ਦਿਤੀਆਂ ਹੀ ਨਹੀਂ ਗਈਆਂ ਸਨ। ਫੜੀ ਜਾਣ 'ਤੇ ਉਸ ਨੇ ਸਾਰਾ ਠੀਕਰਾ ਅਪਣੇ ਬੇਟੇ ਦੇ ਸਿਰ 'ਤੇ ਭੰਨਣਾ ਚਾਹਿਆ। ਉਸ ਨੂੰ ਡਰਬਨ ਦੀ ਇਕ ਅਦਾਲਤ ਨੇ ਧੋਖੇਬਾਜ਼ੀ ਦੇ ਮਾਮਲੇ ਵਿਚ ਦੋਸ਼ੀ ਕਰਾਰ ਦਿਤਾ ਹੈ। ਉਸ ਨੂੰ ਅਗਲੇ ਮਹੀਨੇ ਸਜ਼ਾ ਸੁਣਾਈ ਜਾਵੇਗੀ।
Indian origin woman accused cancer faking scam
ਮੂਡਲੇ ਨੇ ਸਵੀਕਾਰ ਕੀਤਾ ਕਿ ਉਸ ਨੇ ਸਕੂਲ ਨੂੰ ਝੂਠ ਬੋਲਿਆ ਸੀ ਕਿ ਉਸ ਨੂੰ ਕੈਂਸਰ ਹੈ ਅਤੇ ਉਹ ਚਾਰ ਮਹੀਨੇ ਹੀ ਜ਼ਿੰਦਾ ਰਹਿ ਸਕੇਗੀ। ਸਕੂਲ ਸਟਾਫ਼, ਵਿਦਿਆਰਥੀ, ਮਾਪੇ ਅਤੇ ਵੱਖ-ਵੱਖ ਕਾਰੋਬਾਰੀਆਂ ਨੇ ਉਸ ਦੇ ਦਾਅਵਿਆਂ ਦੇ ਭਰੋਸਾ ਕਰ ਕੇ ਆਰਥਿਕ ਮਦਦ ਦੇਣ ਲਈ ਮੁਹਿੰਮ ਵੀ ਸ਼ੁਰੂ ਕਰ ਦਿਤੀ ਸੀ।
Indian origin woman accused cancer faking scam
ਦਖਣੀ ਅਫ਼ਰੀਕਾ ਕੈਂਸਰ ਐਸੋਸੀਏਸ਼ਨ ਨੇ ਉਸ ਦੀ ਇਸ ਹਰਕਤ ਦੀ ਸਖ਼ਤ ਨਿੰਦਾ ਕੀਤੀ ਹੈ। ਸੰਸਥਾ ਨੇ ਕਿਹਾ ਕਿ ਇਸ ਘਟਨਾ ਤੋਂ ਬਾਅਦ ਜਿਨ੍ਹਾਂ ਲੋਕਾਂ ਨੂੰ ਸੱਚਮੁੱਚ ਮਦਦ ਦੀ ਲੋੜ ਹੈ, ਉਨ੍ਹਾਂ ਦੀ ਅਪੀਲ ਕੋਈ ਨਹੀਂ ਸੁਣੇਗਾ।
